أبو غسان.. دمه من دم المسيح.. الأب الروحي لجماعة أبناء النعمة

[paul11]

هل للصوفانية اتباع من رتب كهنوتية مختلفة في كرسينا الانطاكي ارجو ذكرهم

[Georgious The Great]

أخوي بول هذا سؤال رهيب! في انتظار الاجابة و أرجو ألا يوجد جواب بالايجاب....

[الأورثوذكسي السوري]

ان ذكر اسماء بعض من كهنتنا دون دليل قاطع على انتمائهم لهذه الجماعة يعتبر تشويه فظيع في سمعتهم، اذ اني على علاقة متينة بالأب يوسف ناصر المذكور أعلاه رئيس المكتب البطريركي الذي مازلت اعمل فيه منذ أكثر من سنة ولم يتبين لي ولا لمرة واحدة من أقوال الاب يوسف وكلامه التعليمي الكثير معي ومع غيري أثناء وجودي في المكتب عن أي تعليم هرطوقي أو غير أرثوذكسي، بل إن كلامه مقتبس في معظمه من شروحات عظات وأقوال القديس يوحنا الذهبي الفم المشهور بأرثوذكسيته، بالاضافة لمحبته وخضوعه الكامل للبطريرك ونجاحه في إدارة شؤون المكتب التي لم يكن لها مثيل منذ عقود، فيا أخي أليكسيوس وأخوتي في المنتدى هاتو الدليل القاطع لانتماء الآباء المذكورة اسماؤها لهذه الجماعة الهرطوقية، والأدلة تعني صور، فيديو، صوتيات، أو وثائق على اختلاف انواعها تثبت تورطهم .... ولاتنجروا وراء أقوال بعض الكهنة --(أخص بالذكر أخي ألكسيوس لأني قد أكون عرفت مصدر معلوماتك)-- التي لتستر عن فشلها الرعائي والكهنوتي تلجأ لقذف الكهنة الناجحين رعائياً بمثل هذه الأقوال والتشويهات، لتبعد عنها العيون والانتقادات؟؟!! وهذا هو ردي حتى يثبت العكس.

صلواتكم أخوتي في المسيح

[سلامه العابودي]

اخي الحبيب الارثوذكسي السوري
أنا لا أعتقد أن هنالك كاهنا يذهب الى اثارة مثل هذا الموضوع للتغطية على تقصير رعائي منه، لان المثل بيقول الى بيته من زجاج ما بيضرب حجارة، يعني ما ممكن واحد يقدر يجيب اسم شخص حتى لو كان غير اكليركي موجود بالقرب من غبطة البطريرك بإشاعة لانه وقتها بيكون كمن يسير نحو الهاوية بقدميه، هذا من ناحية ومن ناحية أخرى إذا الشخص اللي انذكر اسمه انه من جماعة ابو غسان وهو مدير المكتب البطريركي ليس له علاقة بهذه الجماعة يصدر كتاب او تصريح موثق يدين فيه هذه الجماعة وبالتالي يبرىء نفسه ويضع حد للي بيردد اسمه. هذا هو العمل الصحيح والخدمة الرعائية الصحيحة الانسان حينما يكون موجودا في مركز يجب ان يدافع عن المركز اللي هو فيه لانه إذا كان ذكر اسمه ضمن اسم الجماعة وما رفض هو هذه الجماعة يؤدي ذلك الى استمرار الكلام والشائعات والتي قد تصل الى صاحب الغبطة، فخير عمل لوقف الشائعات اذا انت معتقد انه هذا الشيء شائعات وأعمال مفتعلة من البعض هو قطع الطريق على هذه الشائعات. لان المهم هو الدفاع عن صحة الايمان وليس الدفاع عن الاشخاص.

يا رب ارحم

[الأورثوذكسي السوري]

بشكرك كتير اخي سلامة العابودي على اهتمامك بمداخلاتي ال3 يلي سجلتون من يومين بعد انقطاع طويل، بس بقي سؤالي دون جواب "هل من دليل واضح على تورط الكهنة التالية أسماءهم في هذه الجماعة؟؟؟" ذكرت بعض الأدلة مثل الوثائق مثلاً هل من دليل؟؟ وياريت الكاهن أو المصدر يلي عنده الجرأة يقول اسمه أو يحكي مع سيدنا البطريرك، يحكي بالوجه مو بالخلف، بس بالظاهر بيعرفوا الكهنة موقف سيدنا صاحب الغبطة من هل الاشاعات يلي بعرف أنو بيعرفها عن الكهنة يلي معينون كهنة ورعاة للمسيح، بس أنتوا قبل ما تشوهوا سمعتهون ما بتتأكدوا وبالأخص أنت يا أخي أليكسيوس، ما بتعرفوا أنو لح تدانوا بيوم الدينونة المرهوب أذا كان الحكي خطأ؟؟!!.

