معتقدات شامية بتجلط

[karen]

* اذا انكسرت كاسة بيقولوا: انكسر الشر (تقولوا الشر مخلوق من الزجاج)
* مراششة الميه فراق (ما بصير حدا يرش رفيقو بالمي لان بعدين بيتفرقوا اي شو عم يرشه بزيت كاز )

*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل (واذا طنوا مع بعض معناتها طرشت عليك العوض)
* اذا رفت عيني اليمين بيكون جاينا خبر طريف
*اذا رفت عيني الشمال بيكون جاينا خبر مو منيح

(اما اذا رفوا سوى فأنت اكيد احول)

* اذا حكني حاجبي معناها بدنا نستقبل حدا جاي من السفر

*إذا حكني كفي اليمين معناها بدي أقبض مصاري

*و إذا حكني كفي اليسار معناها بدي أدفع مصاري

* و كمان إذا حدا صبلك شاي او قهوة وملى الفنجان كتير

بكون قلبوه مليان منك واذا صبها ناقصة هدا دليل على انو هالشخص ناقص

*والي بيعدّ النجوم بيطلعلو تالولات بايدو (بس اذا حسن يحصيهم ما بيطلع شي)

[Mayda]

*والي بيعدّ النجوم بيطلعلو تالولات بايدو (بس اذا حسن يحصيهم ما بيطلع شي)

ذكرتيني بـ ستي الله يرحمها

صلواتك

[Maximos]

يسلموووو كارين .. .. معك حق .. شي بيجلط s-ool-342 ههههه

*إذا حكني كفي اليمين معناها بدي أقبض مصاري
*و إذا حكني كفي اليسار معناها بدي أدفع مصاري

و إذا التنتين سوا بيكون جرباااااااااان

[Nahla Nicolas]

من احنا صغار وهل معتقدات منسمعها

بس معتقدات بتموووت ضحك جد

[Paraskivy]

و إذا التنتين سوا بيكون جرباااااااااان

مكسيموس هي عجبتني كتير الله يضحكك ضحكتني

[Georgette Serhan]

واذا انكبت القهوة بقولوا خير
مع انو في مثل بقول
كبوا القهوة من عماهن وقالوا الخير اجاهن
وكمان اذا حكك كعب اجرك بدك تروح على عزا

*إذا حكني كفي اليمين معناها بدي أقبض مصاري

*و إذا حكني كفي اليسار معناها بدي أدفع مصاري

انا بسمع اذا حكك كفك اليمين بكون بدك تسلمي عا حدا
او بدك تدفعي مصاري
واذا حكك كف الشمال بكون بدك تقبضي


s-ool-306s-ool-306

حلوين كارن