تساؤلات شبابية-1-

[الأب سلوان أونر]

الله معكم

اسمحوا لي أن اعاود المشاركة في هذا الموضوع

هناك فكرة أساسية من الكتاب المقدس وهي وصية من الرب نفسه اذ قال:"قد سمعتم أنه قيل للقدماء لا تزن وأما أنا فأقول لكم إن كل من ينظر إلى امرأة ليشتهيها قد زنى بها في قلبه" (متى 27:5-28)

بهذا القول أدخلنا السيد المسيح إلى جذور الخطيئة ليقول أن الشهوة هي خطيئة

فلماذا الحديث الكثير عن الجنس أو العادة السرية أو.... ياشباب لا تبحثوا عن شخص أو فكرة يمكن أن تبرر الخطيئة، وفي بحثكم هذا ستجدون الشيطان وأتباعه هم المبررون الأوائل

السيد المسيح كان واضحاً جداً بأن الشهوة خطيئة فعلى هذا المقياس قيسوا أي شيء إن كان تصرفاً أو فعلاً أو حتى ردة فعل هل هو خطيئة أما لا؟؟؟؟؟؟

المهم أن تتعلم كيف تجاهد ضد الخطيئة وليس أن تحللها (فهي واضحة عين الشمس)
واعلم أن الطهارة تأتي بعد جهاد.
فتعلّموا كيف تبيّضون ثيابكم (تتطهروا) كما يتحدث سفر الرؤية اذا يقول أن الذين يأتون من الضيقة العظيمة (التجارب الكثيرة) يبيّضون ثيابهم (يصبحون أطهار) بدم الخروف (جسد ودم السيد المسيح): "هؤلاء المتسربلون بالثياب البيض من هم ومن أين أتو؟ فقلت يا سيد أنت تعلم. فقال لي هؤلاء هم الذين أتوا من الضيقة العظيمة وقد غسلوا ثيابهم وبيّضوا ثيابهم في دم الخروف" (رؤيا 13:7-14).

الرب معكم

[anastasia]

الموضوع اكيد لازم ينطرح وانا مع أخ بشارة .. كل عنوان طرحتو أخ ألوس بحاجة لنقاش طويل ..

أنا حابة احكي بداية عن الجنس .. طبعا نحن بشر وهالشي موجود بطبيعتنا بس في كتير فرق بين انو نحن نسيطر عالشهوة او هيي تسيطر علينا .. الشيطان بالبداية بيتدخل ليقول ( هاد من حقك الله هيك خلقك ) وبيحاول يقنعك انو ما رح يصير شي اذا اشبعت شهوتك وبيقلك ( مو الهك اله رحوم فأكيد ما رح يعاقبك ) وهيك الانسان اذا استسلم لهالفكرة بينجر وراء الخطيئة لتستعبدوا بينما كان لازم انو ما يرد وانو يجاهد ليبعد هالفكرة ويستعين بجهادوا بصلوات وخاصة مزامير بتذخر فيها كتب الصلوات وكمان لما (يستفحل ) الأمر برأيي يجب اللجوء للأب الروحي ...

بس المفاجأة انو بعد ارتكاب الخطيئة الشيطان بيبدل الراي مباشرة ليحسسك انك غلطت وانو الله ما رح يرحمك مشان هيك بيقلك غلطت وغلطت فخليك على هالدرب .. طبعا هي هيي أكبر خطيئة , لأنو الخطأ وارد واللي أخطأ بالزنى ما لازم يفكر انو خلص .. الله اله رحوم اذا ندمنا بحق , حتى المسيح قبل الزانية وغفر لها .. مشان هيك التوبة والاعتراف هيي الطريق الوحيد للخاطئ ..

