سلام ونعمه :
اخوتى الاحباء انا هتكلم معاكم كمعلمين مرشدين قبل ان اتكلم معكم كاخوه .
مشكلتى بتتلخص انى فقدت الروح الارثوذكسيه تماما واتدمرت فيه محبتها على الرغم من نشوئى فى اسره محافظه فأنا مثلا كنت مواظب من صغرى على القداس والصوم والخدمه واهتممت اكثر بتثقيف نفسى وكنت شغوف جدا جدا وفوق مايتخيل اى احد منكم بالاهوت المقارن واصبحت اجد له ومتعه بقراءه تاريخ نشوء الطوائف والصراعات وتاريخ عقائدهم وكنت اسرع لاقتنى اى كتاب قيم ويضيف جديد لعقلى .
بس للاسف حصلت عندى مشكله متعبه هى انى اصبحت عاجز تماما عن الاختيار ...فعقلى وتفكيرى بروتستانتى ولكن اتجه دوما بمشاعرى للارثوذكسيه ومعجب جدا بالارساليات الكاثوليكيه ونشاطها الثقافى الضخم مثل انشاء المدارس وغيرها من المؤسسات الثقافيه واصبحت مشتت وبتاع كله وشويه اتعصب لده وحبه لده والعمليه بقت سلطه وده نتج عنه انى اصبحت فارغ تماما يعنى مجرد الهويه اللى هي من حق كل انسان انا فقدتها
وطبعا العائله والاقارب جزء منهم من النوع الهجين يعنى اب بروتستانتى او ام بروتستانتيه مع الأرثوذكسيه وكده وكنت مع ده شويه وده شويه
واخر مازهقت بقيت بقرأ الانجيل وبفسره بنفسى وده طبعا صعب وغلط الى ان وصلت لعدم قرائته خوفا من نفسى
من الاخر مخى باااااظ وتعبت اوى اوى
وكنت دايما بحاول اتكلم مع الخدام وللاسف مكنش فيه حد بيساعدنى لانهم ببساطه مش فاهمين حاجات كتير ....يعنى ماشيين بنظام احنا مبسوطين كده والباقى غلط ولازم تقبل ده وكان اللى بيتكلم فى الغالب حافظ كلمتين بيرددهم وخلاص
اعمل ايه ؟
لو سمحتو بلاش حلول زى صلى كتيييير وصوم كتيييير لانى جربت ده