هجوم المسلمين على الانجيل

[Georgious The Great]

طالعت البارحة في احدى المكتبات كتاب يبدو أنه جديد و للأسف ان كنت لا اذكر اسمه و لكنه بمعنى انه دراسة جديدة للعهد الجديد.
فكرت في البداية ان اشتري الكتاب و اطالعه و لكن بعد أن قرات كم صفحة منه علمت ان الكاتب المسلم قد ضيع وقته في كتاب لن يرد احد عليه و السبب انه كالعادة يفتقد الى اهم شيء ألاو هو الدليل.
عندما يقوم الكتّاب في العالم بنقد الإسلام وتعاليمه و الى ما هنالك، غهم يعتمدون على الكتب الاسلامية نفسها و ياتون بالكتب التي قام بكتابتها الائمة السنة عبر العصور و منذ القدم لا لشيء الا لكي لا ياتي أحد و يقول انكم تفسرون الكتاب بحسب ما تريدون انتم.
المشكلة لدى الكتاب المسلمين انهم لا يفعلون ذلك و انما يقومون باجتزاء الآيات و تفسيرها على هواهم، و هذا ما قام به صاحب الكتاب. حتى انه عندما استشهد، استشهد بأناس هرطقتهم الكنيسة و حرموا منذ زمن بعيد. حتى انه لا ياتي بسيرة آباء الكنيسة الذين فسروا الكتاب عبر العصور, لا بل الأسوأ انه لا يرجع الى النص الأصلي الى الكتاب, و كلنا يعرف اتن ترجمة الكتاب المقدس الحالية فيها الكثير من الأخطاء. أيضا هو استشهد باشخاص من الكنيسة الكاثوليكية و البروتستانتية يوافقون هواه دون ان يرجع الى ما هي حقيقة موقف و تفسير الكنيسة الكاثوليكية لعلم المسيح (الخريستولوجية) و هو موافق لموقف الكنيسة الأورثوذكسية.
لذلك لم اجد فائدة من شراء الكتاب و صرف المال عليه و لا حتى الرد عليه اذ انه تكفيه هذه الهفوات الكبيرة ليصبح غير ذو فائدة.
طبعا و كالعادة يقوم الكاتب بايراد فكرة ان الانجيل محرف و لا ياتي باي دليل سوى مقولات "لأناس لم يذكر من هم" تقول ان الكتاب قد حرف. كما يقول انه بالأصل لم يكتب يسوع اي كتاب و انما كتبه حواريه ، و يهدف الى ان يقول انه بالأصل لم يكن هناك كتاب صحيح.
طبعا الكاتب الآن اصبح يخرف لأنه اذا كان كلامه صحيح فللأسف كيف سيقيم القرآن و بالأصل لا يوجد كتاب يعتمد عليه.
سلام للجميع
ملاحظة لم اعرف اين أضع الموضوع فلذلك ارجو نقله من هنا اذ هذا المكان لم يكن مكانه

[Alexius - The old account]

عزيزي ciciorthodoxi
متى 5: 46 لأنه إن أحببتم الذين يحبونكم فأي أجر لكم؟ أليس العشارون أيضا يفعلون ذلك؟

وبالنسبة للموضوع أخي العزيز يوجد بين المسلمين كغيرهم من البشر من لا هم لهم إلا في توجيه النقد للأخر دون أن يعرف حتى ما هو عليه ودون علم أدنى بما هو قادم على نقده... مطبقاً على نفسه المثال القائل (مو كل من صف صواني صار حلواني)
ولا ننسى أيضاً أن البروتستانت، ومن جرى مجراهم، لا ينفك لحظة عن توجيه النقد للكنيسة المقدسة الرسولية...
فلا تأخذ أشخاص وتجعلها قاعدة عامة حتى لو كان هناك الكثير منهم... بل دائماً يجب أن نبحث عن أولئك الأشخاص العقلانيين ونبني معهم جسور التواصل...

