عاشقة فيروز / ثناء

[سليمان]

الأغنية رقم (22 )

عن حبّك

عن حبّك غنينا

ول قربك حِنَيْنَا

وحِكِيْنا حكايات عن ملقانا

انطرنا وسهرنا

تواعدنا وسعدنا

والليل يزرع للهوى دنيانا

لوّنا أيامَك

زيـّنا أحلامك

طرقاتك بأشواقنا فرشناها

وبكينا وما حكينا

وزعلنا وما قلنا

ساعات حلوة بالهوى عشناها

الليل يتيه

والشوق غاويه

والقلب ما بيهدا ذكراك تضنيه

ما أجمل أطيارك

عم تنزل عا دارك

وتقول يا حلوِ الهنا لاقينا

والزنبق يتشوق والجدول عم يسأل

يالله نغني للهوى غنانينا

عن حبّكْ / فيروز

__________________

ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي

[سليمان]

الأغنية رقم ( 23 )

بكرا بيجي نيسان


بكرا بيجي نيسان يسألنا

و بيرش وردو عا منازلنا

منخبرو شو صار

منسمعو الأشعار

يللي كنت فيها تغازلنا

بكرا بيجي نيسان يغوينا

و يموّج زهورو بروابينا

منحكيلو عاللي كان

منسمّعو الألحان

يللي كنت فيها تناجينا

ناطرين تلوح

يا حلو و تبوح

و تسمع شكاويك للوردات

ناطرين نضيع

عالدرب و تشيع

عن هوانا بهالدني حكايات

بكرا بيجي نيسان يسعدنا

وعاتلال أحلامو يبعدنا

منتيه شردانين

عا دروب مخضرين

وأرض الهوى و الحب موعدنا


بكرا بيجي نيسان/ فيروز

__________________

ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي

[سليمان]

الأغنية رقم ( 24 )

يا بنت جارتنا

أغنية قديمة ونادرة لفيروز حيث غنتها وكان عمرها آنذاك 18 سنة

يا بنت جارتنا

ضلّي بجيرتنا

هالأرض سعدتنا

وأحباب عرفتنا

يا بنت جارتنا

ماشي وانا في حي

متل هالجيرة

فيها هدوء وفي

وملا عب كتيرة

فيها قناية مي

متهادية بحيرة

وفيها شوي شوي

ربيت محبتنا

يا بنت جارتنا

النا معك تذكار

عن عهد ماضينا

أيام كنا زغار

وكنتي تلاقينا

عا فية الأشجار

حتى تشوفينا

ونروح سوا مشوار

عا دروب بلدتنا

يا بنت جارتنا

***
ومرة بصبحية

كنتي معي بقربي

وطلبتي خبرية

رفّ ارتعش قلبي

وحكيو عينيي

حكيو عن حبي

صرنا يومية

نراجع حكايتنا

***
يا بنت جارتنا

يا بنت جارتنا / فيروز

__________________

ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي

[سليمان]

الأغنية ( 25 )

كيف حالك خبرنا

يا ولف مهما صارلا تصدق حدا

خلي ودادك فوق ما ظنوا العدا

قلبي اللي كتبتو إلك باقي إلك

ما بتخلفو الأيام ع طول المدى

بيني وبينك يا ولف عشرة صبا

وعهود مكتوبة على دروب الربى

قلبي لقلبك حن والربع اختبى

وشوقي إلك شوق البنفسج للندى

نحنا الـ قصدنا الحب ما حسبنا حساب

لا للشقى , ولا للبكي , ولا للعذاب

ومهما حصل في حبنا .. لوم وعتاب

منضل نتفاهم , ونحكي ع الهدا


***

كيف حالك ؟ خبرنا هجرانك حيرنا

بتفارقنا وبتحرقنا

والله اشتقنا , يا هاجرنا

كيف حالك ؟ خبرنا

حنينا للأيام وذكرنا حبك

واشتقنا للأحلام وليالي قربك

نحنا ببعدك صنّا وعدك

يا ترى بعدك عم تذكرنا ؟

كيف حالك ؟؟ خبرنا

هجرانك أضنى الروح فيّض مدمعنا

ولو نعرف رح بتروح كنّا تودعنا

بليالينا على ماضينا

ياما بكينا , وتحسرنا

كيف حالك ؟؟ خبرنا

مين اللي شغلك مين ؟

عن أهل ربوعك

وما خلاّلك حنين

ونسيت رجوعك

بعدو الشادي عم بينادي

وبعدو الوادي مستنظرنا

كيف حالك ؟؟ خبرنا



كيف حالك خبرنا / فيروز

__________________

ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي

[سليمان]

الأغنية رقم ( 26 )

غيرة

سْمِعِتْ الجيران بيقولوا ..

يمكن يكون عم يضحَكْ عليها

وعينَكْ تشوف ..الليل بيطولو

ما نشفت الدمعة .. بعينيها

بعدها بعمر الهوى زغيري

وقلبها بالحبّ طفل زغير

مش عارفي في بالدّني غيرة

وحست بصدرا شي وعم بيطير

جربت تغفى عا دمعاتا ..

لا غفيت و لا عرفت الأحلام

واتذكرِتْ حكيات رفقاتا ..

إنّو اللّي بيحبْ ... ما بينام !

يا ريت فيها تحملَك وتروح

عابلاد ما تقشَعْ حدا فيها

وهَوْنِيْكْ شو بدّا بإشيا تبوح

وشو عندها حكايات تحكيها

بدّا تقلَكْ : هّوْنْ خلّيني

عايشي عالحبّ والألحان

وحدّ قلبك هَيْكْ خبّيني

ويخبروا بنيّات هالجيران



غيرة / فيروز

__________________

ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي

[سليمان]

الأغنية رقم ( 27 )

أول أغنية لفيروز كمحترفة للغناء، وسجلت في إذاعة دمشق عام 1952 .

