بَدّي حبِّك

[Maximos]

لمّا اخترت القسم الأدبي .. أخي الحبيب ألكسيوس تعجـّــــب ..
كان متوقع شي قسم فيه مشاكل ..
على ما يبدو صيتي مشكلجي .. ....


فا .. حبيت وضّح إنو القسم الأدبي مو غريب عنّي ..

بالعكس ..

حبيت شارك ب( قصيدة ) باللهجة العامية ..
ألّفتها أيام الإعدادي .. (كان عمري بحدود 14 سنة)

ملاحظة : اللهجة قريبة كتير من اللبناني .. بسبب قرب ضيعتي (في وادي الـنــصــارى) للبنان ..

..........................................



بَــــدّي حــبِّـك أكــتر مــنّـــك ___
أكــتـر مـن بـيـِّــك مـن إمِّــك

و اُحـفر إسـمِـك عَ كـلّ قـلبي
بـلـكــي بتـحـنّـي و بتـحــبّـي

بـــدّي إكــتب حـبّـنـا الصافي
عَ كــلّ وَرْقِـــةْ صـفـــصــافـة

و خـلّـي الــبْــســاتين تنـادي:
بــلــد الـــعــــشّـــاق بـــلادي

بـحــبّ فــيــكـي التّـمـْـشـايـة
لــمَّــا اتْــضـَـلـّي رايْحة و جايي

و بــحــبّ فـــيــكــي الــعــيـون
و الـصَّـــوْت الـــنـّــاعــم حــنون

و كــل شــي بــحــبّـــو فـيـكي
و أحــلـى حـــلـوة بـلاقـيــــكـي

يـــا حــبـيـبــة قــلبي رح حـبّـك
أكـتر مـن بـيِّـــك .... مـن إمـّــك

[Michael-old]

اسم الله عليك خيي مكسيموس....

شو هالكلام الحلو هدا ... بدي قلك متل ما بيقولوا أهل الخليج:

صح لسااااااانك...

بس يا حبيبنا انت فتحت الباب عليك.. أنا بدي قصيدة عن الوادي، و مارح اسمحلك تتهرب بنوب.

[مارى]

[QUOTE]بَــــدّي حــبِّـك أكــتر مــنّـــك .... أكــتـر مـن بـيـِّــك مـن إمِّــك[QUOTE]

أوفففففففففففففففففففف ....... أبتدينا الكدب بقى من أول القصيدة ....... لأ يا عم بيها و إمها أكيد كانوا بيحبوها أكتر منك .... عشان يعرفوها من قبلك ب 14 سنة

بـحــبّ فــيــكـي التّـمـْـشـايـة
لــمَّــا اتْــضـَـلـّي رايْحة و جايي

هههههههههههههههههه...... حلوين البيتين دول يا مكسيموس .... باين عليها كانت دلوعة أوى ..... رايحة و جاية طول النهار و مغلباك معاها ...... تستاهل

و بــحــبّ فـــيــكــي الــعــيـون
و الـصَّـــوْت الـــنـّــاعــم حــنون

لأ .... البيتين دول مش حلوين دمهم تقيل

يـــا حــبـيـبــة قــلبي رح حـبّـك
أكـتر مـن بـيِّـــك .... مـن إمـّــك

ايوه ..... ايوه .... ايوه ..... أبتديتها كدب و نهيتها كدب ...... بس أيه الرومانسية دى يا عم

ملاحظة : اللهجة قريبة كتير من اللبناني .. بسبب قرب ضيعتي (في وادي الـنــصــارى) للبنان ..

أيه الفرق بين البنانى و السورى ..... انا مش بعرف أفرق بينهم لما انتو بتتكلموا

[Beshara]

يسلموا ايديك أخي مكسيموس
تاريك شاعر و ما النا خبر ؟؟
بس اكيد بتسمحلنا نستعير هالقصيدة شي يوم مو هيك؟؟؟؟

[Maximos]

يسلموا ايديك أخي مكسيموس

تاريك شاعر و ما النا خبر ؟؟

بس اكيد بتسمحلنا نستعير هالقصيدة شي يوم مو هيك؟؟؟؟

ولووووووووووووووووووووووو وووووو حبيبنا ...

[Maximos]

بس يا حبيبنا انت فتحت الباب عليك.. أنا بدي قصيدة عن الوادي، و مارح اسمحلك تتهرب بنوب.

على راسي حبيبنا أبو الميش الغالي ...

بما إنو الصديق وقت الضيق .. رح إستعير مطلع أغنية كتبها رفيقي داني سليط .. و لحّنها رفيقي نادر عثمان :

نحنا شباب الوادي ------- من الوادي نحنا جينا
بقوّةْ صليب الفادي ------ تحامَـيْـنــا و تـقـوَّيْــنا
تحامَـيْـنــا و تـقـوَّيْــنا

[لما]

شووووووووووووووووو هالحلا ذكرتنا بالوادي وهوا الوادي

اي بدنا قصيدة عن الوادي الظاهر ميشيل حانن للاهل كتير ما تتاخر عليه

[Dima-h]

على ما يبدو صيتي مشكلجي .. ....



حبيت شارك ب( قصيدة ) باللهجة العامية ..
ألّفتها أيام الإعدادي .. (كان عمري بحدود 14 سنة)

الأولى ما منختلف(عم أمزح)

والتانية حبيت أسأل مين سعيدة الحظ ماشالله مبدع من صغرك؟
بس عنجد حلووووووووووة إبداع يا معلم

الله يقويك ......صلواتك

[مارى]

مكسيموس ....شوووووووووووو ...... ما علقت على النقد الأدبى تبعى ..... زعلت ..... معلش ..... اختك مروش مشاغبة شوى

و انا شاغبتك لأنك قلت انو وقتها كان عندك 14 سنة .

لكن لونشرت لنا أبيات حديثة ..... شوف شو راح أعمل .....بلحنها و برسلها لفيروز لتغنيها .... و نحنا نغنى معها و نقول هيدى غنية مكسيموس

[Rawad]

شو هالحلا يا مكسيموس
عنجد انت صهر بينشد فيك الضهر