ملاحظة لم اعرف اين أضع الموضوع فلذلك ارجو نقله من هنا اذ هذا المكان لم يكن مكانه

لهذا السبب وغيره سيتم إعادة ترتيب أقسام المنتدى... والرجاء أن تقدم نصائحك حول هذا الموضوع

صلواتك

[tomabitar]

أرجو عدم التعميم
لكل مجموعة خصوصيتها وقد لا يوافق جميع أعضائها على رأي متطرف
اذكرونا في صلواتكم

[Georgious The Great]

عفوا يا اخي لم تكن مداخلتك مفهومة

[fadi-ad]

يا شباب برأي بلا هالموضوع... وما نحكي عالاسلام لانو نحن هون شعب واحد... ما عم دافع بس عم احكي منطق... ليش كا ما حدا حكا بنستلمو... خلينا نستلم الي عنا... الي عنا احسن من غيرنا... ما الي عنا عم يهرطق... وكمان ليش لتعمم يا اخي... شخص كتب بتقوم بتحكي عالاسلام.... بتعرف انو الرسول كان مكرم العدرا والمسيح والدليل انو ما سمح بمسح الايقونتين الي بالكعبه المكره (يجب الاحترام). ،ما ننسا خالد ابن الوليد لما وصى بعدم الاعتداء عالمسيحيين والمخطوطه موجوده بدير القديس جاورجيوس بسوريا. والي شوّهوا سمعه الاسلام.. ما فرقوا عن الي شوّهوا سمعه المسيحيه (الحرب الصليبية)

مسيحيين كانو او مسلمين.... نحنا كلنا خلقه الله.. والمسلم بأعماله يمكن بتلاقيه جنب المسيحي بالجنه... الله محبه... ما تبني كلامك على شخص واحد... شوف كم مسلم عم يدافع عن المسيحيه و يحكي المنطق و شوف كم مسيحي عم يخرفو بالحكي....


هيك امور بدا ناسا مو نحن حتى نحكي فيها... نبوس ايدنا وج وقفا لاننا عايشين مع دين فيه قوانين اسلاميه فادت مجتمعنا... والدليل.. اوروبا المسيحيه اليهودية وأميركا كمان... وين صارو... نسيوا المسيحيه و تعاليم المسيح و لحقوا العولمه و الاستنساخ و النووي و الدمار و الدبح و تحليل الجنس وووووو الخ......


من ناحتي بتمنى من اداره الموقع الغاء أي موضوع بسيء للدين الاسلامي و المسيحي ولأي شي بسبب حساسيه.. لانو متل ما قلت نحن خليقه الله و الله وصايا "بالمحبة".

بعتذر بس خلينا شوي منطقيين...

[steven gerrard]

يا جماعة اتركوا الفروع وانظروا للاصل

الاسلام اساسا يتهمنا بتحريف الانجيل المزعم المنزل على عيسى ويتهمنا بالكفر ويكفر كل من يقول ان المسيح ابن الله او الله

من الاساس بالنسبة لنا ان الاسلام ليس دينا اساسا

كون المسلمين بعضهم وليس كلهم يحسنوا المعاملة فهذا يرجع للطبيعة البشرية والتنشئة فقد تجد بوذيا يعاملم افضل من اخ مسيحى من نفس دينك

[Georgious The Great]

أخ فادي ما هذا الكلام؟ للأسف انا مضطر ان اقول لك لازم تكون عرفان شو عم تحكي قبل ما تحكي. بالنسبة لخالد بن الوليد فيا ريت ترجع للعهدة العمرية. أليست هي العهدة التي اعطيت للمسيحين عندما دمر عمر بن الخطاب مدينة المسيح و اسماها فتح؟ يا ريتك تقرأها و قلي اين هي المساواة.
شو يلي اعطانا ايها المسلمين و وين دورهم بالمحافظة على ديانتنا؟ الديانة الشرقية محافظة على حالها لأنو ليس فيها هرطقات.
عم تحكي عن الأخلاق المتروكة في اوروبا؟ رح قلق شغلة باوروبا و أمريكا يلي عندو اخلاق عندو و يلي ما عندو ما بكذب بس نحن ما في اخلاق بالنسبة الكبرى و منكذب.
وين الأخلاق بانتشار المثلية في السعودية(الدولة الأولى في تصدير الارهاب) و لا في جرائم المسماة شرف المنتشرة في أرجاء فلسطين و راح ضحيتها اكثر من ضحايا عصابات شيكاجو و لوس انجلس بسنة واحدة؟
شو قدمولنا غير الخوف بفزع و الوقوف لساعات امام ابواب السفارات الغربية لنحصل على جنسية في حال صار ما صار منلحق و منطلع؟
الغرب وهبو الله الاختراعات العلمية و فائدة كل البشر. موضوع الاستنساخ موضوع طويل و للأسف لا يطرح الا من وجهة نظر المتعصبين في الموضوع و أصلا نحن مو فاهمين من الموضوع الا ما يتعلق بالشي يلي بخص الدين.
النووي؟ كل الدول الاسلامية عم تسعى وراء النووي فهل دينا بمنعها؟ بالنسبة لتحليل الجنس فيا ريت ترجع لكتب الاسلاف و تشوف المصايب و تعرف شو عم تقول.
ما بدي حول المنتدى لمكان للتهجم على دين آخر و لا بدي انو يكون الحكي خارج الطريق و لكن ما عندي استعداد انو اسمع كلام يجافي المنطق (بصراحة مع كل احترامي) و أصمت. الحقيقة ليست هجوم

