حدد موقفك !

[anastasia]

فعلا انا كمان بعرف بيت موجود بحمص ما بيسكنوا حدا بيقولولي فيو أشباح ..
طبعا الاسلام يؤمنون بوجود الجن , حتى كتير أحيان بالصدفة بشوف قنوات تحوي برامج لفك تأثير الجن وترديد تعاويذ وما بعرف شو ..

أنا لا أؤمن بوجود مثل هذه الاشياء , لكن هناك ما يسمى ارواح شريرة .. حتى المسيح أخرج أرواح شريرة من اجساد البعض .

بس ما بنكر اني رغم عدم ايماني أكره سماع هذه القصص لأنها تشعرني بالخوف

[Allos]

أنا برأيي يا ألوس أنو الإيمان بوجود الملائكة و حتى وإن كانوا لا يملكون أية هيئة مادية ما بيتنافى مع الاعتقاد ب عدم وجود ما يسمى الجن او الأرواح و ما شابه ذلك يعني الشغلتين مفصولين عن بعض..

شلون يا Beshara أفندي الشغلتين مفصولين عن بعضهم...

عمليا الملائكة و الجن فكرة واحدة أذا أمنت بالأولى ما رح يصعب عليم تأمن بالتانية

كونك عندك قابلية تأمن بشي لا تدركه بحواسك الخمسة

و انا خيو ما عم إحكي إستنادا عالمبادئ المسيحية و إنما عالمبادئ الفيزيائية

لأنو أرثوذوكسيا الجن = الشيطان = المسيح بالقيامة سحق قدرة الشيطان فلا سلطان لديهم علينا


صلواتك

[Georgious The Great]

حبيبي ألوس يا ريت تبعتلي العناوين مع المزيد من القصص. انا مغرم بقصص و افلام الرعب.
على كل نعم انا مؤمن بوجود يلي حكيت عنو و اكثر يا سيدي.
انا مؤمن بالاشباح, بالأشياء يلي بتسكن الانسان, بامصاصي الدماء و المتحولين و الخ. هذا شيء وجد من زمان و في امكن ما حدا بيعرفها و ما بيعرف شو عم يصير.
خليني انا خبركون:
في منطقة على ما اعتقد بطرطوس, أرض اجو عليها عبادين شياطيين بكل ما في الكلمة من معنا و عملوا طقوسهم. بعد ما راحوا نزلوا بالمنطقة مجموعة من الحركة. وصلني الخبر انو ما قدروا يناموا بالأرض لحتى ما اجى خوري و صلى على الأرض و رشها بماء مقدسة؟ شو رايكن!