تساؤلات شبابية-1-

[Beshara]

مرحبا
باعتبار انو طرحك بيتناول أكثر من تساؤل و ليس تساؤل واحد حول موضوع معين و كل تساؤل طرحتو أو كل بند بظن انو بحاجة لموضوع خاص ( الجنس – الاختلاط - العلاقة مع الجنس الآخر.....)
أنت طلبت الابتعاد عن الردود المثالية والكلام المعسول و هدا حقك بس ما بعرف إذا كنا بنقدر نحكي بمواضيع هي بالأصل معقدة وشائكة بدون ما يكون في رأي علمي عل الاقل بالموضوع أو بدون ما نستعين بآراء وكتابات حول الموضوع ....بالنسبة لموضوع الجنس مثلا إذا قرأت كتاب " الجنس ومعناه الإنساني " ل كوستي بندلي، بإمكاننا تكوين فكرة أوضح و يصير عندنا رأي انضج و يمكن حتى كتير من التساؤلات نلاقيلها جواب " واضح و محدد " بحسب تعبيرك...
أنا أخيرا ما بعتبر نفسي قدمت أي رأي أو جواب حول أي تساؤل من " تساؤلاتنا الشبابية " بس قدمت رأي حول طريقة التعاطي و تداول هكذا مواضيع ..
" صوم مبارك للجميع "

[Georgious The Great]

شكطرا للأب سلوان. ما شاء الله الله يخليك فوق روسنا يا أبونا. ردك رائع و صعب. بس هيك عودتنا الأورثوذكسية. كل شيء صعب. مع ذلك ما عم أقدر اتخلى عنها. نعم بدنا نجاهد. سيدنا بولس بقول: كل ما بعرف اكتر بتمنى لو ما عرفت لأنو بصير مطلوب مني اكثر. صحيح مئة بالمئة.
بالنسبة للحكي عن علاقة اخوية بين شب و بنت فأنا برأيي انو هذا شيء لا وجود له. الذي له وجود هو علاقة صداقة. شو يعني علاقة اخوية بين اثنين ليسوا بأخوة؟ ليش التخبي وراء مظاهر خادعة؟
بالنسبة الك يا اخ الوس فبحب اخبرك أنو الحب الحقيقي موجود و لكنو أصعب هلق من ايام شكسبير و صدقني بعرف انا شو عم احكي لأنو حكايتي مع الانسانة يلي حبيتها و تزوجتها استمرت لفترة طويلة. كلو لأجل شيء تافه وقفو عندو الناس كلهم. بس للأسف بقول انو الشعب عقلو بالأصل تافه(عفوا لا اعمم و لكن النسبة قريبة من المية بالمية) فكيف رح يكون حكمو على الأمور.
صح الدنيا فيها الكثير من الذئاب و انا مع الأخت انستاسيا بانو طريقة العلاقة هي يلي بتفرض خطالعلاقة بدون الحاجة لاستخدام عبارات جوفاء لا معنى لها الا في القواميس العربية, حتى هناك لن نراها. لما منبلش نربي اولادنا صح (و بركز على التربية لأنو للأسف بلكي نحني حاولنا في انفسنا نصلح أخطاء اهالينا بس لسى في رواسب) رح نقدر نطالع اولاد بفهموا معناة الصداقة و بصيروا أصدقاء و ما في ضرورة لبارة اخوة لأنو رح يكونوا اخوة و طريقة العلاقة رح تحدد خط العلاقة, و لما واحد بدوا يقرب من وحدة او العكس (لا ارى مشكلة في الموضوع) عندها رح يشوفوا المناسب و يتحاوروا مع بعض بالموضوع.
يمكن ايجاد صداقات بين البنات و الشباب بس للأسف تربيتنا الحالية ما بتسمح من جهتين:
أولا-لأنو هذا الشييء عيب(كلما اجتمع رجل و امراة كان الشيطان بينهما)
ثانيا-الكلام السابق للأسف بشكل كبير هو حقيقي و السبب هي التربية. يعني قد ما كنا عايشيين ببيئة متحررة(انا لا احكي عن الناحية السلبية) فمع ذلك التربية عم تكون غير واعية لحتى تربي الانسان من الصغر على مفهوم الصداقة.
يعني لو بس نطلع على مفهوم الصداقة بين الجنس الواحد لاكتشفنا انو في مشاكل رهيبة و الخيانات على قفا مين شيل, فكيف بين بنت و شب!
خلونا نطالع جيل مزبوط و خلينا نحاول نكون مثال. بدون مثال سيسقط كل البناء.
صلواتكم و لنتقوى مع بعض على احتمال التجارب