واذا بتحبوا بعطيكون فاكس سيدنا صاحب الغبطة أو فاكسات المطارنةلتراسلون لتتأكدوا من هل الشي.

بتمنى يكون الرد مو بس من الأخ سلامة العابودي (الرب يسوع يحميه)

صلواتكم جميعاً

[سلامه العابودي]

أخي الارثوذكسي السوري
سلام المسيح لك

بتمنى يكون الرد مو بس من الأخ سلامة العابودي (الرب يسوع يحميه)

أنا ما حبيت ارد من اول يوم وانتظرت اذا في حدا يرد قبلي لكن لم استطع الانتظار اكثر ارجو المسامحة

لا تأخذ الامور بهذا المنحى والتوجه نحو معاداة الاخر ومهاجمته على غيرته على بيت الرب. لماذا دائما نوجه سهام الحرب بدل توجيه رسائل السلام؟
يا أخي تحويل موضوع بهذه الخطورة الى موضوع تشتيت من بعض الكهنة لابعاد المسألة عنهم لتقصيرهم الرعائي كما يخيل لك هذا غير منطقي.
والرد الرعائي الصحيح على موضوع بمثل هذه الخطورة لا يتم الا من أصحاب الرعاية الاولى صاحب الغبطة و الاساقفة في المجمع المقدس بتبيان حقيقة هذه الجماعة بشكل علني وواضح لا لبس فيه.

[الأورثوذكسي السوري]

أخي سلامة أنا ما هاجتمك، وماقصدي اعلن الحرب ضدك، واذا غلطت بحقك سامحني أخي، بس من معرفتي للكهنة بجزم بمؤامرة محاكة ضدهون وهاد الشي كمان أخي مابينسكت عليه، وبين هاد الشي خصوصاً بعد ما جدد الأب بطرس اسبر كنيسة جرمانا صار أحد الكهنة يحكي عليه للرعية بلخلف وهاد الشي منقول إلي حرفياً، طيب ليش الأب (فلان) ماكان عم يحكي عليه وعلى الكهنة الباقين قبل تجديد الكنيسة؟؟؟؟؟!!!! وخصوصي صرلو الأب بطرس مستلم مهامو بكنيسة جرمانا من شهر آذار؟؟؟؟!!! يمكن مشان ما يطلع نقطة على السطر قدام يلي ساواه الكاهن الجديد.
وبالمناسبة أنا سمعت أنو صاحب الغبطة ببداية سيامة الكهنة التالية أسماؤهم كان أخد منهون تعهد بأنو يلغوا أي علاقة بجماعة أبو غسان إذا كانوا الهون أي علاقة فيها (يعني صاحب الغبطة بيعرف بأمر هل الجماعة) ومن بعدها ماعاد حدا بيقدر يثبت أنو الكهنة لسعتون من هل الجماعة، يالعكس سيرتون كتير حسنة وأخلاقون عالية ورعاة ممتازين (بشهادات الرعايا)، مشان هيك أخي سلامة، بتمنى يكون قبل ماتشوهوا بسمعة الكهنة تتأكدوا من مصدر المعلومات، وماترجعوا تجرحوا وتشوهوا بسمعة الكهنة، إذا كان فرضاً بالماضي أخطؤا، لاترجعوا تفتحوا أخطاء الماضي دون أدلة ملموسة، (أني غير متأكد من المعلومات دون وثائق).

صلواتك أخي سلامة وحابب أتعرف عليك أكتر أخي، وبتمنى دائماً تكون أول من يرد عليّ.

[Georgious The Great]

أخي الأورثوذكسي السوري: انا مستغرب لأنو الظاهر انك ما قرأت شو كتب احد الكهنة يلي تفاجىء بوجود اسم أحد الكهنة من أصدقائه. اتصل فيه و تبين انو الحكي مزبوط. يعني يا هل الكاهن عم يكذب يا اما..... فسرلي اياها اذا بتقدر؟

[الأورثوذكسي السوري]

شو بتقصد أخي (Georgious The Great) أنو أنا من جماعة أبو غسان؟؟؟ ولا أنا مخي سميك وعم أفهم غلط؟؟؟؟!!!
[align=center][/align]

إذا كنت بتقصد هيك ياريت تقولا ولا تخجل.

[الأورثوذكسي السوري]

مع أحترامي أخي لكل الكهنة، بس الكاهن يلي حكى تلفون مع أحد كهنة الجماعة كان الأفضل يقول اسم الكاهن يلي حكى معو؟؟؟!!!

طيب احسبها بالعقل معقول كاهن هرطوقي يقول عن حالو أنو هرطوقي؟؟؟؟!!!!!

أنا ماعم افهم؟؟؟؟؟؟؟؟

ومن كام كلمة كتبتون صرت من هل الجماعة ؟؟؟؟؟؟؟؟؟؟؟
شي حلو وصل البل لدقني


صلواتك أخي