جسر التواصل ..

[فيرينا]

اى علاقه بين اتنين ( من اى نوع سواء صداقه او ابوه او أخوه أو .... ) محتاجه تواصل وعلشان يبقى فى تواصل لازم الاتنين يبنوا جسر بينهم
بس الجسر دا علشان يتبنى صح ويبقى متين ويستحمل سنين عمرهم محتاج انهم هما الاتنين يشتركوا فى البناء بس يشتركوا ازاى ؟؟؟؟
تخيل مثلا ان الجسر دا هيمتد بين ضفتى نهر وكل طرف واقف على ضفته ومحتاج يتلاقى مع صديقه
يبقى لازم كل واحد يبتدى من عند ضفته ويبتدى بوضع اساس التضحيه والمحبه والبذل ويدعم الاساس بعمدان الاحتمال والتنازل عن وجه نظره علشان يقرب من اخوه وطبعا هيبقى فوق العمدان الجسر نفسه جسر الموده والدفء جسر الكلمات الرقيقه والمواقف الحقيقيه
لو كل طرف فيهم ادى دوره صح هيلاقوا نفسهم اتقابلوا فى النصف بالظبط يعنى اتقابلوا فوق اعمق جزء من النهر بس مع عمق النهر وخطره هما فوق اقوى جسر
وعلشان تتأكد بأهميه دور كل طرف هنتخيل جسر فاشل هيبنيه ( س ) مع ( ص )
( س ) :: أبتدى يشتغل بهمه عايز يوصل ل ( ص ) بسرعه مش هامه التعب ولا الجهد
( ص ) :: قاعد مكانه شايف أن أرائه ديما صح هو بيفهم أكتر من ( س ) يبقى لازم ( س ) يتبع تعليماته وينفذها علشان الجسر يتبنى
( س ) :: خلص نصف الجسر بتاعه بمهاره فائقه وكمان عمل اعمده أناره المجاملات اللطيفه وزرع ورود الثقه ...... (س ) فى قمه فرحه وسعادته المفروض هيقابل حبيبه ( ص )
( ص ) :: شايف ( س ) بطىء مش ممكن الكسل اللى بتحرك بيه كان لازم يخلص الجسر كله مش نصه ..... يبقى لازم وقفه جامده مع ( س ) لانه مقصر
( س ) :: أتصدم معقول بعد كل الجهد والتعب أكون مقصر أكون أنا سبب فشل الصداقه والحب .... ( س ) قرر يبذل مجهود أكتر ويلتمس الاعذار لحبيبه ( ص )
ولسان حاله يقول معلش تلاقيه كان تعبان من الشغل او عنده مشكله علشان كدا مهتمش بمحبتى أنا هقرب منه أكتر أصل مفيش بينا فرق.............. هاخد من موادى الخام اللى فاضله هاخد حديد وقتى وهاخد اسمنت اهتمامى
( ص ) :: أيوه كدا اهو ابتدى يشتغل أصله مش بيجى الا بالعين الحمرا
بس مشكله جسر التواصل ان محدش يقدر يحفر الاساس او يبنى العمدان فى النصف التانى بتاع صاحبه بس ممكن انه يبنى الجسر نفسه من غير اساس ولا عمدان يعنى جسر نصفه على الهوا
نرجع لأصحابنا هنلاقى ( س ) كمل شغله وفضل ( ص ) يوجه ويدى أوامر
وجت اللحظه الحاسمه ( س ) الرائع وصل بالجسر لضفه ( ص )
الدنيا مش على اد فرحت ( س ) خلاص وصل لحبيبه ( ص ) ونسى كل دمعه حزن او ألم اعترضت طريقه
بس فجأه ........................................... الجسر أنهار تعب السنين راح
الجسر كان اتحمل اقصى وزن ممكن يتحمله جسر نصفه من غير اساس
بس
( س ) :: ابتدى يغرق وهو على شاطىء ضفه ( ص ) يعنى مش فى مكانه .... المسكين مفروض عليه يرجع لمكانه ويبتدى يشيل الانقاض والهدد اللى عكر ميه مشاعره الميه اللى بيعيش بيها ....
( ص ) :: أخيرا حس بمحبه (س ) أخيرا شاف مجهود (س ) اللى كان بيحاول يسعده ديما بس هو فين (س ) :smilie (143):
ابتدى يصرخ ............ فينك يا (س ) انت فين انا مقدرش اعيش من غيرك انا شفتك وانت بتقع من فوق الجسر وشفت حجاره الجسر وهى نازله عليك ........ بس سامحنى مقدرتش اساعدك انا متعودتش امد ايدى بالحب انا مقدرش اقول انا جرحتك
وفى قسم العظام المشهمه والجراح العميقه كان نايم ( س ) بكل ألم
وفى قسم الحالات النفسيه لقينا ( ص ) ورأى الاطباء بيقول انه بيعانى من تأنيب ضمير حاد بيحاول يداريه بالكبرياء
*********************
خلص التشبيه العجيب وجينا للجد ::
كل واحد فينا ممكن يبقى ( س ) او (ص ) فى كل علاقه بيعيشها بس الكارثه انهم الاتنين غلط
( ص ) ...... غلط بتسلطه وعدم تقديره لأمكانيات وقدرات ( س) وحبه لذاته وعدم تضحيته غلط لما رفض أنه يتغير وطلب كل أن كل التغيير يبقى من عند ( س ):smilie (121):
( س ) ...... غلط بسلبيته وضعفه غلط لما استمر فى علاقه مبنيه على التضحيه من غير اى مقابل او تقدير معنوي غلط لما استمر وهو مضغوط عليه من غير ما يعبر عن غضبه او يعمل وقفه مع ( ص )
والحل سواء كنت ( س ) او ( ص ) .............. أعمل وقفه مع نفسك وشوف نفسك صح وبعدين شوف اذا كنت محتاج تواجه الطرف التانى او تعتذر ليه
بس لو سكت مصيرك يا اما قسم العظام والجروح العميقه او قسم الامراض النفسيه
* أي علاقه بين أتنين علشان تنجح لازم الاتنين يتغيروا علشان يوصلوا لأرض مشتركه مينفعش واحد بس هو اللي يتغير في اسلوبه او افكاره او قنعاته والتاني يفضل زي ما هو
ـــــــــــــــــــــــــ ـــــــــــــــــــــــــ ـــ
بعتذر لأن الموضوع قديم وانا نزلته في منتدى تاني

