دينة وبنات ألأرض

[فيرينا]

" وخرجت دينة ابنه ليئه التي ولدتها ليعقوب لتنظر بنات الأرض . فرآها شكيم ابن حمور الحوي رئيس ألأرض وأخذها واضطجع معها وأذلها . وتعلقت نفسه بدينه ابنه ييعقوب و أحب الفتاه ولاطف الفتاه فكلم شكيم حمور أباه قائلا خذ لي هذه الصبيه زوجه . وسمع يعقوب أنه نجس دينة أبنته .وأما بنوه فكانوا مع مواشيه فى الحقل . فسكت يعقوب حتى جاءوا " ( تك 34 : 1 – 5 )

• أول غلطه عملتها دينة أنها خرجت من المحله المقدسه ... زي ما أحنا بنسيب الكنيسه ونخرج للعالم وبنخرج من الكنيسه علشان نشوف اولاد العالم يمكن نقول انهم مفرفشين وروشين وعايشين حياتهم يبقى ليه نسيبهم ونروح الكنيسه ونسمع كلام يجى على البطحه ( جرح فى الرأس ... للترجمه السوري ) اللى فى دماغنا

• أعتقد ان كلام دينة مع بنات الأرض مكنش كلام مقدس ولا حتى كلام عادي لسبب بسيط انهم بنات الأرض كل تفكيرهم ارضي كل اهتمامتهم ارضيه ونسيت ان

" لا تضلوا فان المعاشرات الرديه تفسد الأخلاق الجيده " ( 1 كو 15 : 33 )

بتخيل أن كل شخص في حياتنا هو رقم والرقم يا أما موجب يا أما سالب يعني يا أما هيمثل أضافه في حياتي او هينزع أمور حلوه من حياتي

أفتكرت بنتين كانوا أصحاب واحده كانت بعيد خالص عن ربنا والتانيه يعني بنت ربنا بس حياتها الروحيه مش ثابته المهم قرروا انهم يشجعوا بعض على التناول لحد كدا رائع واتفقوا انهم يوم الاجازه يتقابلوا ويحضروا القداس سوا .... بس المشكله انه فى الميعاد البنت البعيده عن ربنا مكنتش بتجي وتتصل بصاحبتها وتقولها استنينى متمشيش من غيرى والتانيه تفضل مستنيه واسبوع ورا اسبوع اكتشفت بنت ربنا انها بقت هى كمان مش بتتناول !!!!!!!!:smilie (121):

هى دى كارثه المعاشرات الرديئه انها بتسحب الشخص واحده واحده من غير ما ياخد باله انه بيبعد

طب هل الله بأمانته ممكن يسبنا نتورط فى صداقه سئيه او حاجه تضرنا ؟؟؟ ...اكيد لاء

ربنا بيوضح و بيكشف الشخصيات بس المهم فى اللي يسمع ويستجيب ........

• نرجع لدينة انسانه كل مرجعيتها الفكريه اصحاب مش كويسين معتقدش انها كانت بتسأل اهلها على امورها بأعتبار انها حياتها الشخصيه ومحدش ليه دعوه كل واحد حر !!!!!! وعجبى

يبقى النتيجه الطبيعيه الوقوع فى الغلط ومش أى غلط دا كارثه ...
دورت على معنى اسم شكيم ابن حمور ............... طلع ((( كتف أبن حمار ))) طب حتى خليه راس حمار هههه

• واحده فى مقام أميره من عائله مقدسه تحب وترتبط بكتف حمار !!!!!

ونسيت انه

" لا تكونوا تحت نير مع غير المؤمنين لانه اية خلطة للبر و الاثم و اية شركة للنور مع الظلمة " ( 2 كو 6 : 14 )

• والنتيجه انها اتزلت ومجتش سيرتها تاني فى الكتاب المقدس غير عند تحديد اولاد يعقوب

**بس كمان القصه فيها شويه أمور تانيه :::

1 - " وسمع يعقوب أنه نجس دينة أبنته . وأما بنوه فكانوا مع مواشيه في الحقل " ( تك 34 : 5 )

يعقوب معرفش غير متأخر كان فين ودينة بتخرج وتدخل مع أصحابها كان عارف بينته فين كان عارف بتعمل أيه وزي يعقوب برضوا أخواتها كل واحد مشغول بحياته وشغله ونجاحه ونسيوا أختهم وبنتهم