بصراحة في كتير كتير مشاكل عم يواجهها الشباب والصبايا بهالزمن .. وانا بدي علق لو سمحتولي على موضوع الصداقة الاخوية بين الشب والبنت , فعلا معاناة انو ابدا ما حدا بيتقبل هالموضوع .. حابة اسمع ارائكم وبكرر شكري للاخ ألوس اللي طرح هيك مواضيع بتهمنا

صلواتكم

[Allos]

وانا بدي علق لو سمحتولي على موضوع الصداقة الاخوية بين الشب والبنت , فعلا معاناة انو ابدا ما حدا بيتقبل هالموضوع .. حابة اسمع ارائكم وبكرر شكري للاخ ألوس اللي طرح هيك مواضيع بتهمنا

صلواتكم

إختي الغالية أنستاسيا...

في وقتنا الحالي عندما تقول بنت لشب " أو العكس" أنها تريد أن تكون علاقتهما علاقة صداقة أخوية...

فعذا يعني أن الشب يعاني من نقص في الرجولة و أن البنت بالتأكيد تريد أن تبقي هذا الشاب بعيدا عنها...

و لا تقولي لي أن هذا الكلام غير صحيح و سأثبت لك كلامي....

عندما تقول بنت لشب أنه مثل أخوها و أنها أخته فهذا يعني:

1-إما الشاب لايمتلك مواصفات 2007 " طول , شخصية , هضامة , مصاري كتير ,....."

2- أو أن البنت مرتبطة بشب أحسن منه و تريد أن " تحلقلو عالناشف" بدون ان تجرح مشاعره

3-و كثير من الأسباب التي أخجل من ذكرها لتفاهتها و تغاهة الأشخاص الذين يفكرون بها

و اغلب هذه الحالات تحدث عندما يحاول شب أن يقوي علاقته ببنت فوق المستوى " ذات شعبية بالجامعة , حلوة , مصاري متل الكذب , ......" فيأتيه الرد الاليم " ولو يا فلان مو انا متل إختك"..

كفان ضحك على بعضنا و رياء و كذب فالموضوع بات معروفا و لكن الجميع ينكر وجوده.... و لكن إلى متى..

و إذا أنا غلطان يا اخوتي الأعزاء فلماذا البنت مضطرة أن تقول للشب أن علاقتهما أخوية.....

أليس من الأفضل أن نبقي العلاقة بدون صفة محددة و لكن أحداث هذه العلاقة هي التي تحدد مضمونها...

و كأن كلمة أنت مثل أخي باتت وسيلة ردع للتخلص من الشباب غير المناسبين...

و في الأخير أقول يا أخوتي أن هذا الكلام لا ينطبق فقط على الأخوة البنات و إنما الشباب ضالعون في هذه المصيبة حتى الصميم " و اولهم انا"



صلواتكم

[anastasia]

عفوا بفهم من حكيك اخي الوس انك معارض لعلاقة الصداقة او الخوة بين الشب والبنت ؟

بعتذرمنك بس اسمحلي قلك انو حكيك خاطئ مية بالمية , ابدا اذا بنت قالت لشب انت متل اخي معناها انو بلا رجولة او لا يملك مواصفات رائعة , علاقة الارتباط الحقيقي بين الشب والبنت ابدا مو شغلة مواصفات وكأنو بضاعة في شي اسمو اتفاق , أنا ممكن اتفق كعلاقة مع شب عادي وكمواصفات اقل بكتير من شب بالنسبة الي مجرد صديق ..

بتمنى تتفهم وجهة نظري .. وما تعتبر العالم كلا متل بعضها خيي الووس , صلواتك

[Allos]

ههههه والله إنك مهضومة يا أختي انستاسيا...

و بتوقع أنك متوقعة الحياة ملونة بألوان قوس قزح و الكل بيحب بعضوه و الحب الحقيقي موجود

كل هالقصص إنقرضت من أيام شكسبير...

أو انك عم تحكي عن المدينة الفاضلة تبع أفلاطون ...هداك حكي تاني..

يلى بكرا إنشا الله بتروحي عالجامعة و بتعرفي أنو الحياة مالها أبيض و أسود و رح تلاقي رمادي كتير ...صدقيني

و طبعا بهالزمن صار من النادر تلاقي مشاعر صادقة....

