تحذير لـ ديسماس: Inappropriate Language

[Maximos]

العضو:
ديسماس

المخالفة:
Inappropriate Language

النقاط:
0

ملاحظة الإدارة:

تنبيه

رسالة للعضو:

حبيبنا ديسماس ..

أغلب مشاركاتك عم تكون من نوع المزح ( مشان ما نقول التمسخر ) ..
و هادا ما بيتناسب مع اتجاه المنتدى اللي عم يحاول يقدم كل شيء مفيد ..

مشان هيك لقيت إنو وجّهلك هالإنذار مشان تصللح هالأمر من اليوم و طالع ..

و تم وضع مشاركاتك تحت المراقبة من هون لحتى تثبت عكس هالكلام ..

بتمنى ما تحيجنا لإجراءات تانية

صلواتك

[Fr. Boutros Elzein]

ياريت يتم توضيح المشكلة وانا لا اعرف الفحوى
فا ديسماس يعترض امام الآباء في قسم الخاص بهم هنا . وانا رددت عليه وتساءلت عن عدم توضيح الأمر له . وتطور الموضوع من الإنذار إلى الطرد .
ويبدُ انه نقل احتجاجه الى موقع سيرافيم بالسر والعلن على ما الاحظ !!! انا اشارك بذلك الموقع ايضاً !!!!
اخي مكسيموس ما الموضوع ؟؟ ولماذا لا تنهي الموضوع معه وننهي الثرثرة حوله . وتكتب عيوب مشاركاته .
عفواً للتدخل . ولكن رغبتي هي في عدم استخدام الموضوع لتضليل الاخوة. وضرب مصداقية المنتدى.
ويمكنكم تناسي مشاركتي هذه إن رأيتم انه من الأفضل عدم فتح الموضوع لأن الطرد وقع وانتهى الأمر.

[Maximos]

باركوا ... أبونا الحبيب بطرس

بالحقيقة الموضوع أخد أكبر من حجمو .. و الأخوة بسيرافيم ( و تحديدا ً نيقولاوس ) ما تصرفوا متل ما توقعت و تأملت من محبتهم ..

شو قصة ديسماس :

هوّي سجل بالمنتدى بأوائل الشهر التامن ..

و على مدة أكتر من عشر إيام بقينا نتعالج معو أنا و ألكسيوس و بشارة مشان يختار إسم علم .. و هالحكي كللو بالرسائل الخاصة ..
لأنو كان مختار إسم No Name No one
و بعد عدة محاولات كان جوابو : أنا ما بستحق إحمل إسم ..
و بعد عدة محاولات كان جوابو إنو اختار إسم ( دودة ) يا أللـــــه عالتواضع و الانسحاق .. !!!!!!!!!
و بعد عدة محاولات اختار إسم يهوذا الاسخريوطي
و بعد عدة محاولات اختار إسم ديماس .. و بعدين رجع طلب عدلو لـ ديسماس

هييييييييييييييي اختار إسم .. لولولولولوليييييييش

هون بلشنا بالحلقة التانية ... . المشاركات ..

كومة مشاركات قمت بتعديلها لحتى ما إحذفها .. لأنو بتتعاطى مع الموضوع بشكل ساخر أحيانا ً .. و متل ( كبّ الميّ الباردة ) أحيان تانية ..
بس قلت خليه ينبسط و يتشجع بما إنو نزلناها .. و بنفس الوقت لما بيشوف الحذف اللي منها بيتعلم إنو هيّ غلط أو ما بتسوى .. إنو بما معناه يتشذب و يتقدم ..

و في كتير من هالمشاركات حذفتها حذف نهائي و يا ريتني خليتها كنت شفت - أبونا - شو هوي كاتب فيها .. بس بكل الأحوال هالكم وحدة الباقيين بيعطوا لمحة بسيطة بدل الأولانيات ..

و في مشاركة وحدة رديت عليها بمشاركة بعدها .... بما معناه ( إنو شو هالنعومية .. الخ ) بلكي بيخجل من هالطريقة بالكتابة ..
و ماااااااا نفع هالحكي .. و لا نفعت أي طريقة ..
فا .. ما لقيت غير إنو رجّع مشاركاتو لتكون تحت الرقابة = بدها موافقة الإشراف لتنزل .. و وجهتللو إنذار .. قلت بلكي هالهزّة بتوعّيه و بيصير يكتب منيح ..
بدل هيك .. راح كل التواضع و الانسحاق اللي كان وقت اختيار الاسم العلم .. و بللش الزلمي بالمظاهرات و يتشكى للغير و يتظلملهم على اساس إني ظلمتو ..
و كتب لقدس الآباء اللي معنا موضوع .. إنتا - أبونا الحبيب - بتعرف شو فيه .. أما أنا ما إلي صلاحية فوت على هالقسم على مواضيع مو أنا كاتبها متلي متل بقية الأعضاء ..

و لما هالشغلة ما أرضت ( تواضعو و إنسحاقو ) راح على منتدى القديس سيرافيم .. و بلش الطعن فيني و بمنتدى أرثوذكس أون لاين ..
و طلبت برسالة خاصة من نيقولاوس إنو يحذف الموضوع اللي حطو ليتم الترحيب فيه لأنو فيه هالتهجم و الاتهام الباطل .. على أساس إنو بيقدر ديسماس يحط موضوع جديد ما تنجاب فيه سيرتنا بالعاطل ..
نيقولاوس رفض .. و قللي إنو قللو إنو يفتح صفحة جديدة و ما بقى يجيب هالسيرة ..
و ما تم الالتزام الكامل بهالكلام من قبل نيقولاوس .. ممكن يكون التزم جزئيا ً .. و هادا غير كافي ..

