لكن انا شايفة انه مش رد على سؤال بسيط و مباشر سألته ، معلش اعذرنى ، انا كل اللى سألته هو ايه المشكلة فى ان شخص من الكنيسة الكاثوليكية أو الأرثوذكسية يضطلع على سيرة قديس من كنيسة غير كنيسته و يحبه و يتشفع به و يقتنى له أيقونة
من حقك تشوفي اللي تشوفيه ... دي مشكلتك يا عزيزتي
سؤالك اترد عليه ، لو سيادتك قرأتي سيرة يوحنا بولس (على سبيل المثال و ليس الحصر ... دا أحسن واحد فيهم كمان) و اقتنيتي له أيقونة و عملتي له مذبح كمان في الكنيسة ... ماذا سيقف أمام سعادتك لما تتساءلي ليه متجوزش أحمد ابن الجيران ؟ ما القديس يوحنا بولس اللي خد رصاصة من واد تركي و سامحه ، موافق عالكلام دا.
---------------------------------------------------------------------------------------------
يعنى مثلا" لو شخص كاثوليكى احب سيرة القديس نكتاريوس و تشفع به و اقتنى له ايقونة يبقى أخطىء ؟ او العكس أرثوذكسى اضطلع على سيرة القديسة ريتا مثلا" و التى جسدها لم يرى فساد للآن و تشفع بها و أقتنى لها ايقونة هتبقى مشكلة ؟
ماهو دا خلط الورق اللي بقول عليه ... و أظن إن هذا الخلط له السيناريو التالي :
1- " أنا إنسان من ظروف تجعلني أندفع نحو أسلوب فكر معين"
2- أكيد الشخص المتعصب الفلاح الخسيس المتعصب قصده إن القديسة ريتا ، و القديس يوحنا بولس اللي خد رصاصة من واد تركي و سامحه ، ناس وحشين
الرد على هذه المسألة كالتالي :
النقطة الأولى دي بتاعت ربنا ، هو اللي يقدر يضيّق زمة الشخص .
النقطة التانية ممكن تنطلي على واحد غيري ، أنا مبلبسشي السلطانية لا مؤاخذة ...
أنا مقلتش شيء ضد قداستهم اللي هي علاقتهم بالله ، لكن أنا ما يهمني إني أغلق باب التخاريف اللي ممكن تطال شعبي بسبب دخولهم البيوت ... هذا لا علاقة له بقداستهم أو غيرها ، لكن النزعة العاطفية تحكم بقى في فهم كلامي.
يا ريت يا أخ ميناس لو تكرمت و رديت على سؤالى ، تبقى اجابتك منحصرة فى السؤال ده ؟ مفيش داعى ان الموضوع يتفرع لقضايا انا متكلمتش فيها أصلا" .
مين قال إنهم عملوا المنتدى دا عشان أرد فيه على حضرتك ... و مظنش حتى إن حضرتك اللي عملتي الموضوع دا صديقنا دوريد ، و هنا أتساءل ، مش ملاحظة إنك بتتكلمي كطرف أنا لم أشأ أصلاً أن أرد عليه ؟
أليس هذا من قبيل الشعور العاطفي العارم اتجاه فكرة إنه ممكن أكون أقصد إن القديسة ريتا مش قديسة ؟ و كأني قلت ذلك ؟
مش عارف الكلام كان كبير وللا لأ
لكن في كل الأحوال مظنش من الحكمة إنك تطلبي مني أحصر كلامي معاكي