بالحقيقة ... هادا الموضوع معمول لتبادل الوجدانيات ..

و يمكن مشاركتي رح تكون تقيلة دم شوي .. كنت مفكر خليها للآخر مشان ما إنزع الجو .. بس خفت اللي عم يفوت هللأ ما يفوت وقتها .. و ما توصلو هالرسالة :

أنا كمان في لحظات ما حبيتها .. و إذا بدي آخد الموضوع من الناحية العاطفية يمكن كنت قلت آآآآآخ لو بمحيها ..

بس .. .. .. في شغلة ..
كل الشغلات اللي عم إنظرلها إنو سودة .. مين سمح إنو تجيني ؟؟؟ أللــــه ..
طيب ليييييييييييش ؟؟؟ أكيد لمصلحتي و بنائي و تشذيبي ..

معناتا .. أنا لو بالواقع حدا عطاني هيك محاية .. ما رح إمحي شي ..

لأنو حتى هاللحظات الـ ( خلينا نقول سودة ) .. ساهمت ببنائي ..

في منها علمني درس .. .. .. و منها عطاني خبرة ..

أو على الأقل .. بأقل تقدير .. انتزع جزء من كبريائي ..

و الأرجح إنو كبريائي هوّي اللي حابب يمحيها ..

أما الرب ... حتى من خلال هالإشيا ( السودة ) .. بنانا .. و عطانا الخير ..

مشان هيك منقول مع الذهبي الفم :

المجد للرب على كل شيء