الابن الروحي ليهوذا الخائن

[Maximos]

من الشغلات اللي لعبت دور بتكوين هالرأي .. عبارة ما بعرف إذا قريتها بكتاب أو بفلم :

اتنين عم يحكوا عن معركة .. و واحد عم يقول للتاني : نظرت إلى وجوه القتلى .. فوجدت فيها مسحة طفولية .. هل هؤلاء من كانوا يقاتلون ؟؟!!!!

++++++++++++++++++

و عبارة تانية من فلم .. قالها واحد ختيار للممرض اللي عم يعتني فيه :

نحنا ما منكبر .. الزغير اللي فينا بعدو فينا .. أما الكبر بيتم بالشكل و الخارج فقط ..

++++++++++++++++++

يعني خلينا ننظر للموضوع و للبشرية من مسافة كبيرة .. مسافة كبيرة من الخارج و مسافة كبيرة من الداخل ..

رح نلاحظ إنو من جوّا الولد الزغير موجود .. و لما نحنا منكبر بيرتدي تياب كبيرة .. و بيتغلف بطبقة من الوعي .. بس بيبقى هوّي الأساس .. بيبقى هوّي اللي بيتحكم بردات فعلنا مهما كانت فكرتنا الرئيسية ( دينية - سياسية - فلسفية .. الخ )