شكراً كثير أخت منى
صحيح ما في أكثر من الإحباطات بشغلنا بس لازم يبقى عنا رجاء انو نحنا نزرع و الرب الذي ينمي
منشان هيك رح خبركن هالقصة اللي قلي ياها أحد الآباء لما كنت عم اشتكي من شغل مدارس الأحد
في جوهرجي مختص بفحص الألماس نوعيتو و جودتو و إذا اصلي أو لا
سألوه كيف بيقدر يضل مميز نوعية الألماس و كيف ما بخربط على كثر النظر
قام اعطاهم السر و قال انو هو عندو ألماسة كبيرة مخبيها بالخزنة
كل ما يفحص كم ألماسة بروح بيفتح الخزنة و بغذي نظرو من نور الالماسة الكبيرة اللي عم تشع
بيرتاح نظرو و بيتملى من نور هالألماسة و بيرجع لفحص باقي الالماس
و هيك نحنا لازم دائماً نغذي نظرنا من يسوع المسيح
و نثبت نظرنا عليه لنقدر نمشي و ما نضيع الهدف و إلا .....إن كان أعمى يقود اعمى
حتى يسوع نفسه ثبت نظره إلى أورشليم
مع يسوع هناك رجاء دائم و لا نيأس من عمل الخير لأننا إن صبرنا فسنحصد في حينه
و الذي يصبر إلى المنتهى فذاك يخلص
صلواتكم