[anastasia]

فيريييينا حبيبتي شكرا كتير على الموضوع

من أصعب الأحاسيس اللي ممكن نمر فيها انو نضحي لشخص مو حاسس بوجودنا أصلا

بعتقد انو كل شخص هو (س) و (ص) بنفس الوقت لأنو كتير منركض ورا عالم ما بيحبونا ونحن مننسى عالم بيحبونا ..

مشكورة مرة تانية ودايما ضلي عم تنورينا
صلواتك

[فيرينا]

بعتقد انو كل شخص هو (س) و (ص) بنفس الوقت لأنو كتير منركض ورا عالم ما بيحبونا ونحن مننسى عالم بيحبونا ..

للأسف كلامك صح

بس المشكله الاكبر لما نخسر ناس احنا بنحبهم وهما كمان بيحبونا هي دي الكارثه الحقيقيه

اللي خلاني افتكر الموضوع دا انه لسه خطوبه اتفكت لنفس السبب الخطيب عايز العروسه تتغير وهو ميتغيرش لانه صح ولما الخطوبه اتفكت فضل يبكي بالدموع في شغله وهي كمان زعلت جامد ............. ربنا معاهم .............. بس الكارثه الشاب دا بيفكر دلوقت يرتبط بعروسه جديده وسبب اختياره انها هتكون بتسمع الكلام في كل حاجه ........................... وعجبي مصمم يبقى ص

الشكر كله اللك يا عيوني

ربنا يبارك حياتك

[Salwa]

طريقة طرحك للموضوع كتير حلوة وكتير سلسة.

بس أنا عندي تعليق على النتيجة أو التحليل.

الأمر الطبيعي بالعلاقات الإنسانية إنو كل طرف يقدم تضحيات وتنازلات من أجل انجاح العلاقة واستمراريتها, بس بالعالم في كتير خروقات للمثاليات, والقصة هي مَثل على هذا الواقع.

لا أعتقد أن (س) كان على خطأ عندما كان المبادر والمُضحي الأوحد. إذ أننا كمسيحيين أكثر من يعرف أهمية التضحية. فالرب يسوع ضحى بحياته من أجل العالم بأسره, ولم يميّز بين شخص وآخر بالرغم من سابق علمه بأن ليس الجميع سيقبل عمله. وبالتحديد, فقد أيقن (ص) في النهاية أن (س) يحبه, حتى لو كان متأخراً. فأن يأتي متأخراً خير من ألا يأتي.

[Georgette Serhan]

للاسف ياسلوى مش عا طول بتكون التضحية مفيدة
في كتير ناس ما بيفهموا شو يعني تضحية واغلب الاوقات اللي ضحى عا طول بيدفع التمن
لانو اليوم عصر المادة لا الروح ولا القيم عاد الن محل
اهم من كل اللي انقال هوي انعدام الروح والمحبة الالهية بين البشر
لانو كل واحد عم بفكر بس بنفسو هوي وما عم بفكر بغيرو وما عاد في شي بيحكم الانسانية اليوم الا الانانية والغش

[Salwa]

أكيد أنا معك جورجيت بانعدام المحبة بين البشر, حتى إنو الرب أنبأ بالهشي لما قال: لكثرة الإثم تبرد محبة الكثيرين (مت24: 12).
وعيش المسيحية بالزمن الحالي صعب ومغامرة حقيقية، لأن ممكن الناس تعتبر المسيحي مش سوي عقلياً, بس لهيك كمان قلنا الرب: أنتم ملح العالم. يعني أد ما اتغير العالم واتبدل لازم القيم المسيحية ما تتبدل وتتأثر.

يا رب ارحم