اقتراح للقاء الثالث

**Bassilmahfoud** · 2010-07-07, 11:00 AM

كنت اتمنى ان يكون اللقاء في لبنان حتى نكون عادلين
مثلا في دير الحرف
يوم السبت صعب جدا لي شخصيا ان اشارك
متمنيا لكم كل التوفيق

**Gerasimos** · 2010-07-07, 02:24 PM

أنا بتمنى إذا فينا نراعي وضع إخوتنا في لبنان, ونحاول إذا مو قدرنا بهاللقاء الثاني إنو اللقاء الثالث يتم في لبنان
وبدير الحرف ببركة الأرشمندريت الجديد رئيس الدير
وبتوقع في كتيرين وأنا منهم لم يرزورا الدير من قبل

**Maximos** · 2010-07-07, 10:40 PM

أنا بتمنى إذا فينا نراعي وضع إخوتنا في لبنان, ونحاول إذا مو قدرنا بهاللقاء الثاني إنو اللقاء الثالث يتم في لبنان
وبدير الحرف ببركة الأرشمندريت الجديد رئيس الدير
وبتوقع في كتيرين وأنا منهم لم يرزورا الدير من قبل

Gerasimos

**Bassilmahfoud** · 2010-07-08, 08:47 AM

شكرا لك اخي جراسيموس فكرت بالاخوة في لبنان
اذا عندك واسطة ودعم عند الادارة حتى تتشفع بنا
لاجل يقام لقاءالاحبة في المنتدى بلبنان
شكرا لك وللادارة الكريمة

**Maximos** · 2010-07-08, 01:47 PM

باركوا .. أبونا الحبيب باسيل ..

اذا عندك واسطة ودعم عند الادارة حتى تتشفع بنا
لاجل يقام لقاءالاحبة في المنتدى بلبنان

له يا أبونا له ..
إذا نحنا إشراف و إدارة .. إنتو القيادة ..

فكرتك هيّ اللي طرحتها - قدسك - من وقت اللقاء الماضي بعدها ببالنا ..
و أنا ما نزلت الموضوع هون قبل ما إحكي مع حبيبنا ألكسيوس .. و حكينا إنو يكون في لقاء بلبنان لأخوتنا اللي عايشين بلبنان ..

بعدين لقيت فكرة حبيبنا جيراسيموس حلللللللللللوة .. خصوصاً أنا ( بالمرة اليتيمة اللي رحت رحلة على لبنان ) كانت على الطريق الساحلي و ما كان فيها لا حماطورة و لا مار جرجس - الحرف و لا مار مخايل .. الخ

فا .. ما تهكل هم - أبونا الحبيب - كلامكم بالبال ..

صلواتك

**Alexius - The old account** · 2010-07-08, 02:13 PM

اذا رح تعملوا لقاء بلبنان، فياريت يكون مخيم.
واذا في حدا عندو سبونسر يدعم المخيم بحيث مايتكلف الاخوة مصاريف، الموقع مستعد يحط اعلان ترويجي للسبونسر في المنتدى والموقع.
عن كل شخص بيشارك بينحط اعلان لمدة عشرة ايام.
اذا شارك 10 أشخاص يعني مية يوم، اذا 20 يعني 200 يوم، اذا 30 يعني 300 يوم... إلخ
لكن مكان الاعلان تحدده ادارة الموقع، وبالنسبة للمساحة فهي المساحة القياسية المعروفة في كل مكان.
واذا كانوا أكتر من سبونسر فرح يتم التعامل معون على انو سبونسر واحد وترويج لأكثر من منتج. بمعنى سيعامل كل سبونسر وكأنه وحيداً. ولكن حينها سيأخذ المكان الأفضل صاحب الدعم الأكبر.
تصميم الإعلان سيكون عليه.
وشروط الاعلان والسبونسر ألا يكون مخالفاً للإيمان ولا للفضائل الأرثوذكسية.
بقى اذا في حدا عندو سبونسر ياريت يخبرنا..
صلواتكم

**Bassilmahfoud** · 2010-07-08, 03:10 PM

شكرا لك اخي مكسيموس الكبير والحبيب على محبتك ولطفك
ابدا ما في مشكلة
اهلا وسهلا بالاحبة
انشالله نعمل برنامج جيد لهذا اللقاء
وبالاخص اذا حضر الاخوة الاحبة في الاغتراب
الى هذه اللقاء المنتظر
لك كل التقدير والمحبة والشكر اخي مكسيموس(الكبير)

**Gerasimos** · 2010-09-03, 02:16 PM

شو صار
ما تحدد وقت للقاء الثالث ولا شو ووووووووووووووووووووو

**ميلاد شحادة** · 2010-09-03, 05:34 PM

أنا جاهز حتى لو كان اللقاء بالمريخ دراسة ومافي وشغل وراح اترك هههه
عنجد أنا جاهز

**سامي بغدان** · 2010-09-06, 04:01 PM

وأنا كمان جاهز ومتمني أني أجتمع معكم وشوف كل الأخوة اللي بالمنتدى
بس ياريت يكون اللقاء بهذا الشهر (يعني قبل ما تبدأ الجامعات)

صلواتكم.....

الأعضاء الذين تم إشعارهم

الموضوع: اقتراح للقاء الثالث

أدوات الموضوع

عرض