لقيت قدامي راجل ملو الهدوم
طول بعرض..علي جببينه بياض
يمكن ناصري دي شيمتهم و ده الجمال
أصل دول معروفين يغوا البنات
ده ناصري بصتله و بصيت ع الهدوم
رد الغريب وقال أعيشلي ليله من غير هموم
وأشمعنه انا ....قالوا انك ف الحسن مالك زي
يا جوهرة و عسل شفايفك يغمي نور القمر
دخل الراجل و فتحتله الباب ...علي الآخر
اصلي انا مطلوبة من كل البشر
حية تتلوي بكل باب في الليل الجميل
و في النهار البد في جحري ما يبانلي اثر
ده غني والمال نهر جاري بين ايديه
اجتمع الكل تحت رجلي و الأمر أمري والشورة شورتي
والخلق تجري تتمني بس نظرة
و النشوة شهد مكرر.....و الفضيلة ده شيء رهيب من بيتنا يهرب
رجعنا ابليس لحالنا الأول زي آدم في الجنة ويا حوا
كنا عرايا من الهدوم ومن الفضيلة
مات الضمير لأجل ما يصحي الحب
وفجأة خبط الباب مرة تانية وسمعت دق
و صوت غليظ رمي في قلبي الرعب
احنا يهود ...أرجموهم زي ما قال موسي
لأ احرقوهم..و اقفلوا دار البغا وادفنوا فيها الأنوثة
قام الشاب ولبس هدومه في لمح البصر
فتح الشباك ونط..و اختفي ما عرفت أشوفه من سرعته
اصله زبون قديم...لكن من بره هو عظيم
جروني علي الأرض بعد الضرب و البهدلة
فخ محكوم حنوديها للي اسمه يسوع
عاملي نبي...وبيشتمنا احنا اللي
و صرخت لأ ايش حيفرق هو عن اليهود ده نبي
نفس الغرة ونفس البياض الناصري
يا قلبي لا تحزن من ناصري لناصري
خاطي زي الأول أو زي التاني نبي
وقف الركب...و اتقدم الكريم ابن الكريم
يا معلم أمسكناها في ذات الفعل
حسيت بالسلام واختفت من لهجته كل الشجون
رده كان عجيب "وايه المطلوب"
رغم الدهشة علي كل الوجوه من كلمته
"موسي قال دي تترجم..وانت ايش فيها تقول"
سكت شوية..وعيني عليه كانت رايحة وجاية
يبصلي اترعب.......لكن نظراته مليانه حب
بصلهم ...وركع الأرض وابتدا يكتب بايده
وقفت الكتابة ووياها وقفت ايديه
قالهم جملة ظلت في ودني ترن
اللي عايش من غير خطية مستعبداه
يمسك حجر يرميها بيه وانا وراه امسك حجر
منظر عجيب...هبت نسايم وانحنت قدام الناصري اغصان الشجر
وسمعت اصوات الحجارة وهي علي الأرض نازلة
و كل واحد بيجر ديل خيبته وفضيحته اللي فاحت
و لقيت نفسي وحدي ويا الناصري
معرفتش انه رب الشريعة ورب موسي واليهود
اله رحوم اله غفور اله ودود
شفتك عريانة وعورتك مرتع لأنياب الديابة
فغطيتك ونضفتك...وا خدتك ليا خطيبة
"فين اللي دانوكي اما دانك احد"
قلتله والدمع من عيني يسيل
"لأ يا سيد...وازاي اردلك الجميل"
أنا مش حدينك اذهبي لا تخطئي
و ان دقت الخطية علي بابك منها اهربي
قلي دلوقتي انتي نقية يا عروس
و كلمته كانت هي حكم البراءة
قمت اتنفضت و دبت في قلبي الجراءة
كانت آخر كلمات الوداع ...و الدمع نازل
تعزف لحنها كل ما اغني الحكاية علي الربابة
و فضل حبيبي اعيشله عمري في رضاه
بعد ما صرت بتول...بعد الزني ونهش الديابه
انضم لنا على فيسبوك
جديد المنتدى
تابعنا على تويتر
تابع أعمالنا على يوتيوب
تابعنا على جوجل بلاس
تابعنا على اينستغرام
تابعنا على لينكدين
تابعنا على بينتريست
تابعنا على سكريبد
تابعنا على سلايدشير
تابعنا على ساوند كلاود
تابعنا على تامبلر
حكم البراءة
رد مع اقتباس
رد: حكم البراءة
المفضلات