أنترنت سوري

[Maximos]

هون بسورية الأنترنت بطيء جدا ً (بالبيوت) ..
و مكلف نسبيا ً ..

و بما أنو الحاجة أم الاختراع ..
و بما أنني على طول بقول : هالإيام الواحد لازم يخترع لحتى يعيش ..

انجبرت إخترع مشان هالحكاية ..
خبّرت طريقتي للأخوة اللي بعرفهن و منتراسل ..
بس بعدني هكلان همّ بقية الأخوة ..
مشان هيك لقيت أحسن شي إكتب هالطريقة بموضوع ..
مشان اللي بدّو يجرّب ..

أول خطوة : تنزيل مستكشف أنترنت (opera ) و إعتمادو كمستكشف إفتراضي ..
السبب إنو أسرع بكتير من ال(e) الإكسبلورر (اللي هوّي المستكشف اللي بيجي مع الوندوز)
و بيحتوي الأوبرا على ميزات أكبر ..
يعني مقابل كل صفحة بيفتحها الإكسبلورر الأوبرا بيفتح تنتين ..
أو بأسوأ الأحوال مقابل كل تنتين الأوبرا بيفتح تلاتة ..

كمان .. بالأوبرا في زر new tap بيفتح صفحة speed dial ..
هيّ فيها تسع مربعات .. فينا نخزّن بكل مربع صفحة من الصفحات اللي منفتحها على طول .. لحتى مباشرة ً تفتح بضغطة وحدة ..
مثلا ً عندي واحد مخصص للصفحة الرئيسية للمنتدى ..
و مربع خاص لصندوق الوارد عندي .. بيفوت مباشرة ً على صندوق الوارد (طبعا ً أنا عامل sing in مفتوحة ) .. هالميزة بس للياهو لأنو الهتميل ما بيفتح البريد إلا بالإكسبلورر ..

كمان .. الحلو بالأوبرا إنو فينا نكون فاتحين كتييييييير صفحات (بنفس النافذة) .. و إذا طفينا الكومبيوتر نظامي و رجعنا تاني يوم شغّلنا .. فينا يطلعو من جديد continu from last time ...
إلا الصفحات (tap) اللي نحنا سكّرناهن ..

وقت منضغط على وصلة (عنوان موضوع مثلا ً ) بالزر اليمين بيطلع احتمالات .. أول تلاتة :
1- open--------------- بيفتح الجديدة مكان الحالية
2- open in new tap بيفتح الجديدة بصفحة(tap) أمام الموجودة
3- open in background tap بيفتح الجديدة بصفحة جديدة .. لكن خلف الحالية .. يعني بتضل الحالية قدامنا ... و هادا كتيييييير بستخدمو ..

طريقة استخدامو بتخدم التوفير بمدة فتح الأنترنت ..

مثلا ً : دخلت على المنتدى .. لقيت 8 مواضيع جدد .. ما بقعد بقراهن ..
بفتح كل موضوع بصفحة خلفية .. و لما بيفتحو تمام .. بفصل الأنترنت ..
وقتا بقرا على مية مهلي ..
و بكتب مشاركتي على مية مهلي ..
و بسّ خلّص كتابة بردّ بفتح الأنترنت ..
بعمل تحديث للصفحة الرئيسية (مشان أعرف إذا تم إضافة ردود قبل ما نزّل مشاركتي )..
و وقتا بنزّل مشاركتي .. و بفتح المواضيع الجديدة .. و هيك ..

مثلا ً هادا الموضوع .. فتحت المنتدى المطلوب .. و كتابة موضوع جديد .. وفصلت الأنترنت ..
فا .. قعدت إكتب على مية مهلي ..
بينما بعض المشاركات بحسّ إنها انكتبت (على عَجَل) بيجوز لأنو الأنترنت مفتوح .. و الحسّابة بتحسِب ..

بتأمّل كون قدّمت شي مفيد بهالموضوع

I love you all


صلواتكم


.

[Maximos]

سألوني عن :

و مربع خاص لصندوق الوارد عندي .. بيفوت مباشرة ًعلى صندوق الوارد (طبعا ًأنا عامل Sing In مفتوحة ) .. هالميزة بس للياهو لأنو الهتميل ما بيفتح البريد إلا بالإكسبلورر .

وقت منفوت على www.yahoo.com
و منكبس على Sign In
منكتب ال Id و كلمة المرور ..
في مربع زغير (تسجيل دخول لمدة أسبوعين)..
منكبس عليه بتطلع إشارة صح بداخلو ..
بيصير فينا نفوت على الinbox بدون ما يطلب من جديد تسجيل الدخول ..

صلواتكم

[Dima-h]

شكراً عالمعلومات ما كان عندي فكرة
صلواتك

[Maximos]

شكرا ً لمرورك أختي العزيزة ديــمــة ..

[Beshara]

شكرا للنصائح التي قدمتها أخ ماكسيموس
ما قلته عن المقارنة بين Internet Explorer & Opera صحيح نسبيا .
أنا جربت كل من المستعرضات التالية و بآخر نسخ لها
- Opera
-Mozilla Firefox
-Avant Browser
- Internet Explorer7
بالاضافة الى برنامج مسرع الانترنت من غوغل Google web accelerator
بالرغم من هذا عندما يكون الخط ضعيف وهناك ضغط على السيرفر تصبح عندها جميع المستعرضات السابقة بلافعالية ...
صلواتك.

[Maximos]

شكرا ً لمرورك أخي الحبيب بشارة ..

بالرغم من هذا عندما يكون الخط ضعيف وهناك ضغط على السيرفر تصبح عندها جميع المستعرضات السابقة بلافعالية

مزبوط متل مبارح .. شي مو معقول ..
حتى صفحة كتابة بدون صور ما فتح معي ..
بس المقارنة اللي ذكرتا هيي بين المستكشفات ضمن نفس الشروط ..

صلواتك