الغاز كتييييييييير سهلة 000

[Alexius - The old account]

انتظروا الاجابات 000000

لسه بدي استنى لليل

[ibrahim]

حلو كتير
هيك الواحد صار بيقدر ياخود ساكورة و يطرق فاكورة ( مصطلح حلبي )
طيب معناها مننتقل للتانية
ماهو الشيء الذي يكون اخضر بالارض واسود في السوق واحمر في البيت
بعتقد هي سهلة و واضحة و هية الشاي

و اللي بعدها بعتقد تم الاجابة عليها
ماهو الشيء الذي كلما زاد نقص _ طبعاً العمر _

بالنسبة للشي الذي لا يمشي إلا بالضرب بعتقد حل من اتنين
أول واحد ما بدي أكتبه مشان ما نروح على بيت خالتنا
و التاني بعتقد هو المسمار

أخت خالتك و ليست خالتك ؟؟؟؟؟؟؟؟؟؟
يعني مين فيها غيرها طبعاً ست الحبايب


اللي بعدها كلي ثقوب و مع ذلك احفظ الماء بعتقد تم الاجابة عليها و هية الاسفنج

اللي بعدها ماهو الشيء الذي يقرصك ولا تراه طبعاً ما حدا رح يعرفه غير العزابي أمثالي أمثالي لك يلعن ابو الجوع

اللي بعده سؤال رياضيات و بعد سيرة الاكل
منك لله يا مريم
جوعتينا و بديك يانا نفكر
حرام عليكي

ماهو الرقم الذي اذا ضرب بالرقم الذي يليه كان حاصل الضرب يساوي ناتج جمعهما زائد احد عشر
بعد ما رحت أكلت و شربت كاسة من الشيء اللي بيكون اخضر بالارض واسود في السوق واحمر في البيت طلع مع الجواب هو رقم ( 54 )

بالنسبة للي بعدها
ماهو الشيء الذي لايتكلم واذا اكل صدق واذا جاع كذب
هي بدها قعدة رواق يا مريم يا ريت اتطولي بالك لبين ما يفتح مخي


بالنسبة لاخر وحدة
اذا كان سعيد على يمين سمير وجابر على يمين سعيد فمن يكون في الوسط أكيد رح يكون سعيد في الوسط ( بالنص )

بس عن جد بالنسبة الى ( ماهو الشيء الذي لايتكلم واذا اكل صدق واذا جاع كذب ) يا ريت تخليها شوي

و يالله جهزلي الجائزة
بيني و بينك انا جوعان و عزابي يعني طبخة من تحت ايديكي احلى جائزة بالنسبة الي

[maryam]

يالله 000
هانت هانت 00
رح اعرض الاجوبة هلى00
بس بدي صحح للخ الواثق من نفسوا كتيييييييييير (ماشاء الله ) ابراهيم 00
و قلوا انوا مافي هدية00
لانوا عندوا 3اخطاء 000


و هلى رح اعرض الاجوبة مشان تشوفوا اخطائكم و الاجوبة الصحيحة 000



و الاجوبة هنى :

1-يتسع لمئات الالوف ولا يتسع للطير المنتوف 000 الآلة الحسبة

2- ماهو الشيء الذي يكون اخضر بالارض واسود في السوق واحمر في البيت 00الشاي

3-ماهو الشيء الذي كلما زاد نقص 000العمر

4-ماهو الشيء الذي لايمشي الا بالضرب 00 المسمار

5-اخت خالك وليست خالتك من تكون 000 الماما (ست الحبايب)

6-كلي ثقوب ومع ذلك احفظ الماء فمن اكون 000 الاسفنج

7-ماهو الشيء الذي يقرصك ولا تراه 000 البرد

8-ماهو الرقم الذي اذا ضرب بالرقم الذي يليه كان حاصل الضرب يساوي ناتج جمعهما زائد احد عشر000 4

9-ماهو الشيء الذي لايتكلم واذا اكل صدق واذا جاع كذب 000 الساعة

10-اذا كان سعيد على يمين سمير وجابر على يمين سعيد فمن يكون في الوسط000 سعيد







و بشكر كل مين حاول يحل هل الالغاز 00
و انشاء الله انتظرونا بالغاز جديدة 00







تحياتي :
maryam

[Alexius - The old account]

و انشاء الله انتظرونا بالغاز جديدة 00

ما في تسريب للأجوبة؟؟

يعني هدول ويادوب عرفت تلاتة بقى ما تصعبيهم اكتر شو راح يصير
خلص ابقى سربي الأجوبة بس الي

[maryam]

ههههههههههههههههه

لا شو هالاسئلة مش لهدرجة صعبة 00
و انشاء الله الاغاز الجاي بتكون بنفس المتسوى و يمكن اسهل 00 شو عرفك 00
بس و لا يهمك ببقى برسلك كم جواب (كمساعدة صديق ) بس كم بتعطيني على هيك مساعدة ؟؟؟









تحياتي :
maryam

[ibrahim]

مريم طولي بالك الشغلة فيها أخد و عطا
بالنسبة الى 7-ماهو الشيء الذي يقرصك ولا تراه ( البرد ) بعتقد انه البرد يرى أثناء هبوب الرياح بس اذا كنتي شاطرة ورجيني الجوع

بالنسبة الى 8-ماهو الرقم الذي اذا ضرب بالرقم الذي يليه كان حاصل الضرب يساوي ناتج جمعهما زائد احد عشر 4
حقك علي فيها لأني كتبت (4و5) بس الواو سقطت سهواً يعني قصدي الرقم اربعة و خمسة هوة الرقم الذي يليه

اما بالنسبة للساعة فهي ما فهمتها عن جد و يا ريت توضحيها اكتر