هل من المعقول أن نضطر لفعل أشيــاء لا نرغبهـا .. من أجل إرضـاء النـاس ..؟!

[Salwa]

الله معك اختي كارِن

كلام الناس لا بقدم ولا أخر، على قولة الأغنية. يعني ليش لحتى ارضي الناس وأكون أنا تعبان؟ وأصلا شو ما عمل الشخص رح اتضل الناس تحكي. الفاضي بيعمل قاضي. ومن أكثر الأمثلة شيوعاً هي بالأعراس، لو شو ما عملوا العروسين رح تبقى الناس تحكي وتقول كان لازم يعملوا هيك وما كانوا لازم يعملوا هيك.
المجتمع الشرقي ما بيرحم والمجتمع الغربي ما بيسأل. الاثنين غلط وما فيه غير الشعب المعتّر اللي بدو حل وسط عم ياكلها.

بس فينا كمان نروحن الموضوع. قصدي فينا نعالج الموضوع بطريقة تانية، بعتقد على أد ما نحنا تواضعنا، على أد ما فينا نقتبل كلام الناس بطريقة بتلائم تطور حياتنا الروحية. يعني إن كان مدح، فنحن غير مستحقين له، لأننا لم نفعل شيئاً من الصلاح ولأننا عبيدٌ بطّالون نعمل فقط ما يجب علينا، وإن كان من لوم أو مذمّة فنحن له مُستحقّون لأننا خطأة. وهيك بكل الأحوال منقدر نعيش سلام داخلي وما نهتم بما يقوله الناس، لأننا نفعل فقط ما يُمليه عليه إيماننا وبمحبة وبعلاقة شخصية مع مخلص الكل.

وإن كنا نخاف من كلام الناس، فلأن كلام الناس عندنا يؤله الشخص أو يرميه في أسفل الجحيم. وهنا هي المشكلة الكبرى وليس في كلام الناس بحد ذاته.

آمين