عتاب

حاجي تعاتبني يئست من العتاب

و من كتر ما حملتني هالجسم داب

حاجي تعاتبني وإذا بدك تروح

روح و أنا قلبي تعود عالعذاب

علّمت قلبي من الطفوله عا هواك

و ما تطلّعت هالعين إلا عا حماك

ألله بيشهد ما ضحكت مرة لسواك

و ليش بتضلّك تفتحلي بواب

عايشه بعيده عن ليالي الصفا

عيشة جفا و بحكي مع الناس بجفا

يا هل ترى مش هيك بيكون الوفا

و كيف بيكون الوفا اعطيني جواب ؟

ان كان غيرة هالجدال وهالشكوك

أضنيتني يكفي بقا يرحم أبوك

وان كان غيري حباب عم يعلموك

الله يباركلك يا ولفي بهالحباب

كلّ ما عم زيد في حبك ولوع

كلّ ما بتزيد في عيني الدموع

ويا ريت عن حبك المضني لي رجوع

رح تهرب الأيام ويمرّ الشباب

وَينْ بتلاقي متل قلبي قلوب

شو صار صافيلك وغافرلك ذنوب

و قديش عن حبك قلت بكرا بتوب

ما تبت يا ولفي ولا هالقلب تاب


عتاب / فيروز

__________________

ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي

[سليمان]

الأغنية رقم ( 28 )

قلبي عليك

قلبي عليك من الهوى يميلك

ولا تعود تشكيلي وإشكيلك

ولا الليل يحكيلي ويحكيلك

نحنا إذا مرة تعادينا

ورحنا وماعدنا تلاقينا

بيسأل عبيرو الزنبق علينا

وبيصير نسماتو يوديلك

بفزع إذا عن أرضنا بعدنا

ما يعود في أحلام تسعدنا

ويضيع في هالعمر موعدنا

بتسأل ولا حبّ يوميلك

بكرا إذا هب الهوا وخلاّك

تنسى ورد سهران عا ذكراك

في قلب خلف الورد ما بينساك

وبيضل من شوقو يغنيلَك

قلبي عليك من الهوى يميلك

ولا تعود إشكيلي وإشكيلك

قلبي عليك ... قلبي عليك


قلبي عليك من الهوى / فيروز

__________________

ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي

[سليمان]

الأغنية رقم ( 29 )

يا راعي القصب

يا راعي القصب مبحوح

جايي عبالي شروقي

قللو للقصب ما يبوح

بالسر اللي بعروقي

و إن ضعنا سوى بهالليل

خلي صوتك مسموعي

***
يا رايح صوب مشرق

شرق ما بو ربيعي

راحوا يرعوا غنمهن

و العشب فوق ضلوعي

و إيام الغابن ولفي

لعدن عا صابيعي

و عتم علينا يا ليل

و ضيعي يا حلوة ضيعي

قالولي إني عشقان

و اني مش داري بحالي

بين الصاحي و الغفيان

لمحت خيالك قبالي

كان الصبح شنو بان

و ادان الصبح عالي

و نازل من صوبن مرسال

و من عيني نزلوا دموعي


يا راعي القصب

__________________

ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي

[سليمان]

الأغنية رقم ( 30 )

عا اليادي اليادي

عا اليادي اليادي اليادي

يا ام العبيديّه

وحياة عهد الهوى

لرجعك ليّا

يا حلوة ياللي القمر

بيضل ناطورك

عشقان غاوي السهر

بفية زهورك

والليل ياخود صور

والنجمات تزورك

بكرا بيطل السحر

وبترجعي ليّا


عا اليادي اليادي / فيروز

__________________

ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي

[سليمان]

الأغنية رقم ( 31 )

إنت وأنا - يا حنينا - موال في لنا - قالولي كن

غنتهم فيروز عام 1960 على مسرح معرض

دمشق الدولي .

الموال

إنت و أنا عم يسألونا كيف ؟

منضل شو بيحلالنا نغني

ما بيلتقى مرات عنا رغيف

و منعيش بأطيب من الجنة

عم تمرقي ع حفة الشباك

هالتاركو صبح و مسا مفتوح

و لو، ما عاد تسألي شو باك ؟

و لا عاد ياخدنا القمر و يروح

***

الأغنية

يا حنينة يا حنينة يا حنينة

أهل الهوى بليل الغزل شهدو لنا

بحياة عينك لا بقى تزيد الحكي

ولا تروح عنّي للعوازل تشتكي

ما سألتني بهالعمر مرة شو بكي

كيف شكلي بدّك يا حلو إسأل أنا ؟

***
الموال

في لنا يا حب خيمة ع الجبل

ناطرة تانزورها , بليلة غزل

راكعة الغيمات عند حدودها

و تاركي النجمات عاسطحها قبل

في لنا يا حب خيمة في لنا

ومزهرية ,و ورد أبيض عندنا

وحدنا بهالجرد ع حدود السما

نحنا و إنت و باقة غناني هنا

***
الأغنية

قالولي كن و أنا رايح جن

حبابي يمه يا يمه

نار بروس الجبالِ

حبابي يمه تركوني

و راحوا بعيد و نسيوني

و بعدو حبن على بالي

نار بروس الجبالِ

لاقصد جبال بعيدة

أوقف لوّح بإيدي

و شوف خيامن عالعالي

نار بروس الجبالِ

إنت وأنا - يا حنينا - في لنا يا حب - قالولي كن / فيروز

__________________

ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي