قصيدة اليبرق

[Elias]

يبرق مع العصاعيص يا حبي تحتك دهن شرحــــات متخبي
والتوم نيفا انسـاب واتسوسح والريحة آاخ , ولي على قلبي
والمرقة عم تنضح بحامضهــا عم ينقف الهبّال على عصبي
وكم يبرقاية تفزرّت واتسقسقت وانبحتت الرزات على دربــــي
يا يبرق الأحرار كرمــــالـك أنا بفخر بكوني مواطنٌ عربــــــي
جاية عبالي قول: أنـــــا بحبك بكل اللغات الشرقي والغربي
يلله استوي وحققلي أحلامي قد ساف قلبي في لظى اللهبِ
لقد استوى يافرحتي وسـعدي ياعمري يا أنسي وَ يـا طربي
هاتـــواالخبز والطنـجرة كلهــــا وبعدولي مــــــــا بدي حدا جنبي
لا أخي ،، لا أختي لا جدي لا ســـــتي لا عمي لا عمتي لك لا أمي لا أبي
عم أمضغ العصعوص واليبرق سوا شو هالنعيم هــــادا يــــاربـــي
اذا رحـــت فيهــــا بـــــعـــد هالأكلة ذنبك يـَأمي هادا ......... موذنبي

[Georgette Serhan]

شو هالحكم اخي الياس ، يعني قصيدة عم بتشرشر شرشرة دهن، بدك تنتبه من الكوليسترول
وبعدين صحتين بدك تاكل وحدك وما بدك تعزم عيب ما؟