طريقة التسجيل في القسم الجديد - مجتمع أرثوذكس أونلاين

**Alexius - The old account** · 2009-11-13, 01:05 PM

اول شي كان في مشكلة بالتسجيل ولهيك في ناس ماقدرت تسجل.. وهلأ تصلحت.
وهلأ رح اشرح الخطوات بالتفصيل الممل

أول شي منروح لهون
http://orthodoxonline.org/community
بعدين منبع الصور

بعد ما نعمل كليل على هي القطعة السودا بتصير هيك

منعمل كليك على كلمة Register
ومننتقل لهي الصحفة
http://orthodoxonline.org/community/...task=registers
وفيها بكون خانات كتيرة منها ماهو اجباري ومنها لأ..

المهم صورت الصفحة وشرحتها كمان
ياريت نتبع الخطوات التالية:

بعدما نضعط على زر التسجيل رح يوصلكم ايميل من الشبكة، يمكن يوصل على Junk mail بالنسبة للهوتميل أو Bulk mail بالنسبة للياهو.. أو ماشابههما بالنسبة لغير مواقع.
اول شي ياريت تنقلوا الايميل على صندوق الوراد او InBox وبعدين بكون في رابط بالايميل الوصل بتعملوا عليه كليك حتى يتم تأكيد البريد الاكتروني انه صالح ومستخدم.

ولهون بتنتهي الخطوات اللي لازم تعملوها وبيضل خطوة أخيرة بتعملها ادارة الموقع وهي الموافقة على انتساب العضو.

ملاحظة: حطينا هي الخطوة الأخيرة حتى نضمن أن جميع الأعضاء المنتسبين هم من أبناء الكنيسة الأرثوذكسية وبعض الأخوة المعروفين لنا بإيمانهم الأرثوذكسي.
لهيك ياريت من أخوتنا من ابناء الكنائس الأخرى مايحاولوا الانتساب لأنه لن يتم الموافقة على الانتساب.
ولكن هذا الموضوع غير نهائي... أي هناك خطة فيما بعد فتح الانتساب لكل الاخوة من أي كنيسة رسولية كانوا (أما الجماعات البروتستانتية فهذا قرار غير قابل للتغيير فلن يستطيعوا الانتساب).

وبالنسبة لتفعيل الانتساب من قبل الادارة.. يمكن يتأخر شوي بسبب عدم وجود متابعة دائمة لهذا الموضوع. بسبب نقص المساعدين.
فاللي حابب يكون في الادارة ياريت يخبرني.. وطبعاً ادارة القسم الجديد ليست كالمنتدى.
بمعنى هونيك ادارة ادارية وبس.. أما في المنتدى فالادارة مطالبة بالتدخل والمناقشة والحوار وما إلى ذلك...

ونصلي للرب أن يكون هذا القسم سبب بركة ونعمة لكثيرين.

شو رأيكن بالتصميم؟ عامل شوي على صرعة وصاخب كمان.. ماهيك؟
طبعاً الاختيار بهالطريقة كان مقصود وعن سبق اصرار وترصد..

صلواتكم