طرائف حمصية

[برباره]

حمصي اشترى خاروف و أخدو لعند اللحام وقلو أي أخي .. بدي تساويلي نص اللحم شقف والنص الثاني ساويلي يا كباب والراس اسلخه ونضفو بدي ساويه نيفا والرجلين نظفها بنساويها مقادم والجلد لاتاخذه بدي ساوي سجاده للصلاه والكرش والمصارين بسويها سجقات وحفاتي والبعر منحطو سماد للزريعة وشوبيطلع معك شخت خليهن للقطة عنا بالبيت والله يخليك اهم شي العضام الحجة بدها تساوي عليهن طباخ روحو قام اتطلع عليه الخاروف وقلو : شو رأيك تسجل صوتي مشان تساويه رنة لموبايلك كمان!!

هذا حمصي ولا حلببببببببببببببببببببببب بببببببببببببببي
هههههههههههههههههه
في حمصي اتصل بالإطفائية و قلن .........شو يا ........ما منشوف وجهكم إلا إذا في حريق .

[Elias]

ثلاثة مهندسين إيرلندي وفرنسي وحمصي كانوا بيشتغلو بشركة مقاولات بدبي بتعمل ناطحة سحاب
وكل يوم بياخدو بريك الساعة 11 وبيفطروا مع بعض ، طبعا كل واحد جايب فطوره من البيت.
أول يوم فتح الايرلندي صندوق الإفطار لاقى جواته همبرغر، قال شو هاد كل يوم همبرغر همبرغر همبرغر ،
والله إزا بكرا مرتي بتحطلي همبرغر الا أرمي حالي من البرج وأنتحر
فتح الفرنسي صندوق الإفطار لاقى ستيك ، قال شو هاد كل يوم ستيك ستيك ستيك ،
والله لو بكرا مرتي بتحطلي ستيك الا أرمي حالي من البرج وأنتحر
فتح الحمصي صندوق الإفطار لاقى حمّص ، قال شو هادا كل يوم حمّص حمّص حمّص ،
والله لو بكرا مرتي بتحطلي حمّص اللي أرمي حالي من البرج وأنتحر
ثاني يوم جلسوا الثلاثة
فتح الايرلندي لاقى همبرغر ـ رمى حالو من البرج وانتحر
فتح الفرنسي لاقى ستيك - رمى حالو من البرج وانتحر
فتح الحمصي لاقى حمّص - رمى حالو من البرج وانتحر
ويوم العزاء
توجهت الناس إلى زوجة الإيرلندي وصارت تلومها انو ليش تحطيلو كل يوم همبرغر
قالت وهي عم بتبكي : والله اني فكرتو بيحب الهمبرغر، والله لو بعرف انو بدو ينتحر كنت
قتلت حالي ولا حطتلو همبرغر
ثم توجهت الناس الى زوجة الفرنسي وصارت تلومها انو ليش تحطيلو كل يوم ستيك
قالت وهي بتبكي : والله اني فكرتو بيحب الستيك، عمرو ما اعترض
والله لو بعرف انو بدو ينتحر كانت قتلت حالي ولا حطتلو ستيك
ثم توجهت الأنظار الى زوجة الحمصي وبيستنوا شو راح تحكي
قالت: شبكن كلكم عم تتطلعوا علي مستغربين والله هو كل يوم بيحط الفطور بإيده !!!!!!!!!!!!!!!!!!