اقتباس المشاركة الأصلية كتبت بواسطة شيم مشاهدة المشاركة
أخويّ العزيزين طاناسي ويوحنا السلمي إن كان ماقاله بولس الرسول هو سبب الزواج فقط فماذا قصد الله بقوله (انموا واكثروا واملأوا الأرض)؟
بكل بساطة .. لأنو أللـه بيعرف إنو مو الكل - و لا حتى قسم كبير - .. رح يختار الرهبنة ..

اقتباس المشاركة الأصلية كتبت بواسطة شيم مشاهدة المشاركة
هل من المعقول أن الكتاب المقدس يفضل العزوبية على الزواج وأن الزواج ليس إلا حماية من الزنى؟ ألا يقلل هذا من قيمة سر الزواج المقدس؟
العزوبية المطروحة بالانجيل هيي الرهبنة .. لأنو هدفها مانو الهروب من المسؤوليات .. بل التفرغ للرب :
ان بين الزوجة و العذراء فرقا غير المتزوجة تهتم في ما للرب لتكون مقدسة جسدا و روحا و اما المتزوجة فتهتم في ما للعالم كيف ترضي رجلها ( 1كو 7 : 34 )

و بإحدى المرات سألنا أبونا أثناسيوس عن موضوع العزوبية ( اختيار عدم الزواج بدون رهبنة ) .. و كان جوابو بما معناه :
ما عنا بالمسيحية شي إسمو عزوبية ( بمعنى إنو عزابي على طووول ) لأنو المسيحية محبة .. و لازم تعيش هالمحبة مع الآخر .. إما بالزواج مع الشريك .. أو بالرهبنة في إطار الأخوية الرهبانية ..

اقتباس المشاركة الأصلية كتبت بواسطة شيم مشاهدة المشاركة
لا يقبل عقلي أن يكون الزواج فقط بسبب الحماية من العلاقات المحرمة؟ فلماذا لدينا هذه الحاجات إذاً؟وهل هي معيبة؟
هادا مانو السبب الوحيد .. و لما الرسول بولس خصص هالسبب ما نفى يكون في غيرو .. بس هوّي خصص إنو اللي ما بيقدر يعيش بدون هالعلاقة و بالتالي ما بيقدر يحمل نير الرهبنة .. يحمل النير الخف اللي هوّي نير الزوجية ..
ملاحظة : الهيئة مو كتير أخف .. ههههههههههه .. بس ما حدا يخبر سوزي باكل قتلة .. هههههههه

اقتباس المشاركة الأصلية كتبت بواسطة شيم مشاهدة المشاركة
أعتقد بان بولس الرسول قال ما قاله وفقاً لوضع الرعية التي وجه إليها رسالته أو أنه مجرد رأي شخصي..
هيّ البدعة منتشرة بين بعض الأخوة ( و للأسف بعض الآباء كمان ) ..
عم ينغشّوا بحجة ( التحليل العلمي ) .. و هالحجة ما عم تخلليهم ينتبهوا إنو هيك عم يحجّموا الانجيل ..

أللـه يرحمنا

صلواتك