"لأن اسم الله يجدف عليه بسببكم بين الأمم"

سئل احدهم في دورة إرشادية لماذا يا ترى الناس بعيدون عن الكنيسة فقال: واحد من الأسباب التي تبعد الناس عن الكنيسة هو وللأسف أولاد الكنيسة..
بيشوفوك عم تروح عالكنيسة ومقضيها صلوات وعند أول مشكلة بيبين انو ما الك علاقة لا بالإيمان ولا بشي وبيبلشو يهتوك وعلى شو عم تروح عالكنيسة وعلى شو نحنا بدنا نروح عالكنيسة اذا هيك عم تعلم ولادنا وما بيخلو لا الله ولا كنيسة ولا صلاة وما بيحكو عليها..

مرة من المرات كان ابونا (أثناسيوس فهد) (الله يذكرو بالخير ويقويه وين ما كان) عم يعطي محاضرة عنا بالكنيسة عن العائلة ومشاكل الشباب اجا واحد قلو اهلي ما بيخلوني روح عالكنيسة وبيضلو يعملولي مشاكل على هالشغلة قام قلو ابونا ايه طبعا اذا حاملي كل موادك بالجامعة ومقضيلي ياها بالكنيسة من الصبح للمسا شو بتتوقع منون يعملولك يعني يزقفولك مثلاً..
..لأنو كتاب الطالب هوي مسبحتو ودراستو هيي صلاتو..

صحيح انه لا يجب أن نحكم على الكنيسة من بضعة أفراد يخطئون فيها ولكننا مسؤولون أن نحمي كنيستنا من هذه الأقوال إن كنا مؤمنين بحق لأن الرب يسوع يقول:
" لا بد أن تأتي العثرات ولكن الويل لمن به تأتي العثرة...."
ومثلها عملنا في الكنيسة وبخاصة الترتيل الذي إما يجذب الناس إلى الكنيسة أو يبعدهم عنها..