يمكن تقصد مقدمة كتاب القديس أثناسيوس ، النسخة الأولى بتاعت 1985 ... الراجل جايب الموضوع مالآخر
-------------------
أنا سعيييييييييييييييييد إن كتابات الراجل تبصر الشمس و كلنا أجمعنا أخيراً على تقديره ، هنا في منتدى الشبكة الأورثوذكسية جداً .
---------------------
موضوع التقويم القديم فيه لعب كتير ، و أنا حاولت في الكريسماس أنكش البعض هنا إنهم يبحثوا ، بس مكنش فيه رد فعل لكن أنا أؤمن بضرورة الدخول في عش الدبابير عشان نحل المشكلة و نخلص مالفيلم دا.
القضية صعبة أوي ، و كان فيها عوامل سياسية . بس أنا سألتزم الحياد و هشرح الموضوع كملخص سريع :
بحسب التاريخ ، الموضوع دا اتفتح في منتصف عشرينات القرن الماضي. كان فيه تياران في الكنيسة اليونانية : تيار له أجندة سياسية و يتزعمه ملكة اليونان اللي سمحت للإرساليات الكاثوليكية و البروتستانتية يخشوا اليونان . و تيار كان فعلاً بيعيد الحسابات بصرف النظر عن قضية المسكونية و العلاقة بالطوائف ، بالحق للحق.
أثير الموضوع في الجبل المقدس و تم وضع التقويم الجديد ، و هو بالمناسبة ليس التقويم الغريغوري بتاع الكاتوليك. بل اسمه Paschalion و تفاصيله ممكن تلاقيها هنا :
http://www.goarch.org/en/ourfaith/ar...rticle7070.asp
هو مالآخر بيختلف مع اليولياني في موضوع الكريسماس لأسباب لاهوتية فعلاً صح ، ألا و هي إن الكنيسة عرفت عيدين مش عيد واحد ، العيدين دول هم الإبيفاني أو الغطاس ، و عيد الظهور الإلهي اللي هو التجسد. و بحسابات بسيطة ، تلاقي ذهبي الفم شارح الموضوع. كما إنه كمان الحسابات الفلكية كان فيها مشاكل، و هتلاقي الكلام دا في الموقع السابق.
ما علينا ، في مايو 1923 البطريرك المسكوني ( اللي بيقولوا إنه كان ماسوني ، و جايبين وثائق كتير على كدة ... اللللله أعلم) ميليتيوس عمل حاجة كدة زي المجمع المسكوني بس طبعاً مش مسكوني ، لكن احنا بنسميه Pan – Orthodox يعني مجمع عام بيجمع الأورثوذكس في العالم ، للتصويت على قضية تعديل التقويم من اليولياني إلى الباسخاليون ( مرة أخرى : الباسخاليون حاجة و الجريجوري حاجة ، عشان بس محدش يفهم غلط) . القسطنطينية و اسكندرية و انطاكية و اليونان و بولندا و رومانيا و قبرص و بلغاريا متأخراً (سنة 1968 ) قبلوا التعديل
جبل آثوس ، أورشليم ، روسيا ، رفضوا التجديد . و ياريت نفتكر الجملة دي لأننا هنرجعلها تاني.
بالنسبة للباسخاليون ، العالم الأورثوذكسي كله بكل تقاويمه يحتفلون بالفصح سوياً ، باستثناء كنيسة فنلندا اللي ماشية مع الكاتوليك (الجريجوري) و دا لسبب رعوي و هو إنها 2 % بس من مسيحيي فنلندا اللي كلهم لوثريين و بالتالي فهم يحتفلون مع الغرب لأسباب رعوية بس .
داخل اليونان كان فيه أساقفة رافضين ، و لم يطيعوا التيار العام للكنيسة منهم واحد اسمه خريزوستوموس. الراجل دا قبل ما يموت رجع في كلامه ، و أصحاب التقويم القديم بالتدريج بدأوا يقلوا في اليونان حتى تبقى منهم شرذمة بسيطة ، انقسمت على نفسها ... اليوم ، أصحاب التقويم القديم في اليونان بقوا سبعتالاف مليار طايفة !
بص كدة دول حبة كدة من اللي ويكيبديا عرفت تعدهم ههههه
http://www.orthodoxwiki.org/Old_Calendarists

