بس أنا أعرف ناس أقباط بيقروا له و من الجيل ده


مهو أكيد فى ناس بتقرا له .... بس النسبة قد أيه ؟ .... أنا بقولك انا أعرف أقباط كتير و من نوعية الناس اللى بتقرا .... و بيرفضوا يقروا له أى شىء لمجرد معرفتهم بموقف الكنيسة منه .

أصلاً الإنتباه للتراث الآبائى فى الكنيسة القبطية و بدء حركة الترجمة للكتابات الآبائية كان على حس أبونا متى...بداية تعرف شعب الكنيسة القبطية بصورة قوية على حاجة اسمها "آباء الكنيسة" كان بسبب كتاب "حياة الصلاة الأرثوذكسية"


الناس اللى قروا الكتاب وقتها ممكن يكونوا إنتبهوا .... لكن دلوقت أيه الوضع ؟ .... تعرفى انه بيقال إن كتب الأب متى مهددة إنها مع الزمن يقل طباعتها و نشرها.....كلنا عارفين موقف الكنيسة من الدير ..... لكن آباء الدير الكبار فى السن مازالوا محافظين على تراثه ....بس مع الوقت الآباء دول هيحل محلهم ناس آخرين...... هو الحقيقة كلام سمعته أنا مش واثقة منه تمام الثقة .... لكن اعتقد قرار الإدارة فى وقف نشر كتب الأب متى عن طريق المنتدى لم يكن صائب .... محدش عارف الموقف بعد 20 سنة مثلا" هيكون أيه

ليه للأسف؟ مش يمكن التغيير للأفضل؟ ما هو الحال مكانش كويس أوى يعنى من قبله


ايوه طبعا" ممكن التغيير يكون للأفضل بمعونة ربنا .... لكن أعتقد ان الحال من قبله كان أفضل و دا نقدر نعرفه من مشاكل كتيرة بيمر بها الناس اليوم



وبالمناسبة فإنني أحسد الأخوة الأقباط ـ الذين تعرفت على بعضهم في اثينا ـ على التزامهم بكنيستهم وتقاليدها


عندك حق يا أخ إليان ....هما فعلا" الأقباط طائفة مرتبطة بكنيستها أكثر بكثير من الطوائف
الأخرى ..... دى حقيقة لا يستطيع أحد إنكارها




شكرا" أبونا بطرس على مرورك الكريم .... و يا رب تكون أحوالنا جميعا" كمسيحيين للأفضل دائما"....صلواتك

سلام و نعمة