مشكلة شخصية... بتمنى تساعدوني

[Yara S]

قصتي مثل غيري ممكن يكون أي شخص منكم مر فيها...
أنا و شب من شباب كنبستنا بيربط بينا حب قوي كتييير و من أكتر من 5 سنين و متل أي شخصين بحبو بعض حبينا نرتبط بسر الزواج المقدس لحتى ربنا يباركنا و نكون أسرة مسيحية أرثوذكسية...
الشب تقدملي 3 مرات و كل مرة أبي بيرفضو...
مع العلم انو ابن كنيسة و أخلاقو بيشهدلو فيها الجميع و قادر ماديا يفتح بيت و أنا و هو و مساعدة ربنا فينا نعيش مرتاحين ...مرينا أنا و هو بتحديات كتير و بقوت ربنا حبنا كل مرة بزيد...
أول مرتين أهلي رفضو لأني كنت لسا بدرس و معهم حق بس المرة الاخيرة كنت خلصت و توظفت...
المشكلة بالنسبة لأهلي هو أخو... أخو أكبر منو بس شب طايش و سمعتو مو كل هل قد هاد الشي مخلي أهلي يرفضو تماما...
بلأضافة انو كمجتمع شرقي بشكل عام و كمجتمع أردني و باأخص بابا بيرفض أي علاقة من هاد النوع و بفضل الزواج التقليدي....

بدي صلاتكم و نصيحتكم

[Alexius - The old account]

موضوعك متل ما قلتي مو مشكلة شخصية.. بل هي مشكلة عامة او بالاحرى تحدث في كل المجتمعات وعلى الاقل كل شهر نسمع عن زواج خطيفة (بدون موافقة أهل الطرفين او احدها).

شوفي هون رح تسمعي نصائح قد تتعاكس فيما بينها لأن لكل شخص منظوره..
فاسمعي واعملي نهايةً بما ترتضين به لئلا تندمي في المستقبل على انك اتخذتي قرار غيرك

ولا تنسي بالنهاية نحن نسمع طرف واحد من اطراف القصة فالكل سيتكلم بحسب المعطيات التي لديه وقد اخذها منك..

بالنسبة لي لن اعطي قرار تتخذينه ولكن نصيحة قد تكوني عملتي بها وقد لا تكوني..

اذهبي لعند والدك اطال الله لكم بعمره وامده بالصحة والعافية واطلبي منه أن تجلسي معه وتكلمي بكل ما ترغبين به وتصارحي وإياه وادخلوا في تفاصيل المشكلة وحاولي ان تقنعيه بوجهة نظرك..
قد تكوني تحدثتي إليه ولكن اقول لك الآن اجلسا جلسة مصارحة وتحدثا بكل الامور..
كل منكما يدلي بدلوه واسباه التي جعلته يتخذ هذا القرار
فقد تقتنعي بوجهة نظر والدك وتغيري رأيك.. وقد يقتنع هو ويغير رأيه!
وقد لا يقتنع معك اقتناعاً تاماً ولكنه لا يرى ما يمكن ان يرفضه فيوافق..

واخبريه أنك ابنته وتربيته ومن المستحيل ان تفكري في أمر كهذا بدون مراجعة كل الامور وحسابها بشكل جيد..
واخبريه انه لا يعيب الشخص إن كان اخوه او اقربائه لا يعجبوننا..
ولا مانع، بما أنكما اولاد كنيسة فلديكما علاقة مع الآباء الكهنة، أن يتدخل أحد الآباء الكهنة ويتحدث لوالدك في هذا الموضوع.

تحاوري معه وخذي بركته وموافقته على الزواج فتكون ايامكم سعيدة...
وبالنسبة للزواج التقليدي وهو أن تتزوجي شخصاً لم تسمعي عنه في حياتك فاعتقد ان هذا الأمر قد ولّى بلا رجعة..

الله يخليلك والدك ووالدتك ويجمعك بمن تحبين.. بس ما تنسي تعزمينا على الاكليل
موفقة يارب
صلواتك

[Yara S]

شكرا كتير لردك ...
أب كنيستنا عندو علم بالموضوع و موافق تماما...
بس المشلة انو والدي رفض انو يلتقي معو و يتعرف عليه أكتر

و أكيد رح يكون الكل معزوم بس صلولي ربنا يجمعنا...

[Mayda]

أهلين أخت يارا ... منورتينا...