و مع ذلك ، كل فرقة تلاقي عدد تابعيها شوية عائلات مش أكتر

العدد بقى بتاع الفرق دي حاجة كدة لا تُعد و لا تحصى ... كل واحد حاسس إنه جامد ، يقوم يعمل مجمع ... من ضمن المجامع اللي طبعاً بعضها مجامع تايواني ( مضروبة يعني) المجمع اللي مكس ميشيل منه .
. الجماعات دي ملهاش رأي واحد في أي شيء . منها كنائس محترمة جداً و لها دور كويس ، و نعترف بها ككنائس و لكن بنسميها في حالة انشقاق ( بيسموها في اليونان سخيزما schism) . هذه الكنائس عملت مجامع لها لمناقشة الموقف. و لما اجتمعوا ، اختلفوا . بعضهم بيعتبر إن كنائس التقويم الجديد واقعة في خطية الإنشقاق لكن دي خطية تطال القيادات الكنسية كأشخاص ، و الشعب ملوش علاقة و بالتالي فيه نوع من الشركة ، زي الكنيسة الرسمية اللي اسمها Orthodox church in resistance
و ليها بالمناسبة موقع فيه كمية دراسات فوق الرائعة ، و لأساتذة من الكنيسة اليونانية الأم :
http://www.synodinresistance.org/index-en.html
فيه فرق تانية بقى ، فقدت عقلها رسمياً ، و أنا مسئول عن هذه الكلمة ... هذه الفرق تعيد معمودية أصحاب التقويم الجديد لأنهم ليسوا مسيحيين أصلاً و ليس فقط هراطقة ! طبعاً دا جنون ... و لهذا السبب هم تشرذموا لدرجة كبيرة جداً ، و قد يتساءل أحدهم في ذهول ، كل دي إنشقاقات في الكنيسة الأورثوذكسية؟ أقول له لأ .. دول كل واحد فيهم ليه رعية ماتملاش ملعب كورة. شوية عائلات مالآخر...
المهم يعني ، صاحبنا اللي في مصر جاي من هذا النوع من المجامع ، فمثلاً ملكي صادق اللي رسمه ، هو أصلاً كان كاتوليكي قديم ( لأن الكاتوليك بردو فيهم كنيسة انشقت عنهم في القرن التاسع عشر و اسمه بردو كدة هههههههههه بس دول عشان رفضوا عصمة البابا ، و لكن هم دلوقتي عندهم عقائد خاطئة جداً جداً ، و هم منتشرين في ألمانيا و هولندا ، ألمانيا هي مسقط رأس ملكي صادق اللي رسم الأنبا مكسيموس ) .ملكي صادق راح أمريكا ، و انضم للكنيسة الروسية و خدم فيها حتى سيم كاهناً كمان ! و لسبب فقر الكنيسة الشديد جداً بسبب الظروف اللي مرت بيها في الحقبة الشيوعية ، لم تستطع تحمل مصاريف كنيستها في نبراسكا ، فباعتها . البيه بقى راح لأقرب كنيسة في نبراسكا و هي تقويم قديم من السبعتلاف مليون طايفة دول ، و قال لهم عايز أخدم ، قالوا له انت كافر و مش مسيحي لأنك رغم إنك تابع للكنيسة الروسية التي تستخدم التقويم اليولياني القديم بس هي في شركة مع الكفرة بتوع التقويم الجديد ، يبقى انت لازم تتوب عن هذا الشرك بالله و تعتمد مرة أخرى !! و عمّدوا صاحبنا هههههههه و صاحبنا لم شوية مطاريد ، واحد مطرود من الكنيسة السريانية ، و واحد تاني من الروسية و واحد مش عارف منين ... و هوبا ضرب له مجمع روش في نبراسكا ، مكلفش نفسه حتى و سماه كنيسة ، بل سماه Diaspora أو بالبلدي شلة . و البقية معروفة ....


