الإنجيليين هم ليسوا إنجيليين اطلاقاً !!

[ارميا]

نقبل الأيادي قدس أبونا...

وأنا شخصيا تعرضت للطرد من موقعين لهم من داخل سوريا وقاموا بشتمي باشنع الألفاظ بل ويكفي ما نالني منهم

طوباك اذا عايروك لأجل إيمانك.

إنهم مصممون على عدم الاقتناع برغم نقاشي معهم كان يقتصر على الكتاب المقدس

كلنا أبونا منحكي معهم من خلال الكتاب المقدس لكن شو تعمل ازا ما بدهم يفهموا, يعني مرة وحدة خمسينية بتحكيلي شرط أساسي على انه الروح حل عليك أنك تحكي بألسنة, وحتى اقرأ بأعمال الرسل كل شخص كان يتعمّد كان يحكي بألسنة (طبعاً ليس الكل فهناك أناس تعمدوا ولم يتكلموا بألسنة ولكن ليس موضوعنا) فقلت لها يعني انتي مؤمنة أنه جميع اللي تعمدوا حل عليهم الروح القدس وصاروا يحكوا بألسنة لأنه هيك الكتاب بحكي حكتلي مزبوط, فجاوبتها طيب ليش لا تؤمني بأنه بعد المعمودية يولد الإنسان من جديد ويحل عليه الروح القدس فقالت لأ مستحيل المعمودية ما الها قيمة شو شوية المي بدها تعمل احنا بدنا نخلص بشوية مَي !!!! تخيل بعد لحظة غيرت كل فكرها ! يعني ما عمري شفت متل هيك, الله بعين يا أبونا.

إنهم حاقدون على كل ما هو رسولي أو تقليد أو آباء ولا يتشدقون إلا بتفاسير ناشد حنا وكلفن وحاقدون على الأرثوذكس خصوصا .

مزبوط أبونا, دايماً بلاحظ أنه كتب تفاسيرهم اما لناشد حنا او لمتى هنري, فتفاسير هؤلاء بنظرهم أفضل من تفاسير القديس يوحنا الذهبي الفم, وشرح جون كالفن للسقوط والفداء هو أفضل من شرح القديس أثناسيوس !! وأما عن كرههم للأرثوذكس فحدث ولا حرج, حتى أني أذكر قسيس معمداني يدعى سمير قعوار وممكن يا أبونا تكون بتعرفه قال: الله يهدي الروم والأقباط ويعرفوا المسيح ويتركوهم من التهود لأنه حتى شكلهم مؤذي لأنهم يطلقون اللحى والخ من كلامه السيء ... ويتابع يجب على رجل الله أن يكون مقبول المنظر أمام الناس حتى يسمع له الآخرين وليس كهؤلاء, وما كان بعرف أني أرثوذكسي حتى وبخته بحسب الكلمة وانتهى الحوار بمشكلة كبيرة جداً !!

لكن في المقابل لن نستطيع ورغم أنوفنا أن نقر ونعترف بأساليبهم الفريدة في ايصال المعلومة التي يريدون وباستخدام المعريات المتادية فهم أقوياء ماديا ونحن مقصرون ولم نفي موضوعهم حقه والمشكلة الكبرى أن ضعاف النفوس كثيرون هذه الأيام وهم ينتشرون كالسرطان في جسم الكنيسة .

متفق معك 100% فهم أقوياء مادياً وتخيل كم مخيم ومخيم يقيمون سنوياً فالبنات في الجامعات بدعوا صاحباتهم و الشباب نفس الشي وبروحوا مخيم لـ4 او 5 ايام وبالنهاية برجع الولد يحكي بألسنة ومسلّم حياته للرببحسب تعريفهم وغير معترف بكنيسته الأصلية اطلاقاً لأنه أصلاً ما كان مؤمن وبيته مبني على تراب فمتى جاءت سيول ورياح الهرطقات جرفته معها. لكن بصراحة أبونا الكهنة عنّا كثير مقصرين كمان اتجاه الرعية, ومش راح تصدق لوين وصل مستوى تقصيرهم, يعني على سبيل المثال في احدى النساء اللي بعرفها كانت مخطرة وحتى ان الدكاتره قالوا لجوزها يعني خلص خدوها عندكم على البيت وان شاء الله تتحسن فجوزها اخذها وحكا مع كاهن ولن أذكر اسمه (بس أنت بتعرفه) وقال له هيك هيك مرتي فيا ريت تيجي تصليلها يا أبونا, لكن للأسف الكاهن جاوبه "يعني يا أبو فلان ازا كان الطب عجز أنّه يعملها شي فشو بده المسيح يعملها" !! تخيل أن هذه المرأة ضلوا المعمدانيين ثلاث أيام متواصلين يصلّولها ولما شفيت انضمت للكنيسة المعمدانية ولمدة خمس سنوات لكن نشكر الله أنه السنة الماضية بجهد جهيد رجعت للكنيسة الأرثوذكسية, والأمثلة يا قدس أبونا تطول وسأذكر مثالاً آخر, كانت هناك فتاة غير مسيحية تقرأ في الإنجيل وتعلّقت بشخص الرب يسوع, حتى أنها في الحلم رأته في المنام ممتلىء بالنور وقال لها أنا هو الطريق والحق الوحياة من يقبل إلي لا أخرجه خارجاً, ولما صحيت طلعت تدور على الكنائس فلقت الكنيسة الأرثوذكسية ودخلت عند أبونا (ازا بتحب أبونا بحكيلك على الخاص مين هو) فحكتله هيك هيك شفت فأرجوك احكيلي أبونا انا شو أعمل لأني مؤمنة أن المسيح مات عن خطاياي فاشرحلي الإيمان وشو أعمل عشان أكون مسيحية, فطبعاً كان جوابه إلها "روحي رَوحي اللّي ما اله خير بدينه ما اله خير بدين غيره ولا ترجعي لهون" !! يعني لمّا أقارن كلام هذا الكاهن او المفروض أنه كاهن مع كلام بولس الرسول اللي بحكي الويل لي إن كنت لا أبشّر فما بعرف شو أحكي. وهذه البنت راحت تبحث عن كنيسة أخرى فوصلت للكنيسة الإنجيلية لأنها قريبة جداً من الكنيسة الأرثوذكسية فتقابلت مع القسيس فأخذ يشرح لها الإيمان المسيحي وعمّدها وصارت من يومها عضوة في كنيسته. فبصراحة أبونا عنا كثير كهنة هم أنفسهم بحاجة إلى تبشير صدقني محتاجين تبشير لأنه من خلال الكلام معهم ما بتلاقي عندهم أي شيء يقدموه للناس مثل ماقال الرب لا يقدر أعمى أن يقود أعمى فإن كان قادة الكنيسة هو أنفسهم ضعاف فما الذي سيتبقى للشعب ؟!

إننا بحاجة لوقفة غيرة مقدسة كلنا يجب أن نقف إكليروسا وشعبا لمواجهتهم وتحصين أبنائنا بسور من الشريعة والتقليد والآباء وشكرا لطرح هذا الموضوع

آمين آمين آمين, يا ريت يكون تكثيف جهودنا في الأيام المقبلة على الرعية حتى ننقذ ما يمكن انقاذه ولك أبونا كل محبة وشكر لمشاركتك المباركة.

صلواتك