حتى متى أنتم متراخون ؟؟

[فيرينا]

[COLOR="magenta"]" فقال يشوع لبني أسرائيل حتى متى أنتم متراخون عن الدخول لأمتلاك ألأرض التي أعطاكم أياها الرب اله أبائكم " ( يش 18 : 3 ) [/COLOR]

الايه اللي قبل دي كان مكتوب أنه لسه في سبع اسباط متملكوش أرضهم بس الغريب انه من اول سفر يشوع والشعب عمال يحارب وياخد أراضي وينتصر حتى لو اتهزم مره او اتنين كان بيرجع تاني ويكمل مشواره

يعني الشعب مقصرش دا كان بيجاهد ويحارب وينتصر يبقى ليه يشوع عاتب الشعب ......!!
هنا افتكرت وعظه ابونا قالها يوم رأس السنه أنه في السنه الجديده انت ناوي تعمل ايه صحيح أنت ممكن تكون بتصلي وبتحضر القداس وبتصوم وبتخدم بس بقالك مثلا 10 سنين على نفس المنهج دا ..... نفس الوقت المخصص للصلاه , برضوا بتروح القداس على الانجيل علشان تتناول

وملفتش نظرك انه كان المفروض انك تجاهد اكتر انك تحارب اكتر انك مثلا تحاول تحضر القداس من اوله ...................!!!!!!!!!!!!!!

تخيل معايا لو هنرسم خط يربط بينا احنا على الارض وبين ربنا في السما طبعا الخط هيكون من تحت لفوق ( مايل بالتدريج لفوق لأننا مش صاروخ هنط نبقى عن ربنا )
لو حبيبنا نطلع على الخط او الطريق دا يبقى لازم نزود من جهادنا ومن وسائط النعمه علشان نوصل للرب

(( زي بالضبط اي عربيه ( سياره ) محتاجه تطلع كوبري ))

وهنا بنلاقي ان مشكلتنا هي نفس مشكله الاسباط زمان هما كانوا حاسيين ان مستواهم في الحرب رائع وانهم ليهم الغلبه على اعدائهم دا صح بس بنسبه .............. كان المفروض ينتصروا اكتر كان المفروض يمتلكوا اكتر

علشان كدا يشوع العهد القديم او رب المجد يسوع بيقول حتى متى أنتم متراخون ..... !!!!

شفت أيه تانيه افتكرت منها اني لما اجاهد هلاقي نتيجه زي اللي لقاها مسيح الرب كورش

" وأعطيك ذخائر الظلمه وكنوز المخابىء لكي تعرف أني أنا الرب الذي يدعوك بأسمك اله اسرائيل " ( أش 45 : 3 )

كنوز المخابىء انا قلت هاخد دهب ياقوت مرجان .. أحمدك يا رب هاخد بركات روحيه لو جاهدت وعطايا من عندك ومفيش مانع لو حبة حاجات ارضيه متضرش برضوا يا رب انا بنتك

بس في خادمه قالتلي انه معنى الايه دي مش البركات اللي انا مش شيفاها بس لكن كمان ساعات بيبقى انا شخصيا عندي كنوز انا مش حاسه بقيمتها وأبليس مخبيها عن عنيا
هي كنوز عندي بس بالنسبه ليا هي مش موجوده يمكن لاني محاولتش افكر في مميزات شخصيتي قبل كدا وانه ممكن يكون ربنا حط جوايا حاجات علشان اخدمه بيها وانا مش واعيه
ديما لما بنجيب سيره القدرات الخاصه بيجي في ذهننا الترانيم والوعظ والخدمات اللي باينه بس في حاجات تانيه

تخيل لو انت شخص بشوش وكل اللي عملته انك وقفت على باب الكنيسه تستقبل الشباب اللي دا خلين الاجتماع تخيل ابتسامتك دي هتفرق مع ناس تعبانه ومحتاجه ربنا بس كمان محتاجه بشاشه وحب

افتكرت موهبه غريبه شفتها في أتنين من أصحابي وهي الأنصات للأخرين

زميلي في الكليه كانت عنده الموهبه دي وديما كان كل الشله والشلل المجاوره لينا بيجوا لحد عنده يحكو معاه في مشاكلهم وهو عمره ما كسف حد بالعكس كان ديما مرحب وديما متفاعل مع المسيحين وغير المسيحين بجد هو ملجأ لأي شخص تعبان وحتى لو مكنش عنده الحل كان على الاقل بيصلي

وكمان في كنيستي كان ليا صاحبه عندها نفس الموهبه بس هي كانت بتضايق لدرجه انها سمت نفسها فلانه مشاكل من كتر المشاكل اللي بتتحكي ليها

هنا الاتنين عندهم نفس الموهبه بس زميلي كان واعي انها ميزه ونعمه من ربنا يقدر يخدم بيها أخواته

بس صاحبتي كانت مش شايفه انها موهبه بالعكس كانت شيفاها نقمه ابليس كان مخبى الكنز دا عنها مع انها خادمه رائعه وبنت ربنا بجد بس مكنتش قادره تشوف ربنا في الامر دا كان بالنسبه ليها ظلمه وعثره وهى مالها يعني هي هتصلح الكون
أحب اقولك حاجه في الاخر لو هتتراخى في جهادك مش هتتقدم في علاقتك مع ربنا ومش هتكبر هتفضل زي ما أنت طفل في الايمان كمان مش هتقدر تشوف قدراتك اللي هي موجوده عندك اصلا والرب وضعها فيك لهدف ......................

ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ
( أنا بطلب مجدك وريني مجدك

واذا كان في عنيا قشور شيلها بيدك ) 2

يا يسوع أنت أحتياجي بتمسك بيك

وأنت فرحي وتاجي أنا عيني عليك

وأن كان في قلبي خطيه وراعيتها كتير

خلصني من العبوديه بقوه تحرير

[Rawad]

شكرا لك فيرينا على هذا المقال اللي فعلا جميل وبيخلينا نحس بضعفنا
اذكريني في صلواتك.......

[فيرينا]

الشكر كله الك يا رواد ربنا يبارك حياتك

من فضلك يا رب اكشف لينا عن ضعفتنا من غيرك يا رب مش هنقدر نشوف نفسنا صح

امين يا رواد صلوات العدرا والقديسين وانت كمان اذكرني بصلاتك