المؤمن والمختار ؟

[Georgeos81]

اخي اوريجانوس صح المؤمن محفوظ . بس لطالما هو مسلم نفسه بيد الرب . مثل احد اباء البرية كان كل يوم ييجي غراب بكسرة خبز ياكلها . بيوم كان باب القلاية تبعو متصدع كتير فقام وصلحو . بيومها وبالايام الي بعدها ماعاد اجا الغراب بكسرة الخبز . فصار يصلي بحرارة ليعرف شو السبب الي منع عنو الله هالغراب . فكان جواب الملاك انو انت لما كنت عايش ومسلم نفسك وجسدك بالكلية للرب ومتفرغ للصلاة كان الرب ملزم بمعيتك انما لما انت صرت تبلش تهتم بالباب والتصليح فحري بك انك تهتم بخبزك اليومي .
وهل ممكن يهلك المؤمن نعم ممكن وهاد شي بنشوفوا بوضوح وبلا شرح مجرد ننظر لايقونة السلم إلى الله . ورح حاول ارفعلك اياها .

اما المؤمن والمختار
ففي مقولة بكتاب اسمو (( من الساعة الخامسة والعشرين إلى الابدية )) . كل انسان مدعو للخلاص بطريقته الخاصة . بمعنى كل انسان هو مختار ليختار الشي الي بيريد .
وهاد الشي بيرجعنا للتسليم بحيث لما قال الملاك لمريم نعمة العلي تظلك ...... كان جوابها ليكن لي بحسب قولك ها انا ذا امة الرب .
بتمنى كون قدرت فيدك اخي اوريجانوس .