أختنا الغالية asma ضيفة كرسي الاعتراف

[Elias]

بما أنو أخونا ارميا لساتو عمما يفكر مين بدو يحط اسم عالكرسي حبيت حط اسم انا من بعد اذنك خيي ارميا ونمشي بالاعترافات لبين ما يرجع لنشاطو

اي شو خيتي اسما شو شعورك اليوم انشالله انتعاش

خديلك شي كاسة شاي لبين مانحممي حالنا ونجهز شي كم سؤال يعجبوا خاطرك

أهلا وسهلا فيكي
بس بدك للحقيقة القعدة هون حلوي انا حبيتا وانشالله انت تحبيها كمان

الشغلة بدها قوة قلب وانت ما بينخاف عليكي خليكي متل ما بعرفك قوية

هيييي اسما اسما هيييي اسماااااا

[برباره]

سلام و محبة أسمى
اشتهيتلك القعدة ع الكرسي المريح اللي بيجهاز كونترول
حتى اذا تعبو اجريكي من القعدة تعليهم على راحتك
و هي أحلى كاسة شاي ضيافة اخونا الياس

و ضيافتي الك رح ابعتها مع اسئلتي انطريني

[asma]

بصراحه قعدة الكرسي اخي الياس كانت مفاجئه لا الي شوي
بس انشالله اكون قد هالقعده على الكرسي
وكون صريحه مع الكل بكل اجاباتي
بس خفوها عليه شوي مش تنزلو رش عليه بالاسئله
يعني حبه حبه
s-ool-318

[asma]

شعوري انتعاش على قولتك اخي الياس
شكلها القعده على الكرسي مريحه لحتى اللحظه هاي
بتشكر اختي برباره على الكرسي المريح عابو انه مريح هوه مريح بس اش راح يطلع منه ما بعرف اذا راح يضل مريح او لا

[Seham Haddad]

بس خفوها عليه شوي مش تنزلو رش عليه بالاسئله يعني حبه حبه

شو شو شو
وين هاي الكلمه يا اختي وباي قاموس ماشيه
s-ool-350
s-ool-335

[asma]

اها شكله والله الكل متحمضلي الله يسترني
s-ool-334

[Georgette Serhan]

بصراحه قعدة الكرسي اخي الياس كانت مفاجئه لا الي شوي

شكرا خينا الياس
ما بعرف اذا انت اتبعت القوانين لانو شايفة اختنا asma متفاجئة
بس هيدا مش ذنبكم لانو فعلا هالقسم مش عم ياخذ الاهتمام الكافي
بس للمره
الثانية اذا حدا حب يسمي اي شخص لازم يتصل فيه عبر رسالة ويسألو وياخذ موافقتو قبل ما يطرح اسمو
هيك ما منكون حطينا حدا تحت الامر الواقع لانو كل شخص وظروفه
شكرا الكم وasma انطريني عم حضرلك كم سؤال غير شكل يعني خلصي كل درسك او بقلك خذي فرصة من الجامعة لانو بس يبلشوا الشبابا والصبايا بالاسئلة ما راح تلاقي وقت للدرس

[Georgette Serhan]

استعنا عالشقا بالله
خبرينا عن اسمى باربع سطور
اليوم شو اللي بفرِّح اسمى ؟وشو اللي ببكيها؟
شو بتقولي لانسان شاب بس عم يطلب حسنة وما عم يشتغل مش لانو ما في شغل بس لانو هوي ما بدو وبفضل الاستجداء ؟
اذا مرت اسمى بطريق معين ولقيت ختيار عم يطلب لقمة خبز غير انو تلبيلو طلبو؟ هل تجرؤي على الاتصال باولادو ولومهم ؟ او عندك امكانية حل غير الاتصال باولادو؟
هل بتعتبري انو كنائسنا والقيمين عليها عم يلتفتو لهالحالات ؟ واذا لأ شو العمل ؟
اذا انسان شخص كتير قريب منو احتال عليه واخذلو حقو وما عندو الامكانيات انو يسترجعو بشو بتنصحيه؟ وقديش نسبة نجاح النصيحة ببلد القانون صاحب القوي؟
راح اكتفي بهالقدر اليوم وبعدين من بعد ما يسألوا الاخوة بشوف شو بعد في ناقص تا نتعرف عا شخصية اسما

[asma]

اما بعرف اذا انت اتبعت القوانين لانو شايفة اختنا asma متفاجئة

حبيبتي جورجيت اخونا الياس بعتلي رساله خاصه بس التقصير كان مني انا لانه ما فتحت المنتدى بيومها مشان هيك قعدت على الكرسي
وانا مو مزعوجه من قعدت الكرسي بس شوي تفاجئت فيها
وانا ناطر اسئلتكم وانشالله ربنا يقدرني جاوب عليها بكل صراحه

انطريني عم حضرلك كم سؤال غير شكل يعني خلصي كل درسك او بقلك خذي فرصة من الجامعة لانو بس يبلشوا الشبابا والصبايا بالاسئلة ما راح تلاقي وقت للدرس

على سيرت الدراسه متل ما بيقولو طلاقناها من زمان
s-ool-350

[Seham Haddad]

احا احا احا
ما بدي اكتر اسئله عليكي يا اختي
رح اريحك اكتيييييييير لانو الفرصه ما بتكون باستمرار
اولا
مين اكتر وحده من خواتك بتغلبك اكتير
ثانياً
ما هو اكتر شي بتنزعجي منه
ثالثاً
طموحك في الحياه ؟
رابعا
اكتر شي كنت تضايقي منه وانتي صغيره ولسا عم تضايقي منه