النقل الواعى خواطر بقلم/ ناجح ناصح جيد

[ناجح ناصح جيد]

عاوزين نقل واعى ويكون له داعى
بلاش نقل محموم ومايكونش له لزوم
إنقل اللى تعلمته وفى حياتك معلم
أوع تكون زى ماسورة المية
تنقل وعمرها ماتتروى
أتروى بالموضوع وبعدين انقله
أنت كائن رائع فكون لربك طائع
اوع تنقل كلام وماتعملش بيه
هيبقى شاهد عليك وماينفعكش
زى اللى بيوعظ ووعظه مابيعيش
ايه رأيك فى واعظ أو قسيس بيوعظ
وأعماله زى وعظه ماتلاقيش
لا مش عاوزك تدين لكن عاوزك
معايا نعيش اللى فى قلب الرب لينا
أنت أخويا وأختى وغيرك ماليش
بس ياريت مع بعض نعيش
لأحسن كلامنا يبقى مفيش
وغيرك يامحبوب ماليش
وياريت فى طريق بعض مانقفش
يالا ياأخوتى الأيد فى الأيد
وبكده مجد الرب فى حياتنا يزيد

القاهرة فى10/11/2008
هام
هذه الخواطر رسالة لى
قبل ماتكون لك أنت بالذات
معايا

[لما]

أوع تكون زى ماسورة المية
تنقل وعمرها ماتتروى

شكراً لك اخ جميلة هذه الخاطرة ومفيدة ً.اذكرني بصلوتك.

[ناجح ناصح جيد]

شكرا لمرورك
الرب يباركك

[مارى]

إنقل اللى تعلمته وفى حياتك معلم

بما أنى متخصصة فى نقل الموضوعات .... أصل انا 99% من موضوعاتى منقولة يا جماعة ...... فأنا بشكرك على كلماتك .... بس هو فى الغالب الشخص اللى بينقل بيكون عايز يقول مضمون الشىء اللى بينقله للناس و بيكون مصدقه لكن مش عارف يصيغه بأسلوب جيد فأول ما يلاقيه يروح نقله علطووووووووووووول ... زى ما انا بعمل ..... اما بقى عن التطبيق .... الحقيقة يا رب نقدر نطبق نصف ما ننقله .... ربنا معانا و هيساعدنا أكيد

أتروى بالموضوع وبعدين انقله

طب ايه المشكلة لو نقلنا الموضوع لأخوتنا بسرعة يعنى ..... طالما إقتنعنا به ..... كل شخص بيطبق ما قرأه فى مدة تختلف عن الآخر .... يعنى مثلا" أفرض إنسان قرأ كلام اقتنع به و لم يستطع تطبيقه بسرعة ... لكن أخ له فى المنتدى قرأه و طبقه بسرعه .... قدراتنا الروحية بتختلف من شخص لآخر و كمان إستيعابنا

وياريت فى طريق بعض مانقفش

محدش واقف فى طريق التانى ..... إحنا بندفع بعض للأمام يا أخ ناجح

أنت زعلان مننا و لاأييييييييييييييه

[ناجح ناصح جيد]

هأعمل أيه فى أختى
الظاهر ربنا أرسل اللى يشاغب معايا
بس مشاغبة ومرور رائع
ياريت كل الأعضاء كده
بس نفهم بعض ونحب بعض بالمحبة اللى فى قلب الرب
الرب يباركك ياأختى مارى
يارب ديم المحبة بين أولادك

[Maximos]

شكرا ً جزيلا ً لكم أخوتي الأحبة ..

فعلا ً موضوع و حوار بمنتهى الجمال ..

يارب ديم المحبة بين أولادك

[مارى]

الظاهر ربنا أرسل اللى يشاغب معايا

أيوووووووووه ....... خللى بالك بقى

ياريت كل الأعضاء كده

لالالالالالالالالالالالال الالالالالاأ .... كده المنتدى يبقى دوشة أوى .... و الناس دماغها توجعها

شكرا ً جزيلا ً لكم أخوتي الأحبة ..

العفو يا مكسيموس .... انت تؤمر

[ناجح ناصح جيد]

الرب يبارك محبتنا
لبعض
بكل طهارة وقداسة ونقاء
كما كتبت هنا من قبل
لنطرد البغضة بكلمة حب
امين يارب لتطرد كل بغض من كنائسنا وبيوتنا ومنتدياتنا فنعيش كما اردت لنا بكل محبة وتقوى ووقار