[fadi-ad]

بس للأسف أخي العزيز انت هجومي بكلامك... وحولت المنتدى لجدل كبير للأديان.... الي بدو يعرف الاسلام بدو يعرف يعيش معهم... انت وين عايش ؟؟؟كوني من انو عايش بدوله الكويت الي فيها المتشددين و المتفهمين... برجع بقلك انت من شخص واحد (كتب) فتحت عالاسلام... وهاد كلام ما بصير،، ولا مفكّر حالك أبونا زكريا.... يا سيدي بالتاريخ الاسلامي المسيحي كتيير امور اشتركوا فيها مع بعض لحل مشاكلهم... "اشتركوا".. و الي اكتر شي اساء للاسلام هنن العثمانيين... ومنهم "بالنسبة الي" بدأت المشاكل الأكثر .. في قبلن، أكيد بس 400 سنه من التهجم والهتك والدمار من دين ما كان عم يمثّل دينو... مانا سهله...

وبشو ساعد الاسلام اجتماعيا.... بكفي القانووووون.. في قوانيين منطقيه ساعدة "المجتمع" ككل... الدرزي.. المسيحي.. العلوي.. السني.. الخ... انا ما عم اتهجم بس كلامك مافي شي من المنطق.... "عدم الموائخذة".

وين فائدتك من كلامك هلا... هاد اول كتاب هاجم المسيحيه!!.. اي عادي... نحنا عنا شخص عم يهاجم المسلمين عالتلفزيوون "مباشر" اسبوعيا... بس يا ترى فهمان تأثيره على حياتنا الاجتماعيه بين هالجماعه... نحن برجع بقلك بشر... وفي قديس "نسيت مين هو" كان يصلي للشياطين،، منقوم نحن منهاجم جيرانا.. واذ كان الوضع هيك... اذا انت شايف انو نحنا مضطهدين هون بالوطن العربي... اي الاسلام مضطهدين بدول اوروبا و أميركا... بكفي انو صار اسمو ارهابي "مع العلم الارهاب ما الو دين و لا جنسية" صار الارهاب فلوس...

شكرا

[الأب يوحنا]

مع احترامي للجميع

الموضوع طلع عن حدو

يعني ما بتوقع أنو الهدف الأساسي من الموضوع هوي التجريح لحتى يتحمل كل هالنقاش

وبنفس الوقت بتمنى منن الجميع أنو يدرسو كلماتون شوي قبل ما يكتبوها مثلاً القرآن لا يحارب الإنجيل لا بل يحترمه ككتاب سماوي ومشكلتنا الآن مع من لا يفهمون القرآن فكيف بهم يفهمون الإنجيل

وفي النهاية أتمنى أن نحتفظ ببعض الأفكار التهجمية لأنفسنا فليس المنتدى مكاناً لطرح هذه الأفكار

[steven gerrard]

استغرب صراحة من كلام اخى فادى وابو الياس

الذين يزعمون يا اخوتى ان الاسلام يحترم المسيحية من المسلمين هم لايفقهون شيئا حتى فى دينهم ويريدون ان يخفوا التناقضات الاسلامية

علشان الناس تفهم الاسلام على حقيقته ياريت يشوفوا الفرق بين السور المكية والمدنية ويروا كم التناقض فى التعامل