بتشوف كويس !!

[فيرينا]

[COLOR="Magenta"] " و بذلك ايضا كان اللصان اللذان صلبا معه يعيرانه " ( مت 27 : 44 )[/COLOR]

في بداية الصلب اللصين كانوا بيعيروا رب المجد على صليبه لكن بعد فتره لما الطبيعه اعترضت ساعتها اللص اليمين اخد باله ان المصلوب دا مش شخص عادي وشافه كويس وساعتها طلب منه انه يذكره معاه في الفردوس

وانت اخدت بالك طول السنه اللي فاتت من اللي حصل معاك هل لفت نظرك اد ايه اتكتب ليك عمر جديد السنه دي

صديقه قالتلي انها كانت ماشيه عادي في الشارع وفجاه لوحدها اخدت خطوه يمين من غير ما تفكر بس هي اتحركت من مكانها وعدت عربيه مكان ما كان المفروض تكون موجوده فعلا هي اخدت فرصه تانيه

وانت هل في فرص جديده اخدتها ..... واكيد اخدت سواء زياده في عمرك او مواقف ربنا ستر معاك فيها او صحتك ربنا يحافظلك عليها

هل شكرت ربنا على الاحسانات والخير دا كله هل شكرت ربنا على اخواتك وعيلتك ؟؟؟؟

ولو شكرته هتشكره بصيغة انه اب او أله او حد غريب

يا ريت تشكره وتراجع الصيغه اللي هتكلمه بيها لو غلطت فيه وهو ابوك اعتذر لو ممجدتوش في السنه دي صلي انك تقدر تمجده السنه الجديده

لو هو اله غريب عنك اطلب منه انك تتعرف عليه مش يمكن يطلع شخص رائع وانت خسران انك بعيد عنه

ـــــــــــــــــــــــــ ــــــــــــــــــ

شكرا ليك يا اللي بتراعني ياللي ايديك ديما رفعاني

رغم اننا بتغير ديما انت امين مبتتغيرش
وعدك صادق لما بتوعد عن وعدك انت مترجعش

[Beshara]

لو عملنا امتحان هل أننا شكرنا الله على كل نعمه و مراحمه المنظورة و غير المنظورة التي أسبغها علينا فأعتقد ان النتيجة بالنسبة لي -على الأقل -هي أنني مصاب بضعف نظر شديد وأني بحاجة إلى عدسات النعمة لأتمكن من رؤية هذه العطايا جيدا.
صلوا لأجل ضعفي

[فيرينا]

فأعتقد ان النتيجة بالنسبة لي -على الأقل -هي أنني مصاب بضعف نظر شديد وأني بحاجة إلى عدسات النعمة لأتمكن من رؤية هذه العطايا جيدا.

وانا كمان ربنا يدينا عدسات النعمه علشان نشوف كل خيره المنظور وغير المنظور

ربنا يبارك حياتك وصلوات العدرا والقديسين تكون معاك

[Gaga]

هل شكرت ربنا على الاحسانات والخير دا كله هل شكرت ربنا على اخواتك وعيلتك ؟؟؟؟

ولو شكرته هتشكره بصيغة انه اب او أله او حد غريب

شكراً لك يا ابي
ايها الرحوم سامحني

[فيرينا]

شكراً لك يا ابي
ايها الرحوم سامحني

امين يسامحنا كلنا وانا اولكم

ربنا معاك ديما لا يهملك ولا يتركك