** لــقــاء عــائــلــة الــمــنـتــدى **

[شيم]

يا الله شدو العزم للقاء اللي جايي..

حقا قام الرب

[Maximos]

صور على جبل السايح

[Maximos]

و طبعاً ما تنسو إنو الصور أكبر من الحجم اللي عم تشوفوه هون بالصفحة ..

يعني فيكم تضغطوا على كل وحدة .. أو الزر اليمين -----> عرض بصفحة أو تيب جديد ..

[Maximos]

صور من عند لما

[athnasi]

فعلاً كان لقاءً متميزاً ورائعاً بحضور الإخوة, واجتماعهم بنعمة الرب يسوع الذي أعطانا هذه البركة.

بالنسبة لي فقد شجعني الإخوة على العودة إلى المشاركة على صفحات المنتدى, و ها أنا ألبي دعوتهم الغالية.

لا أدري لماذا شعرنا جميعاً أننا نعرف بعضنا منذ زمن طويل, إلى درجة المَوْنة ورفع الكلفة, رغم أن بعضنا لم يكن يعرف وجه الآخر من قبل, إنها بركة كبيرة أن يجتمع الإخوة معاً , على المحبة والصلاة.

شعرنا أن المنتدى هو مسؤولية, لأنه كان وسيبقى صوت الشبيبة الأرثوذكسية الغيورة , والمتمسكة بالتقليد الأرثوذكسي المقدس, رغم كل ما يعصف بكرسينا الأنطاكي المحبوب من رياح تحاول اقتلاع الأرثوذكسية من القلوب .

استقلالية الموقع عن أي مرجعية هي أمر جوهري , لكنه متلازم مع الطاعة والتواضع.

نحن نميز تماماً الفرق الكبير الكائن بين الطاعة والخنوع.

سيبقى المنتدى صوت صارخٍ في البرية: أعدّوا طريق الرب, واجعلوا سُبَلََه مستقيمة.

نحن متحمسون جداً للقاء القادم, ونتمنى حضور أوسع للإخوة, نتمنى من كل من يستطيع الحضور ألا يتباطأ أبداً.

اتفقنا بشكل مبدأي أن يكون الموعد في أوائل شهر آب القادم, و قريباً سنحدد المكان والزمان بدقة , بعد التشاور مع الإخوة والآباء,

لكي يتسنى لأكبر عدد ممكن من الإخوة أن يرتبوا أمرهم للحضور.

شكراً لكل الإخوة الذين شاركوا بهذا اللقاء الجميل.

والشكر الأكبر لأبونا موسى, الذي كان أباً حقيقياً بمحبته .

وإلى اللقاء القادم, بمشيئة الرب الذي جمعنا على صفحات هذا المنتدى , ثم أعطانا نعمةً أكبر بأن نلتقي كإخوة حقيقيين.
طاناسي

[Georgious The Great]

يا شباب حمستونا كتير. بس بدنا نظبط الموضوع. نحن بحلب على قولة شخص بعيدين عن كل شي حتى عن الله. انشاء الله منقدر نظبط الطلعة القادمة. شو مشان الحوارات اللاهوتية. اذا كانت حامية بدها تخرب. عمكن اياد اجا و بدو يحرق الأخضر و كل الألوان

[Maximos]

ملاحظة مهمة

لسا لهللأ ما بلشنا بالنهفات و صور النهفات
لأنو النهفات كانت بالآخر عندي بالبيت

طيب .. أول شي بحب إشكر الرب على رجعة حبيبنا طاناسي للمشاركة .. نوّرت حكيم ..


رح تلاحظو إنو لهللأ ما حدا حكى الحكاية من طأطأ لـ باي باي ..

طيب .. وصلوا الأخوة على الحواش بحدود الساعة عشرة الصبح .. و قعدنا مع بعض .. و بعد فترة قليلة وصل أبونا الحبيب موسى ..

كان المخطط إنو نطلع ع المطرانية بعد الضهر .. بس أبونا إيليا انشغل فترة بعد الضهر .. مشان هيك طلعنا بحدود الساعة 12 ..

و لما رجعنا بحدود الساعة 2 الضهر وصل الغدا يللي كان ابونا موسى وصّا عليه بعد ماكان رفض أية محاولة إنو نحنا نجيب الغدا و اصر على كرم الضيافة ..

بعد الغدا و الاستراحة طلعنا على جبل السايح اللي هوّي أعلى قمة بالوادي .. و من هونيك مناظر كتييييييييييير حلوة ..

وقت الغروب نزلنا من الجبل على الحواش على كنيسة القديس يوحنا الذهبي الفم ( شفيع منتدانا ) و كانت صلاة الغروب مع الأبوين الحبيبين موسى و ديمتريوس ..

بعد الصلا نزلنا من جديد على كنيسة مار الياس ( اللي كانت قاعدة الانطلاق لكل المشاوير ) ..

و ما بين ما صارت الساعة 7 المسا كنت اضطريت استخد شوية ديمقراطية مشان نأجل نهاية اللقاء بمحطة عندي بالبيت .. و اتفقنا عالطلعة لعندي للساعة 9 المسا .. و هون بكل اسف كانت نهاية اللقاء اللي كان غااااااااااااية في الروعة ..

[Maximos]

صور من صلاة الغروب

[Maximos]

ابونا موسى بنهاية الصلا في الباب الملوكي




صورة جماعية ضمن الكنيسة




إيلي = silwan .. عم يسلم على اخونا المشترك فادي باظة اللي وافانا عالكنيسة




بعد الصلا .. صورة عامة بالكنيسة

[Maximos]

مريانا و سيرافيم..



على المائدة المقدسة .. صليب و انجيل البركة



أنا و عيلتي .. مع إطلالة رائعة من الكنيسة