طريقة دفن الميت

[John of the Ladder]

سلام لكم آبائي، إخوتي وأخواتي

أريد أن أسأل: هل هناك في التقليد المسيحي الأرثوذكسي طريقة محددة لدفن الميت؟ اليوم نضع الميت في تابوت (صندوق خشبي)، والبعض يضعه في ما يسمى عندنا في فلسطين بالـ "فستقيات" (لا أعرف كيف تكتب أو إذا كان لها معنى)، وهي عبارة عن مجموعة من القبور في بناية واحدة وكلها فوق الأرض، مثل ثلاجات الموتى في المستشفيات، ولكن من الحجارة، وتخص عائلة واحدة، أو فخد من عائلة. هل هذه الممارسات صحيحة تقليدياً؟

صلواتكم

[Mayda]

والبعض يضعه في ما يسمى عندنا في فلسطين بالـ "فستقيات" (لا أعرف كيف تكتب أو إذا كان لها معنى)، وهي عبارة عن مجموعة من القبور في بناية واحدة وكلها فوق الأرض، مثل ثلاجات الموتى في المستشفيات، ولكن من الحجارة، وتخص عائلة واحدة، أو فخد من عائلة. هل هذه الممارسات صحيحة تقليدياً؟

أخونا الحبيب يوحنا... بعتقد انت بتقصد هالصورة بالملف المرفق....

صلواتك




DSC09552.JPG

[John of the Ladder]

أشكرك أخت مايدا على الصورة، هذه بالضبط هي الـ "فستقية".

[اوريجانوس المصري]

اعتقد ان هذه الصورة نفس طريقه دفن الراهبان

اعتقد لا يوجد طريقه معينه للدفن بل كل كنيسة وحسب تقليد شعبها

[Maximos]

هون عنا اللي متداول طريقة ( الخشخاشة ) .. متل غرفة بينحط فيها التابوت و مدخلها باب زغير .. و بعتقد اغلبها عم يكون نصو تحت الأرض ..

بإحدى المرات قللي أبي إنو من قديم ما كان هيك ..

كانوا يحفرو جورة ( حفرة ) و ينوضع فيها الميت .. و يكون من تحت تراب .. و من أحراف الحفرة حجارة مبنية و من فوق الميت يوضعو صخور مسطحة ( يعني متل سقف ) و من فوق هالصخور يردموا التراب ..

[Mayda]

هون عنا اللي متداول طريقة ( الخشخاشة ) .. متل غرفة بينحط فيها التابوت و مدخلها باب زغير .. و بعتقد اغلبها عم يكون نصو تحت الأرض ..

أنا بعرف انو الخشخاشة هي للولاد الصغار

[Maximos]

أنا بعرف انو الخشخاشة هي للولاد الصغار

إي .. كل واحد إلو خشخاشتو .. هههههههههه

[Mayda]

أخونا يوحنا... حاولت ابحبشلك بالكتب اللي عندي عن سؤالك وما طلع معي غير التالي:

اعتادت الكنيسة أن تدفن الموتى وقد فعلت هذا إتباعاً للعادة العبرانية التي كانت تكّرم جثمان الميت بالدفن. ويسوع نفسه بعد صلبه دُفن، وهكذا نحن بعد موتنا. فالإنسان من التراب وإلى التراب يعود (تكو 3: 19)

إن عادة دفن جثمان المسيحي هي تعبير عن إيمان الكنيسة بأن الجسد نفسه مخلوق على صورة الله، وهو هيكل للروح القدس ومسكن له منذ معمودية المسيحي ومسحه بالميرون المقدس، واشتراكه بالقربان الإلهي. لهذا تكرم الكنيسة رفات القديسين المسيحين وذخائرهم. (د. عدنان طرابلسي).

هلأ بعرف انو الكلام المكتوب فوق بيحكي عن أهيمة وأصل الدفن مو طريقته.... بس إذا بتلاحظ الآية "فالإنسان من التراب وإلى التراب يعود (تكو 3: 19)" فهي بتعني انو يندفن تحت التراب... بس كمان بنفس الوقت، المسيح دُفن في قبر وسُكر عليه بحجر! يعني متل "الفستقية" فعلى الأغلب الطريقتين صح...

صلواتكم

[John of the Ladder]

...
هلأ بعرف انو الكلام المكتوب فوق بيحكي عن أهيمة وأصل الدفن مو طريقته.... بس إذا بتلاحظ الآية "فالإنسان من التراب وإلى التراب يعود (تكو 3: 19)" فهي بتعني انو يندفن تحت التراب... بس كمان بنفس الوقت، المسيح دُفن في قبر وسُكر عليه بحجر! يعني متل "الفستقية" فعلى الأغلب الطريقتين صح...

هذا الكلام الذي كنت أفكر فيه، ولكن أردت أن أعرف إذا كان هناك طريقة معينة مُفضلة في الدفن حسب التقليد المسيحي الأرثوذكسي. على كل حال أشكر جهودك.

صلوات أم الإله وجميع القديسين فلتكن معك

[Mayda]

إي .. كل واحد إلو خشخاشتو .. هههههههههه

هههه.... مكسيموووس... لك انا عنجد عم احكي ما عم امزح....
مرة كنت بالضيعة وقالولي الخشخاشة هي للولاد الصغار يعني الخدّج أو ما تحت السنتين....
يعني بدل ما يعملولهم قبر لحالهم بيدفنوهم بالخشخاشة.... كلهم مع بعض...