ميناس

وعليكم السلام والتحيه

إن كان الله لا يعطي ملء بركاته في مكان واحد ، إذاً فهو إله ظالم بكل ما تعنيه الكلمة من معنى ، لأنه يعطي كنيسة معينة ملء الحقيقة في حين يعطي الهراطقة بركات لم يعطِها لكنيسة الحقيقة. فهل المطلوب من الناس أن يستعيروا هذه البركات من عند الهراطقة كي يستطيعوا أن ينالوا كل البركات؟ إن كان الله يقبل ، فهو إله مضل ، و حاشا أن نقول عليه ذلك لأنه هو الذي أسس كنيسته الواحدة و وضع الأناثيما و الحرومات التي لا تقصي فقط الهراطقة من الشركة بل من الخلاص و النعمة الغير مخلوقة ، المنحدرة فقط من الأسرار .
انا لما قلت انه كل كنيسه فيها بركات مش في الكنيسه التانيه مكنش قصدي على البركات اللي ربنا بيعطيها ومنه ربنا مضل بس هحاول أوضح قصدي

مثلا الكنائس اللي بتعترف بالشفاعة هي المستفيده ببركة شفاعة القديسين وبركة صداقتهم وقربهم منا والعكس من ينكر الشفاعه هو اللي حرم نفسه من بركه ومساعده كبيره كانت متاحه ليه وهو اللي رفضها دا اللي قصدي عليه بالبركات

أما بالنسبه للعقيده فأنا مؤمنه جدا من وجهة نظري انه العقيده الاثوذكسيه هي الصح واني مش ممكن انتمي لأي كنيسه تانيه بسبب الفروق العقائديه بينهم بس لما بشوف عندهم امور وجهاد وتعب في الخدمه الأمور دي بتعجبني وبحاول اضيفها ليا مع الاحتفاظ بأورثوذكسيتي

مثلا انا مش بقدر اسمع ترانيم ارثوذكسيه بصراحه بتشل فبسمع ترانيم انجليه بس في نفس الوقت لما بلاقي الترنيمه بتختلف مع عقيدتي برفضها زي مثلا ترنيمة مش مستحيل عليك في البوم دايس على عسلك لأيمن كفروني ... الترنيمه رائعه جدا بس فيها جملتين بيتكلموا عن الخلاص في لحظه فرفضت الترنيمه

مقدرش ارفض كل ترانيمهم لأنهم بيتعبوا وبيصلوا جامد من اجل ترانيمهم لكن المخالف برفضه ... دا قصدي بالبركات اللي في كل كنيسه ومش في الكنائس الاخرى

أخي مكسيموس

أتمنى انه يكون رأيك فيا صح

سؤال : هل سيهلك إذا ً كل أبناء بقية الكنائس - إذا ً - كما لو كانوا بعيدين عن الإيمان والكنيسة ال 100% ؟؟؟؟....

لا أحد يقدر أن يجيب على هذا السؤال إلا الديان نفسه ..
أما نحن فنبحث عن الأضمن والموثوق بسلامته ..
صح احنا بنبحث عن الاضمن والموثوق
وكمان هدف ربنا ان جميع الناس يخلصون والي معرفة الحق يقبلون

صح هدف ربنا اننا نعرف الصح والحق الكامل وانه هو بشخصه اللي بيرشدنا للوصول للحق دا

بس تفتكر لو حد منا تاه عن الحق الكامل هل الرب هيرفضه بصراحه معتقدش لانه لو ربنا رفض اي شخص بسبب انحرافه في العقيده وانه ربنا هيطلب منا الكمال في العقيده يبقى كمان بنفس المنطق ربنا هيرفضنا بسبب ضعف حياتنا الروحيه لانها مش هتكون كامله برضوا

saint-shenouda

من الممكن وانت تعرف ان ماحدث فى القرون الخامس والسادس مدنيا قد ازال من قلوب الاقباط اى ود نحو القوميه البيزنطيه وانت تعلم لماذا اما الان وبعد نيران القطيعه التى امتدت نحو 1500 سنه
أسفه أني أتدخلت في الحوار

الصراحه يا اخي الحقيقه من كتبنا حاجه ومن كتب الاخوه البيزنطيين حاجه تانيه خالص يعني

بالنسبه للبابا ديسوقورس أحنا بنقول في كتبنا انه الاخوه البيزنطيين ضربوه واعتدوا عليه والاخوه البيزنطيين بيقولوا انه الانبا ديسوقورس والرهبان اللي معاه ضربوهم

يعني سامحني في اللفظ مش هنقدر نعرف الحقيقه اللي حصلت في القرون دي لاننا مش هنقدر نعيش في الوقت دا بس الاكيد محدش كان صح 100 % في تصرفاته لانه لو طرف سلك كما يحق لأنجيل المسيح كان جميع اعداءه سيسالمونه فما باللك بالمختلفين معاه في الرأي مش الاعداء

......................

أسفه جدا على الاطاله