و بعدين إذا بدك تحكي بالمثاليات الله وكيلك فينا نقعد للصبح.... بس أنا عم إحكي بصراحة خالية من المشاعر أي بموضوعية تامة

شو رأيك

[Georgious The Great]

شكطرا للأب سلوان. ما شاء الله الله يخليك فوق روسنا يا أبونا. ردك رائع و صعب. بس هيك عودتنا الأورثوذكسية. كل شيء صعب. مع ذلك ما عم أقدر اتخلى عنها. نعم بدنا نجاهد. سيدنا بولس بقول: كل ما بعرف اكتر بتمنى لو ما عرفت لأنو بصير مطلوب مني اكثر. صحيح مئة بالمئة.
بالنسبة للحكي عن علاقة اخوية بين شب و بنت فأنا برأيي انو هذا شيء لا وجود له. الذي له وجود هو علاقة صداقة. شو يعني علاقة اخوية بين اثنين ليسوا بأخوة؟ ليش التخبي وراء مظاهر خادعة؟
بالنسبة الك يا اخ الوس فبحب اخبرك أنو الحب الحقيقي موجود و لكنو أصعب هلق من ايام شكسبير و صدقني بعرف انا شو عم احكي لأنو حكايتي مع الانسانة يلي حبيتها و تزوجتها استمرت لفترة طويلة. كلو لأجل شيء تافه وقفو عندو الناس كلهم. بس للأسف بقول انو الشعب عقلو بالأصل تافه(عفوا لا اعمم و لكن النسبة قريبة من المية بالمية) فكيف رح يكون حكمو على الأمور.
صح الدنيا فيها الكثير من الذئاب و انا مع الأخت انستاسيا بانو طريقة العلاقة هي يلي بتفرض خطالعلاقة بدون الحاجة لاستخدام عبارات جوفاء لا معنى لها الا في القواميس العربية, حتى هناك لن نراها. لما منبلش نربي اولادنا صح (و بركز على التربية لأنو للأسف بلكي نحني حاولنا في انفسنا نصلح أخطاء اهالينا بس لسى في رواسب) رح نقدر نطالع اولاد بفهموا معناة الصداقة و بصيروا أصدقاء و ما في ضرورة لبارة اخوة لأنو رح يكونوا اخوة و طريقة العلاقة رح تحدد خط العلاقة, و لما واحد بدوا يقرب من وحدة او العكس (لا ارى مشكلة في الموضوع) عندها رح يشوفوا المناسب و يتحاوروا مع بعض بالموضوع.
يمكن ايجاد صداقات بين البنات و الشباب بس للأسف تربيتنا الحالية ما بتسمح من جهتين:
أولا-لأنو هذا الشييء عيب(كلما اجتمع رجل و امراة كان الشيطان بينهما)
ثانيا-الكلام السابق للأسف بشكل كبير هو حقيقي و السبب هي التربية. يعني قد ما كنا عايشيين ببيئة متحررة(انا لا احكي عن الناحية السلبية) فمع ذلك التربية عم تكون غير واعية لحتى تربي الانسان من الصغر على مفهوم الصداقة.
يعني لو بس نطلع على مفهوم الصداقة بين الجنس الواحد لاكتشفنا انو في مشاكل رهيبة و الخيانات على قفا مين شيل, فكيف بين بنت و شب!
خلونا نطالع جيل مزبوط و خلينا نحاول نكون مثال. بدون مثال سيسقط كل البناء.
صلواتكم و لنتقوى مع بعض على احتمال التجارب

[anastasia]

خيي الوس ما عم احكي مثاليات عم احكي عن واقع وتجربة .. وابدا مو متخيلة العالم قوس قزح لانو بالرغم من عمري الصغير شايفة وسامعة وعم شوف قدامي بلاوي وقصص لا تخاف ..

