يسلموووووووووو اختنا العزيزة لورا ..
موضوع رااااائع ..

أكيد صيام هاليومين مهم بكنيستنا لإفادة حياتنا الروحية ..

مع إنو متل ما ذكر أبونا الحبيب بطرس إنو مو ((( فرض ))) بل ((( طوعي ))) .. و لكن .. هادا بتفرضو محبتنا للرب و سعينا إلى تنقية نفوسنا ..

مشان هيك اللي بيعتبر إنو (((( عم يشتغل على حالو = مهتم بخلاصو )))) .. أكيد رح يلاقي إنو أفضل يستفيد من خبرة الآباء بهالموضوع ..

أحد الأصدقاء حكى لي خبرة شخصية عاشها :
الفترة اللي بيصوم فيها هاليومين بالأسبوع .. عم تقلّ ( التخبيصات ) .. و حياتو الروحية عم تكون منظمة أكتر و فعالة أكتر ..
و لما بتمرق فترة و بيطنش عليهم .. عم تتراجع أمورو الروحية و تكتر السقطات ..

و من المناقشة أنا و هالصديق لقينا إنو السبب :
1- هالصوم حركة محبة تجاه الرب .. و أكيد الرب ما بيخذل اللي بيبادلوه هالمحبة .. و أكيد ( الرب هو من أحبنا أولا ً - رغم خطايانا ) ..
2- في كمان إفادة ( شبه آلية ) .. كيف عم تتم ؟؟ لما بيكون عم يصوم بيكون متعود قبل ما ياكل يتذكر : اليوم شووووو ؟؟؟؟؟
و هيك بتصير بشكل تلقائي عادة عند الشخص إنو قبل ما يعمل شي أو غيرو .. إنو يفكر بالأول .. و هادا الأمر بيجنّب الواحد كتير من الأخطاء و الخطايا اللي منوقع فيها بسبب عدم التفكير اللي لازم يكون قبل ..

من حيث النتيجة : أمر كتير مفيد لحياتنا الروحية الالتزام بصوم هاليومين ..

أما يوم الاثنين اللي حكت عنو اختنا العزيزة اوفيمية ( اللي كمان عم نشتاق لوجودنا معنا ) فا . هوّي مخصص للرهبان ..

و إجمالا ً : شي أساسي للحياة الروحية وجود الأب الروحي .. و هوّي الوحيد المخوّل يسمح إنو نزيد أو ننقص صيام ..
لأنو بالزيادة عن توجيهات الكنيسة خطر إنو نوقع بالغرور ..
و بالنقصان خطر من صغر النفس ..
[align=center]
الرب يعطينا إنو ما نتكاسل و ( نتعلل بعلل الخطايا )

مشان نبقى على الدرب المفضي للملكوت

برحمة الرب و طلبات جميع القديسين

آمين

[/align]