اقتباس المشاركة الأصلية كتبت بواسطة Elias مشاهدة المشاركة
1-شو بيعنيلك وجود شخص آخر بحياتك "من برا العيلة صديق يعني
بعتبره اكبر انجاز بحياتي الشخصية لانه بيتحول الى قريب اختياري ممش مفروض عليك بالدم والعائلة والنسب وانما انت بتختار شخص ليكون كل الاشياء اللي زكرتهن وبعتبر انو وجود اصدقائي بحياتي شي كتير مهم لدرجة انهم بيصيروا اكتر من اخوتي
اقتباس المشاركة الأصلية كتبت بواسطة Elias مشاهدة المشاركة
2-من طفولتك وانت ناوي على طب الاسنان كمهنة؟ ولو صرلك تغير شو بتختار
هلء من انا وصغير ميولي طبية , بحب هالمجال كتير بغض النظر عن التخصص
ولكن لو اخترت شي تاني لكنت اخترت هندسة العمارة والتصميم لاني بحبهن كمان وبعتبرهن علم كتير حلو
اقتباس المشاركة الأصلية كتبت بواسطة Elias مشاهدة المشاركة
3-اذا حبينا ناخدك سفر وين تحب تروح على سبيل السياحة فقط.
هلء مادمت انت رح تاخدني بقبل منك اي شي , انشالله مشوار ع بصرى الشام
بس انا بفضل سياحة ع اليونان لاني بعتبرها البلد اللي مستحيل تمل منها , ديما بتكتشف شي جديد
اقتباس المشاركة الأصلية كتبت بواسطة Elias مشاهدة المشاركة
5-رأيك الشخصي بالمرحلة العمرية من 14 لـ 20 سنة
هلء بالنسبة الي ما بتعبرها كانت موفقة لان كان في كتير تغيرات وتقلبات وتشويش فكر وعدم استقرار عاطفي و وجداني ونفسي بس بعتبر انو ربنا رتب وجود بعض اشخاص معي وخاصة اصدقاء كان الهن دور كبير لحتى تجاوزت هالمرحلة بالاضافة طبعا ل وجود ابوي الروحي اللي ساعدني ع قد ما حسنت انا اشتغل
بشكل عام تقييم هالمرحلة كان متوسط او اكتر بشوي صغير
نشكر الله على كل شي وبعتبر انو اكبر واهم شي عملته بهالمرحلة انو حافظت على وجودي بالكنيسة نشكر الله وبصلوات القديسين
طبعا في سؤال ما فهمته لهيك مارح جاوب عليه
بيكفي 80% المهم النجاح
وشكرا كتير لاسئلتكن
شو بدكن يا عمي اسئلة الشباب الها طعمة غير, بتحسيها مهمة, مو اكل وطبخ ونفخ وشوكولاته.....
شكرا كتير ع الاسئلة وانشالله تكون الاجوبة مقنعة نسبيا الكن
صلواتكن