سؤال... الإيمان بالقضاء و القدر

[George B]

الإيمان بالقضاء و القدر


سؤال... ارجو من الاخوة والاخوات الاحباء المشاركة في الموضوع وابداء ارأهم .

هل على المسيحي الايمان بالقضاء والقدر ولمذا ( نعم ام لا )

"اشهد عليكم اليوم السماء و الارض قد جعلت قدامك الحياة
و الموت البركة و اللعنة فاختر الحياة لكي تحيا انت و نسلك" (تث 30 : 19).

[Georgette Serhan]

http://www.orthodoxonline.org/forum/...AD%D9%8A%D8%A9

هون خيي جورج بتلاقي الجواب
صلواتك

[George B]

شكراً اخت Georgette لم اكن اعلم بان الموضوع قد طرح من قبل!!!
مع اني كنت افضل ان اسمع آراء و أفكار الاخوة عوضاً عن مقالة مقتبسة.... مع احترامي للجميع.

الوجود المسيحي مبني لا على القدر بل على الرجاء والإيمان بالعناية الإلهية .
إن التعابير الشائعة بشأن "القضاء والقدر"هي مفاهيم تتناقض مع النظرة المسيحية للوجود لأنها تنفي حرية الإنسان، تطفي الرجاء وتجعل الكون محكومًا من القدر الأعمى بدل أن يكون خليقة حرة ومحبوبة ترعاها العناية الإلهية.
وعليه مهما صعبت أمور العيش، ومهما ضاق الطريق فهناك دومًا فسحة للرجاء لأن الله "الخير الأعظم" هو حاضر دومًا حتى في أحلك الاوقات، وعليه، حتى في اشد الايام بؤساً "نستطيع التحاور مع العناية الإلهية، لأن العناية الإلهية هي الله".
وان قبول حالة مؤلمة كقضاء وقدر هو أمر خطير للغاية لأنه يقضي بشكل جذري على إمكانية الصلاة والرجاء بالله اللذين هما ركيزة علاقة الإنسان بالله".

[Georgette Serhan]

لا ابدا'' خيي جورج
القصه ابدا مش هروب وانا لما حطيت الرابط بس تاتاخذ فكره واكيد راح يصير في مناقشات بالموضوع
لانو ما خلص هيك
صلواتك

واكيد الي رجعة عالموضوع بس ما تهرب

[Maximos]

واكيد الي رجعة عالموضوع بس ما تهرب

حبيبنا جورج .. دير بالك .. ما تجي و إيدك فاضية .. خللي معك سلاح .. ترى باينتها ناويتلك

[George B]

اهلين اخي العزيز مكسيموس اشكر مرورك .
وارجو ان تعطينا رأيك ولو بأختصار شديد ( بالقضاء والقدر )
وبالنسبة للاخت الغالية جورجيت اقول ... ... انا حبوب ما بظن تكون قاسية علي كتير شووو رأيك .

[Maximos]

إذا بدك رأيي باختصار شديد .. هادا هوّي :

شو رأيك بهالاختصار ؟؟؟

أما باختصار أقل شدة بشويّ : موضوع القضاء و القدر مفهوم دخلنا - برأيي - عن طريق الاسلام .. اللـه عطانا الحرية إنو نتصرف ..

و إلا على أي أساس بتكون في دينونة ؟؟ ..

و مو معنى هالحكي إنو أللـه رمانا بهالعالم هيك .. عنايتو دايماً بتحيطنا .. و بدونها ما كنا أحيا أو موجودين ..

و بعدو بيصنع أحداث بحياتنا حتى نتعلم و نكون أفضل ..

[Georgette Serhan]

حبيبنا جورج .. دير بالك .. ما تجي و إيدك فاضية .. خللي معك سلاح .. ترى باينتها ناويتلك

انا لما قلت الي رجعه عالموضوع ما قصدت راجعه حارب خيي مكسيموس
انا قصدت نتناقش وكل واحد من الاخوة يحط رأيو مش يحط قنبلة

وبالنسبة للاخت الغالية جورجيت اقول ... ... انا حبوب ما بظن تكون قاسية علي كتير شووو رأيك

خيي جورج ما في شك ابدا انك حبوب بس نصيحة اذا بدك تضل ماشي ورا كلام مكسيموس
خبز يا معتر راح تاكل
مكسيموس بيرمي فتيشة والهريبة عنده تلتين المراجل
اما بالنسبة لموضوع القضاء والقدر
اذا آمنا فيهن منكون عم نلاقي مبرر لكل اغلاطنا يعني كل واحد فينا بىصير لما بيغلط بقول هيدا قضا)ءوقدر
وبيعفي حالو من العقاب
ربنا خلقنقا احرار نختار طريقنا اذا اخترنا طريق كانت نتيجتو منيحة منقول نحن اخترنا صح واذا اخترنا طريق غلط وندمنا منرمي الغلط عالقضاء والقدر تا نهرب من الخطية
كرمال هيك المسيحية ما بتآمن بالقضاء والقدر لانا اساس مسيحيتنا هوي انو نحاسب حالنا كل يوم قبل ما ننام
ونصحح كل اغلاطنا والاهم نتحمل ،سؤوليتها وما نرميها عآلاقدار
واكيد بخلال المناقشات اللي راح تصير راح ارجع وشارك
بس لهيداك الوقت بنصحك ما تشوف مكسيموس لانو ممكن يخربطلك كل مشاريعك
صلواتك

[George B]

اخوتي في المسيح Maximos و Georgette اشكر مشاركتكم واقدر رأيكم عالياً .

عندما كتبت هذا الموضوع كنت قد مللت سماع تلك الاسطوانة ( قسمته,المكتوب على الجبين ستراه العين,هيك مقدر له,و و و الخ )
وهذه التعابير والكلمات يستخدمها الكثير من المسيحيين وكأنها عقيدة من ديانتنا .....لهذا اردت ان نتكلم عن موضوع القدر,
وانا اعلم جيداً انكم تجيدون الاجابة ومن اجابتكم سيتعلم كثيرون مِن مَن لا يعرفون.

صلواتكم .

[تريزيا]

موضوع جميل
هذه الكلمات تستخدم بشكل كبير