بس انت اللي مفكر كل الناس متل بعضهن .. انا عم احكي عن موضوع بسيط وهو الرفقة بين الشب والبنت .. وهاد شي جد طبيعي ولا اذا بنت بتحكي مع شي 5 رفقة بدها تحبهن كلهن هاد مو منطق ...

برجع بقلك ما عم احكي مثاليات ابدا ..
صلواتك

[سليمان]

باسم الرب

مَن له أذنان للسمع فليسمع!

في قصة طريفة أنّ عصفورَين كانا في أعلى شجرة يعاينان الناس. لاحظا أنّ كل الوجوه قلقة لا فرح فيها. فقال أحدهما للآخر: لماذا الناس مضطربون على هذا النحو؟ فأجاب الآخر: يبدو أنّه ليس لهم أب يعتني بأمرهم كما لنا نحن!
أليس صحيحاً أن جلّ تعب الناس مردّه ابتعادهم عن الله؟

"تعالوا إليّ يا جميع المتعَبين والثقيلي الأحمال وأنا أُريحكم"

الرب معكم

[Allos]

شكرا أخي سليمان على مشاركتك الحلوة...

و بالفعل أكبر أسباب مشاكلنا هو إبتعادنا عن الله الأب السماوي و إعتمادنا على أنفسنا في حل مشكلاتنا ...

ربنا يقويك و يكون معك

[kamalelmasry]

الأخ الوس
أشكرك لفتح هذا الموضوع وأن كنت أعتبر أن الموضوع لا يخص الجنس أساسا ولكنه يخص وقوع الأنسان في الخطيه أي خطيه تمنع الأنسان من دخول الملكوت المعد لنا منذ تاسيس العالم كما وعدنا السيد المسيح .
عنندما قرأت ما كتبتم عن الشباب الذي يتحول في المناسبات 180 درجه علي قدر أنه يمارس الطقوس الكنسيه طوال العام ينطبق عليهم قول السيد المسيح ( هذا الشعب يكرمني بشفتيه أما قلبه فمبتعد تماما عني .
أكتب أليكم ليس كلام أنشائي أو حبا في الكتابه ولكن أكتب عن تجارب كثيره بل صراعات مؤلمه مع الخطيه ومازلت حتي الأن بعد أن وقفت أخشي من السقوط .
لا أطيل عليكم .. ولكن بالفعل أنه أمر طبيعي أن يكون للجسد الذي نحيا فيه غرائز وشهوات تتحرك فينا من الطبيعه أومن الأثاره والحواس والصور والأشكال وتتحرك أيضا من حروب الشيطان ولكن ايا كان سبب التحرك فعندما نصرخ الي الله كما فعل بطرس (يارب نجني) ونطلب منه أن يتحتنن ويمد يده ليمسك بنا حتي لا نسقط الي الهاويه وندخل الي جهنم لأنه لا يشاء موت الخاطئ مثل مايرجع ويحيا .
أقول ... أذا كان دخول الملكوت بسهوله وبلا جهاد فنحيا بالفعل في المناسبات حياة المجون ثم نعود الي ممارسة الطقوس الكنسيه وهكذا تسير الأمور ولكن لندرك يا أخوتي أن التناول بدون استحقاق أخطر من عدم التناول وأن ممارسة العاده السريه تجعل يد الأنسان غير طاهره ..وكيف اقف أمام الله للصلاه وأمد يد غير طاهره أمامه ..أم كيف أطلب من الله الدخول الي الملكوت بدون جهاد ..كيف أعيد للرب وزناته التي أعطاها لنا دون أستثمار عندما يقول لي (يا أبني أعطني حساب وكالتك ). يجب ان نطلب من الله في صلواتنا أن يقوي ضعفاتنا ويمد يده ليمسك بيدنا حتي لا نقع فريسة للشيطان لأنه ( كأسد يجول يلتمس من يبلعه ).
اعتذر عن الأطاله والأسهاب .
أحتاج الي صواتكم من أجل ضعفي ..