ياريت بعد اذنك أخي بندلايمون توضح الشي الملون بالأحمر... وبكون ممنونك


أخ أليكسي أنا بقصد من قبل وليس من بل وسقط حرف القاف سهوا

ألم يحل عليها الروح القدس قبل التجسد "لوقا1: 35 فَأَجَابَ الْمَلاَكُ وَقَالَ لَها: «اَلرُّوحُ الْقُدُسُ يَحِلُّ عَلَيْكِ، وَقُوَّةُ الْعَلِيِّ تُظَلِّلُكِ، فَلِذلِكَ أَيْضًا الْقُدُّوسُ الْمَوْلُودُ مِنْكِ يُدْعَى ابْنَ اللهِ."
بتعرف أخ أليكسي أنو هالسؤال كتير عجبني؟؟
أخي الحبيب وقت ظهر المسيح للتلاميذ بعد القيامة دخل عليهم والأبواب مغلقة ونفخ فيهم الروح القدس. معناتا ليش حتى رجع وبعت الروح القدس المعزي يوم العنصرة؟؟؟؟ ببساطة أخي الحبيب: الروح القدس إلو مواهب كتيرة وفيه آيات كتير بتدل على هيدا الشي متل "شاهدا الله معهم بآيات وعجائب وقوات متنوعة ومواهب الروح القدس حسب ارادته" عب 2: 4 وفي غيرها كتير.
إذا بتلاحظ أنو وقت دخل المسيح والأبواب مغلقة نفخ الروح القدس بالتلاميذ وقال لهم: " اقبلوا الروح القدس. 23 من غفرتم خطاياه تغفر له.ومن امسكتم خطاياه أمسكت" يو 20: 19 يعني أعطاهم موهبة غفران الخطايا
وهون نفس الحالة حل عليها الروح القدس قبل التجسد لتحبل وتلد المسيح أما في العنصرة فحل عليها الروح القدس مع التلاميذ.

هل الأرواح الشريرة تبشر بمجيء العذراء وتطلب من الناس أن يؤمنوا بالإله المتجسد منها؟

إذا بقلك إني فهماناها كتير بكون عم أكذب. هالمعلومة واردة بكتاب حياة العذراء عالأرض طباعة إحدى المطرانيات في الأردن.
بس يلي بعرفو أنا أنو نحنا منصلي بالمديح ومنقول إفرحي يا من أبطلت عمل مفسد العقول ومنقول كمان إفرحي يا رعداً يصعق الأعداء
وبتخيل بما أنو الروح القدس حل عليها وهو روح الحق منشان هيك الأرواح الشريرة بوجود روح الحق ما بتقدر تكون شريرة (وهيدا مجرد رأيي الشخصي)

هل هذه الكلمة حقيقية؟ ام هي من التراث الشعبي لتفخيم وتعظيم مكانة جبل آثوس؟
أخي الحبيب هيدا وارد في تقليد جبل آثوس ويحكى حتى اليوم ويحكى أيضاً أنو بنفس الحادثة طلبت العذراء أنو هالمكان يكون مخصص للرجال وما يدخل إناث غيرها

غير مبررة من نتائج الخطيئة الأصلية.. ام من الخطيئة الأصلية نفسها؟
معك كل الحق أخي الحبيب وأنا قصدت نتائج الخطيئة وليس الخطيئة منشان هيك بعتذر عن سوء التعبير
الكنيسة لا تؤمن أبدا بانتقال الخطيئة الأصلية

ما تواخدنا عم نعذبك معنا...

ولا يهمك يا باشا كلشي عم تتعذب إنت وعم تقول أنو عم تعذبني؟؟؟
الله يوفقك ويكون معك
وأنا دايما بالخدمة