بس المشلة انو والدي رفض انو يلتقي معو و يتعرف عليه أكتر

عزيزتي إن كان والدك رافض للموضوع وبشكل قطعي فعليك إذاً اتخاذ قرارك بنفسك!

ولاتخاذ قرار عقلاني ومتزن، عليك مقارنة ماذا سيحدث إن نفذت رغبة والدك و ماذا سيحدث إن نفذتي رغبتك! وأيهما أهون عليك ومن كافة الجوانب!
انظري وقارني سلبيات وايجابيات القرار من جميع النواحي وصلي للرب يسوع أن يساعدك

صلواتك

[Yara S]

ولاتخاذ قرار عقلاني ومتزن، عليك مقارنة ماذا سيحدث إن نفذت رغبة والدك و ماذا سيحدث إن نفذتي رغبتك! وأيهما أهون عليك ومن كافة الجوانب!

هداالشيء الصعب كثيييييييييييييييييييييير و فكرت في كتيير بس ما فيني أتخلى عن أي طرف

[Mayda]

هداالشيء الصعب كثيييييييييييييييييييييير و فكرت في كتيير بس ما فيني أتخلى عن أي طرف

أفهم وأقدر شعورك جيد جداً جداً .... الرب يكون معك....

[Yara S]

شكرا الك أخت مايدة...
أنا بشكر اهتمامك........

صلواتك

[roro]

اخت يارا
بس تقعدي مع ابوكي احكيلو عن انواع الزواج الفاشلة (زواج مسلم من مسيحية او زواج المصلحة او اي نوع تاني من الزواج اللي بيادي للفشل لان الضروف ما كانت مناسبة ) و بعدين رح يلاقي مشكلة اخوه للشب مشكلة بسيطة كتير بالنسبة لغيرها...
الحمد الله كل الظروف مناسبة بالنسبة الك و للشب و بيكفي انو ابن كنيسة و بيحبك و هاد اهم شي ..
هلق في كتير شباب عندهم مشاكل و بيمروا بمراحل طيش بس اذا بدنا نشوف انو هاد الشي مشكلة كبيرة كتير بتحكم عالعالم ما عاد حدا بيتزوج ..اذا كان الاهل اصلهم كويس و ببخافو الله فأكبد الشب رح يعقل و يصير كل شي مليح باذن يسوع المسيح انشاء الله لان الاهل متل ما بتعرفي هني الاصل ..
واذا ما اقتنع ابوكي اعطيني انا بحكيلك معو ههههههه
موفقة و صلي ليسوع دخيل اسمو و كوني واثقة انو رح يساعدك لان كل الامور تعمل للخير للذين يحبون الله..
اختك رجاء

[لما]

اختنا العزيزة يارا نطلب من الرب ان يمنحك سلامه ويطيب قلب والدك برضى وتسامح كبيرين حتى يستطيع احتواء الموضوع .
ما بعرف اذ كنت اتيعتي هالأسلوب (ان تسقطي قصة الشب على عائلتك اوتطلبين من والدك ان يضع نفسه مكان الشاب والذي كما تقولين ان الجميع يشهد له بالأخلاق والسلوك الجيد هل يعقل ان تصرف من شخص واحد ضمن العائلة يغير مصير افرادها).
والأهم من هادا كلو صللي للرب انو يتدخل ويرتب الأمور لما فيه خيرك وسعادتك.وقولي لتكن مشيئتك.آمين

وصلوات الأخوة كلهم الك وانشالله بنسمع اخبار حلوة عنك عن قريب وتعزمينا على اكليلك.

[ميلاد شحادة]

باسم الآب ولإبن والروح القدس
آمين
أرجو أن أكو مستحقا أن أشارك مشكلتك
ولكن حل هذه المشكلة في يدك انتأولا
وقبل كل شيء ارجعي لإى سيدتي والادة الإه
واطلبي مساعدتها ومن ثم راجعي أفكارك وحاولي أن تتخذي القرار الصائبلأن هذا مستقبلكواستندي في كل شئ على الرب يسوع وبعدها على براهينك اتجاه والدك اطلب المساعدةستجدينها
(اطلبوا تجدوا_ اقرعوا يفتح لكم_
اسئلوا تعطوا)أليس هذا ماقاله الرب إذا لنضع كل ثقتنا به وسيكون الحل قريب فقط ثقي