سؤال حول القانون الرسولي التاسع ؟

**ثائر يوسف** · 2011-02-26, 05:51 AM

أخوتي الاحباء ..سلام الرب مع جميعكم.

لدي سؤال لو سمحتوا.
ينص القانون الرسول التاسع على مايلي:

" كل مؤمن يغادر الكنيسة ولا يبقَ حتى نهاية الخدمة يسبّب اضطراباً في الكنيسة ويستوجب الفصل من جسمها " .

ما هو المقصود بكلمة خدمة ؟ هل المقصود خدمة تقديم الذبيحة بعد عبارة "الابواب الابواب" وحتى نهاية القداس الالهي؟
ام المقصود فيها خدمة القداس الألهي؟

خطر على بالي هذا السؤال لأني أشاهد الكثير من الاخوة يغادرون الكنيسة بمجرد ان يتناولو؟ فهل هذا القانون يلزم الجميع بالبقاء في الكنيسة حتى نهاية القداس الإلهي؟

وشكراً

**Maximos** · 2011-02-26, 11:16 AM

بالحالتين المقصود إنو ما حدا يطلع قبل نهاية القداس

و القديس يوحنا الذهبي الفم بيشبه اللفي بيعمل هيك بيهوذا الإسخريوطي اللي ترك المسيح قبل الآخر ..

ممكن الواحد لما يكون مضطر ياخد بركة من الكاهن و يخرج ..

* - - - * - - - *

هون في نقطتين مهمين :

إذا بدنا نطبق كل القوانين الكنسية .. ما بيبقى كم واحد بالكنيسة و بتفصل الباقين
عم يتم تخفيف التطبيق لحدود قليلة لنحافظ على الأشخاص قدر الإمكان ..

و النقطة التانية المهمة : نحنا لازم نوعى لهالأمور .. و نحاول نشد حالنا ..
بس الأهم إنو إذا حبيت تنبه حدا بتعرفو لهالموضوع إنو يتم الأمر بتأني ..
لأنو مو كل الأشخاص بتتقبّل ..
بيجوز تصير نظرتو إنك واحد متعصب و إنو هوّي مو لازم يسمع منك ..

**Zoukaa** · 2011-02-26, 09:45 PM

شكراً أخ مكسيموس على التوضيح
وكمان يالي بيغادر الكنيسة قبل الختم بيسبب اضطراب للأخوة الآخرين وبيحول النظر إليه وبيقطع الصلاة والتركيز وممكن الآخرين يقتدوا فيه. حتى الحركة في الكنيسة خلال الخدمة والتنقل من مكان لآخر ممنوعة لنفس السبب.
خدمة القداس الإلهي (ابتداءً من خدمة السحر) يشكل وحدة لا يجب عدم حضور جزء منها وعدم حضور الآخر، حضور الخدمة من الأول بيحضر الإنسان للمشاركة بالأسرار المقدسة ولازم يبقى بالكنيسة للختم ويُفضل أن تقرأ في الكنيسة صلاة الشكر أيضاً.
صلواتكم