سؤالي مش كان المفروض انه الشهدا يدافعوا عن بلادهم بدل ما يتقدموا للشهاده مش دا برضوا واجب مهم ومفروض

انا هتكلم عن العصر الروماني ويا ريت نتكلم عنه علشان الموضوع يستمر

مثلا لو سمعتوا كلمه الدم للركب اللفظ دا جيه من مذبحه أخميم وهى بلد اتقتل فيها 8640 شخص في يوم واحد لحد ما كان الخيل بيقع من كتر الدم وجت تسميه الدم للركب


اعتراضي ليه ال 8640 واحد مقاوموش المحتل الرومانى ودافعوا عن بلدهم مهما كان عدد المحتل هما كانوا اكتر وبسبب استشهادهم البلد بقت وثنيه لفتره طويله لولا رحمه ربنا رجعت للمسيح تاني

ولو منطقهم دا صح يبقى انا لو في مجرم هجم على بيتي يبقى المفروض اسيبه مدافعش عن والدتى واخواتى وحتى عن نفسي ؟؟؟

أتمني اكون عرفت اوصل وجهة نظري واتمنى اعرف رأيكم