أحتاجكم أكثر من أي وقت مضى

[ميلاد شحادة]

خلص مادام الماما عرفت بالموضوع كل شي انحل أمي الحبيبة نهلة شو بدي جوابك بعد كل هالمحبة يلي عم تعطيني ياها عشو بدي علق أمي شكرا لكلماتكا لمعزية شكرا يامن وقف بجانبي على رغم المسافات البيعدة شكرا شكرا بفضل صلواتك يا امي وبفضل صلوات هالأخوة الأحباء يلي بحبن من كل قلبي نشكر اللـه مشي الحال وانحلت المشكلة بشكرا الآباء والرهبان بدير القديس جاوارجيوس يلي وقفوا معي بكل محبة وأرشدوني للطريق الصحيح وشكرا ليلي كان إلو الفضل بحل هالمشكلة من أساسها .فعلا الرب ما بيترك حدا لو شو ماصار ومابحمل حدا صليب فوق طاقتو بس عنجد كانت من أصعب التجارب يلي بواجها بحياتي من أول ما ولدتت لهلأطبعا أنا مانسيت الرب يلي بشكرو و بحمدو و باركو طول أيام حياتي والعدرا يلي إذا طلبتها لأي طلب بتسرع بتلبيتي شكرا كلمة قليلة بشكر أهلي كلن بهالمنتدى المبارك يلي ما تركوني المجد لك يا إلهنا المجد لك.صلواتكم

[برباره]

أخت شيم حطيطي ايدك عالجرح تمام عفكرة مبارح أفكار الانتحار ماطلعت من راسي نهائيا عدت مرات لأني كنت منهار تماما يعني نوم مااحسنت نام ماربعرف شو بدي احكي مافي شي ببرر موقفي ..أنا كتير كتير محتاج صلواتكم صلولي رجاءا.

أخي الحبيب بالرب ميلاد
مهما داقت بوشناالدنيا و حسينا أن المصيبة كبيرة دايما لازم نعرف أنه الله معنا و مافي مصيبة كبيرة و الا بتكون نهايتها صغيرة و بتزول بس مو لازم أبدا نفقد رجائنا بالرب
لأنه رجائنا بالرب كبير و بيسوع المسيح اللي حامينا و صاينا بمحبته بس لما منلتجأ و منحتمى فيه و هو ما بيخيبنا أبدا.
العدرا معك و تحرسك ع طول و ربنا يوفقك و يحميك من كل شر

[Zoukaa]

الحمد الله عالسلامة أخ ميلاد، نشكرالله أنو أمورك صارت أحسن. بس متل ما قال الإخوة ضل ملتصق بأبوك الروحي وآباء الدير المقدس بشكل مستمر، بمشكلة أو بدونها، وخلي الصلاة درعك الحامي في أوقات الراحة قبل أوقات الضيق (صلاة البراكليسي كتير مهمة). أخي العزيز كلنا عنا مشاكلنا، كلنا بحسب طاقته ومن أجل خلاصه، ومتل ماقلت كل واحد عندو صليبه، الأرجح أنك مارح تقدر تحمل غير صليبك لأنو الأسهلك، فتحمل لأننا نجتاز في أرض الدموع حتى نصل إلى الحياة الأبدية، يمكن يالي عم يصير معك عم يشيل عنك أشياء أصعب وأثقل، ويمكن العدرا عم ترد عنك الأصعب وماعم يوصلك إلا الخفيف. تفائل وتمسك بالرب مالك الرحمة العظمى. الصلاة، الصمت، والصبر كتير مهمين. بتمنى ترسلي اسمك الحقيقي أو اسم شفيعك وأنا إذ بتسمح رح قدملك قرابين بالقداديس المقامة. صلواتكم