أنا مش قصدي انهم يعملوا عليها حصار علشان بنت لاء خالص مش هتفرق لو كان اللى مكان دينة ولد أنا قصدي ان كل فرد في العيله مسئول عن الباقين بمعنى

هل ليئه كانت بتعزم أصحاب بنتها على الغدا مثلا او تحاول تزورهم في بيتهم وتتعرف على أهلهم

وبرضوا أخواتها وابوها نفس القصه .... هل كانوا بيهتموا لما اصحاب بنتهم بيجوا البيت انهم يسمعوهم ويتكلموا معاهم انشاله كلمتين مجاملات بس يعرفوا البنات دول شكلهم ايه ؟؟؟

2 – " فأتى حمور وشكيم ابنه الى باب مدينتهما وكلما أهل مدينتهما قائلين .............................. , غير أنه بهذا فقط يواتينا القوم على السكن معنا لنصير شعبا واحدا . بختتنا كل ذكر كما هم مختونون , ألا تكون مواشيهم ومقتناهم وكل بهائمهم لنا . نواتيهم فقط فيسكنون معنا " ( تك 34 : 20 – 23 )

كمان اولاد العالم بيطمعوا فى اولاد الرب مش بس طمع في مقتنياتهم وثرواتهم مع انه طمع موجود لكنه الطمع الاساسي فى النفس الغاليه على المسيح فى النفس اللى ادفع فيها أغلى ثمن على الصليب

لو عندك الماظه غاليه جدا هل هتسمح انه حد يسرقها بسهوله هل هترميها فى الشارع لأي عابر سبيل يلاقيها وياخدها !!!!!

3 – " فحدث في اليوم الثالث اذ كانوا متوجعين أن ابني يعقوب شمعون ولاوي أخوي دينة أخذا كل واحد سيفه وأتيا على المدينه بأمن وقتلا كل ذكر , وقتلا حمور وشكيم ابنه بحد السيف . وأخذا دينة من بيت شكيم وخرجا " ( تك 34 : 25 _ 26 )

الحل اللى عمله شمعون ولاوي كان كارثه كان ممكن يتسبب فى هلاك اسرائيل من شعوب الارض .........

لكن لحد دلوقت فى ناس بتعمل نفس الحل دا يعني بيعالجوا كارثه بكارثه أكبر ........ أو بيعالجوا الامر بطريقه تانيه سيئه برضوا لما بيلاقوا ابنهم او بنتهم مرتبطين بعلاقه عاطفيه او غراميه مع شخص أممي أنهم بيسرعوا بأرتباط أخر يعنى يسعوا لزواج البنت او الولد بسرعه وطبعا فى طرف ثالث بيتغش مع انهم المفروض

" قلت ألأيام تتكلم وكثره السنين تظهر حكمه " ( أي 32 : 7 )

يعنى بنت عبده لمشاعر معينه لذئب غريب فجأه تلاقى نفسها بقت زوجه لشخص تانى وطبعا الذئب مش هيسيب الفريسه بسهوله هيفضل يحوم حواليها لحد ما تقع وساعتها نفضل ندور ونقول بنتنا أتخطفت !!!!!!!!!!!!!زعلان

هى فعلا بتتخطف بس مين المسئول ؟؟؟؟؟!!!!!!!!!!!!!!

أعتقد ان الحمكه بتقول ان اى بنت او ولد فى الظروف دى محتاج نهضه روحيه ومحتاج وقت كافى يضبط فيه مشاعره ويقدر يقف تانى على رجليه قبل ما يفكر بأرتباط تاني (( دا رأي والعلم عند الله ))

[Rawad]

الرب يباركك..........يا فيرينا

[فيرينا]

ربنا يبارك حياتك رواد ويستخدمك لمجد اسمه

[ibrahem30]

يجعك يسوع شمعه مضيء دائما داخل هذه الكنيسة الصغيرة

أخوكي بالرب الفادي يسوع المسيح يا فيرنا

إبراهيم إبن فلسطين

[Gaga]

شكراً لانارتنا
صلواتك

[odeh jubran]

شكرا لك كتير يا اختي فيرينا على هذه الكلمات المعبرة والمفيدة وربنا يبارك اعمالك .
اذكريني بصلواتك