كل الكلام اللي فات دا ، ملووووووووووووووووووش لازمة ، و ديه في الحقيقة تلاكيك ملهاش علاقة بالحقيقة اللي عاملة المشكلة .
ازاي بقى ؟
أقولك :
القضية لها أبعاد سياسية حساسة لو رجعنا للمجمع بتاع 1923 ، هنلاقي إن الكنايس اللي رفضت التجديد لم ترفض الشركة و لم تكفر الذين قبلوا التجديد ، فاليونان و القسطنطينية و أنطاكية و قبرص و بولندا و رومانيا و الإسكندرية في شركة كاملة مع أورشليم و روسيا ، و أديرة آثوس اللي بطريركيتها التي ترأسها تقويمها جديد! ، فدا ملوش علاقة بالتكفير ، يبقى هل حجة التقويم القديم صارت حجة مقبولة لهذا التكفير الذي مارسته هذه الجماعات ؟ سؤال طبعاً ملوش معنى خصوصاً إن هناك فرق انشقت حتى على الكنائس اللي رفضت التجديد ! فمثلاً لدينا "كنيسة روسيا الأورثوذكسية خارج روسيا ROCOR " و ديه كنيسة انشقت على الكنيسة الروسية ! غير المؤمنين القدامى ( Old Believers) اللي انشقوا أيام البطريرك تيخون عشان تيخون قال لك رشم الصليب للمبارك يبقى بتلات صوابع مش اتنين هههههههه و الأولد بليفر دول بقى شوية كدة و لكن طبعاً ليهم خلافة رسولية و نحترمهم ، بس هم شوية ، كام مئة بس ،مستخبيين في غابات روسية. و طبعاً الكنيسة "الروسية خارج روسيا" اللي قلنا عليها رجعت للشركة و إلى حضن الكنيسة الأم بالكامل السنة اللي فاتت في احتفال تاريخي .



و طبعاً دا يورينا إننا مابنكفرش حد لمجرد إنه انفصل لأسباب سياسية فنحن لم نعد رسامتهم و لا شيء إطلاقاً ، و على فكرة دول كانوا أكبر تجمع منفصل عنا ، و كان بتوع التقويم القديم بيحترموهم أوي ، لكن بعد ما اتحدوا تاني بروسيا ، الجماعات التكفيرية كفرتهم هم كمان ههههههههههه
و مننساش دور فلاديمير بوتن العظيم في الموضوع
إذاً موضوع التقويم القديم دا كلام فارغ ، و مش كفاية.
بالبحث في كتابات و ملفات هذه الكنائس على مواقعها مثل مثلاً هذا الملف الذي لكنيسة مرموقة لا تكفر و لا تفعل مفاعيل باقي الجماعات العبيطة ، نجدها تشرح الموضوع و أسبابه السياسية :
http://hotca.org/index.php?option=co...d=47&Itemid=77
نجد كاتب الملف يشرح ظروف سياسية بحتة و لكن يقف عند حاجة خطيرة هي هرطقة المسكونية Ecumenism و هي ليست الحوار المسكوني ، بل التظبيط المسكوني ، أي تسلل العقائد الغير أورثوذكسية للكنيسة الأورثوذكسية بداعي التظبيط. هم يرون إن تجديد التقويم كان تظبيط مع روما ، و لا يوجد ما يثبت ذلك الحقيقة. لكن هم معاهم حق في أمور أخرى ، و هي التصرفات اللي اتكلمنا عنها مثل صلوات الوحدة ، لما تلاقي واحد بروتستانتي حلو و ظريف كدة واقف بيوعظك و واقف على المنجلية ( تعبير عند الأقباط و هو حاجة كدة بيوضع عليها الإنجيل و يقرأ من عليها) أو تلاقي جوقة بروتستانتية بتنادي بكل الهرطقات بتاعت العصور الوسطى أضف إليها طبل و زمامير و شخاليل ، و كل دا داخل الكنيسة و أمام الأيقونات. دا كله ممارسات أقل وصف ليها إنها هرطقة . أو مشاركة بعض المطارنة في احتفالات مسكونية نجد فيها واحد بروتستانتي ملوش أي كيان قاعد جمب كاردينال كاتوليكي ، و مطران أورثوذكسي على طربيزة واحدة و ما شاء الله بيتكلم الراس بالراس ، و ممكن كمان يقول لك قوم أوقف و انت بتكلمني ، زي مجلس كنايس الشرق الأوسط ، تلاقي واحد زي صفوت البياضي كدة متعرفش دا مين و بيعمل إيه ، تلاقيه ما شاء الله بيتحكم في مقدرات كنيستك عشان ماسك منصب معين في مجلس انت ملتزم بأجندته ههههههههههههه . دا طبعاً كلام فارغ و لعب عيال.
و مع ذلك فإن هذا لا يبرر موقفهم ، فداخل الكنيسة هناك جبل آثوس الذي يعي تماماً كباقي الكنايس كيف يقف لمثل هذا التهريج المنظم.

تتراوح مواقف أتباع التقويم القديم من كنيستنا بين الشركة الإفخارستيا ، حتى التكفير العلني ... كما إن شرعيتها و خلافتها الرسولية أيضاً تتراوح بين السليمة و لكن في انشقاق ، وصولاً إلى أمثلة المجامع الروشة اللي زي بتاعت نبراسكا كدة؟

بس كدة