و للعلم ديسماس بأرثوذكس أون لاين هوّي من مواليد 1910 ...
Biography مافي شي مهم الإقامة : بالوطن المعتر


و رح إذكر كمان ( مع إني ما بحب هالأمر ) .. إنو أنا اللي تحملت كل الإشيا المذكورة من قِبلو .. و رغم هيك أنا الوحيد اللي سألت عنو وقت اللي غاب كم يوم عن المنتدى .. و إذا شفت ملفو الشخصي بتلاقي إنو انا الوحيد اللي اهتميت فيه بكل محبة ..

و هوّي شو كان ردّو على هالمحبة ..

و حتى لما بلش عملية ( نشر عرض ) باستخدام منتدى القديس سيرافيم ساروف ما رديت عليه مشان ما إضطر إكتب هالإشيا اللي مو منيحة بحقو .. و تأملت إنو نيقولاوس يتكفل بالموضوع



صلواتك

[Fr. Boutros Elzein]

اخي الحبيب مكسيموس بركة الرب ترافقك كيفما اتجهت وحيثما كنت . آمين .
اسمح لي أن اعطي رأيي بمحبة ولا شيء عدى ذلك .
ليتك كنت لم تنقل هذه المشاركة إلى موقع سيرافيم . وبقي الموضوع بيننا هنا ونعالجه بعد ان نتبينه على حقيقته وباثبات صحة قرارك في طرد ديسماس لنعلنها لهم هناك وواضحة وحاسمة .
وانا لم اطلب هذا هناك ولكن اردته هنا في بيتنا الداخلي .!
فالآن أنت اعطيته مجالاً ليقول ما لا نعرفه وما ينوي منه . و ربما سيكون هناك ردود من الإخوة وقد يطول الأخذ والرد بلا ثمن ونفع او ثمر غير الغرق في موجة غضب وحدّة (وفشة خلق) .
والآن اقترح ان تشهر له فقط مشاركاته التي تقول انها باقية لتخرسه مرة واحدة وبسرعة . ولا تسمح بإطالة النقاش بالموضوع .
ارجوك لا تزعل من كلامي أو تدخلي بهذا الموضوع . ولكنه اخذ ابعاداً ووقتاً ، ما كان يجب ان يأخذه .
فهناك الأهم لنصرف وقتنا فيه . رح تصير قصته اشهر من قصة ارسان لوبان ( اللص الظريف)
الحبيب نكولاوس كان سريعاً في تنبيه ديسماس وانذاره بحزف الموضوع في حال التمادي في اثارة المشاكل مع الموقع الأرثوذكسي هنا . وتم اغلاق الموضوع في حينه.
وحتى ان الأخ ايليا الغيور ابلغه ان الطرد وارد ايضاً هنا في حال متابعة الكلام في الموضوع .
هذا حصل هناك . وكنت اتابعه بعدم ارتياح لما وصل اليه الأمر من عدم معالجة الموضوع سريعاً من البداية هنا .
اذا شعرتم ان كلامي يمعن في التدخل في مسؤولياتكم ارجوكم وبكل صدق . ان تخبروني بلأمر لأكون مرتاحاً واعرف حدود تدخلي . هذا يحرجني كثيراً أن لا اكون قد بالغت في التدخل وهذا ما اشعر به من مدة ، وفي عدة مواضيع اخرى . و أرجو ان لا اكون ثقيلاً على احد فهذا يقلقني واتجنبه . ارجو ان انجح في بمعونة الرب.
مع محبتي الخالصة لك ولعموم الإدارة الكريمة التي احب واصلي لتكونوا في نجاح مستمر لحفظ الأمانه نقية ويبقى موقعنا بيرقاً خافقاً في سماء كنيستنا وشاهداً لكل حق وبر وطهارة ومرجعاً للإيمان القويم .
آمين .

[Maximos]

باركوا .. أبونا الحبيب بطرس

على طول بتعطينا من دفء قلبك إرشاد أبوي محب .. و أنا مبسوط بمشاركتك و اهتمامك ..

أنا حطيت الرد هونيك كمان مشان تساؤلات الأخوة .. لأنو الكل استغربوا شو القصة .. و في منهم سألوني ..

و أنا طوّلت بالي لأنو ما بدي إكتب شي ضدو .. لأنو أنا اللي بدي ياه إنو يكون هوّي أفضل يوم بعد يوم ..

و قلت بيني و بين حالي إنو حتى لو طوّلت شوي بالسكوت مو مشكلة .. و الأخوة ما رح يشكو فيني لأنو بيعرفوني من قبل .. فا .. طوّلت السكوت شوي بلكي بيهدا و بيروق .. و هيك بتكون انحلت القصة بلا شوشرة ..

بس بالآخر لما ما لقيت التجاوب المرجو منو و من حبيبنا نيقولاوس قررت إنو رد ..
و رديت هون بالأول استجابة لسؤال قدسك عن الموضوع .. و نقلت الرد لهونيك مشان الأخوة ..

و انا - بصراحة - حتى لو طلب عرض مشاركات إلو ما رح حطها ..
إذا المحبة اللي عاملتو فيها ما بدو ينتج عنها ثقة بحكمي لشو وجع القلب ..

[Fr. Boutros Elzein]

هل رأيت ما كتبه هناك في سيرافيم اليوم او امس ربما ؟؟ عمل موضوع خصوصي للمشكلة وعم يفصلها على زوقه.
هذا ماكنت لا اريده ان يحدث .
لو اننا عالجناها هنا بيننا وبدون ان نتركه يستغل عدم تفاهمنا معه . وردك يا اخي اعطاه ما كان ينتظره .
على كل حال ارجو ان تنتهي بسرعة .