الظهورات المريمية

[مارى]

مقال هايل .... مشكور عليه ......... لكن و انا بقرأ المقال دار فى ذهنى كتير من الأسئلة ....... اسمحوا لى أتناقش فيها معاكم

و على فكرة (انا كنت) ممن يصدقون الظهورات دى ..... و فى يوم كنت بقرأ مقال لكاهن ارثوذكسى للأسف مش فاكره أسمه ...لكن جملة واحدة أستوقفتنى و جعلتنى أعيد التفكير فيما أصدق ..... هو كان بيتسائل لماذا الظهورات المريمية دائما" فى الغرب بتخدم العقيدة الكاتوليكية ؟ و لما راجعت فعلا الظهورات دى على موقع روم كاتوليك marypages.com و أعتقد دا اللينك الخاص به .... لقيت ان كلامه صحيح .... و انتهيت أن فكرى اتغير تجاه تلك الظهورات تماما" ...... لكن أحيانا بتسائل ..... ليه ميكونش حصل فعلا" بعض الظهورات .... و لكن نسب لها أمور غير حقيقية زى الرسايل السابقة ..... يعنى برناديت مازال جسدها لم يتحلل (انا عارفة ممكن نرجع تانى لموضوع مناقشة الأجساد التى لم تتحلل عند الكاتوليك ) معلش استحملونى .... لكن ليه ميكونش حصل ظهور حقيقى من العذراء لها .... و لكن الظهور دا استغل خطأ من قبل الكنيسة الكاتوليكية و خدمة عقيدتها ؟؟

لورد بيحصل فيها معجزات شفاء ..... أعتقد المعجزات دى ممكن تكون بسبب إيمان الشخص نفسه بقدرة العذراء فى شفاءه فبيتم الشفاء فعلا" ؟

أما كنيستنا فقد وجدت سراً في التي هي أكرم من الشاروبيم وأرفع مجداً بغير قياس من السارافيم. واختبرت الكنيسة هذا السر في حياتها وعرفت أن البحث العقلاني عاجز عن أيجاد التعابير الملائمة لشرحه

طيب انا عندى إحساس معين .... مش عارفة اذا كان صحيح و لا لأ ..... و هو ان الكنيسة الأرثوذكسية فى إمتلاكها للحق لم تسع السعى الواجب فى نشره و تصحيح مسارات الغير أرثوذكس فقط إكتفت بإمتلاكه (أرجو أن كلامى لا يفهم منه أى إساءة) ..... دى تساؤلات بتدور فى عقلى و مش عارفة حتى مدى صحتها و عشان كده بناقشها معاكم و لاحظوا انى بقول مش عارفة مدى صحة كلامى .... و كمان مكتوب فى المقال الآتى

وتقارير عن مؤمنين وكهنة أرثوذكسيين يزورون وينظمون رحلات إلى أمكنة هذه الظهورات

و أخيرا" برجوكم مرة تانية ..... ليه ميكونش ليكم دور فى المنتديات الكاتوليكية اللى بتروج للأفكار دى ؟ ليه مكتفيين فقط بمناقشتها فى منتدى أغلب رواده أعتقد أرثوذكس ؟ يعنى ليه متعملوش زى ما عايزين تعملوا مع فاسولا مثلا" ؟

[مينا مفرق القطرين]

يا جماعة انا لسه جديد معاكم وبصراحة مش بفهم في الدين

هل ظهور العدرا بيحصل ولا مش بيحصل
وهل هو حقيقة ولا مش حقيقة

لاني بصراحة مش فاهم كنت بفتكر انها بتحصل

اعذروني لجهلي