عاجل جدا:ترشيح قداسة البابا شنوده الثالث لنيل جائزة نوبل في السلام

[مارى]

بدون حساسية و بدون زعل طبعا" إحنا أخوات يا انطونيوس .... بس انا عايزة أسأل هو اللى بياخد جايزة نوبل دا مش لازم يكون شخص قدم للبشرية خدمة معينة ؟ زى الأم تيريزا مثلا"

البابا شنودة .... أو غيره من البطاركة الحاليين ماذا قدموا للبشرية من خدمات محددة نطلب على أساسها جايزة نوبل ؟ يعنى دلوقت لو الكاتوليك بيحبوا بابا روما شوية زيادة .. يروحوا يطالبوا بجايزة نوبل علشانه .... بردو ساعتها هسألهم ماذا قدم البابا بنديكيت للبشرية ؟؟؟؟؟؟

بالنسبه لكيفية الترشيح فهي بتكون علي اساس جمع توقيعات الشعب والمثقفين والاحزاب ورجال الدين بعد ابداء الاسباب المقنعه للترشيح طبعا...الخ مطلوب مليون توقيع علي الاقل..

لأ مهو لو الموضوع كدا يبقى كل الناس هتوقع .... انت بس قول اسم البابا شنودة هتلاقى الأقباط كلهم بيوقعوا و إسمح لى محبتهم هنا هتلعب الدور الأكبر ... لكن دا ماله و مال جايزة نوبل ؟؟؟؟؟ هى جايزة نوبل بقى ياخدها الأكثر شعبية ؟؟؟؟؟

انا بجد مش فاهمة .... البابا شنودة عمل كنايس لأبناء المهجر ... شىء هايل طبعا" .. لكن دا لأبناء رعيته ... يعنى واجب عليه ... دا غير ان الكنائس دى تم بنائها بتبراعتهم .... الأم تيريزا قدمت خدمات لأشخاص لم تعرفهم على مستوى العالم و لا يمتوا لها أو لطائفتها بصلة و ربما من غير المسيحيين ايضا" ...و مازالت خدمتها مستمرة فى البلاد الفقيرة حتى اليوم و ستظل و لذلك إستحقت فى يوم من الأيام جائزة نوبل

مش فى حاجة اسمها منطق يا أنطونيوس

[copticlion]

اكيد احنا اخوات يا ماري,
انتي بتسالي البابا قدم ايه للبشريه؟البابا قدم حاجات كتير منها التبشير في كل قارات المسكونه,ولعلمك الشخصي كنايس المهجر مش بس للاقباط في الخارج يا ماري!
في عهده اسس قداسته كنايس قبطيه في 14 دوله افريقيه وسيم لهم مطرانان,وبدا التبشير وانضمت قبائل افريقيه بكاملها للايمان الارثوذكسي اغلبهم لم يكونوا مسيحيين...ودا موقع من مواقع كنايسنا القبطيه في افريقيا http://www.geocities.com/copticafrica/
-الاكتر من كده يا اخت ماري ان قداسته بني مستشفي كبيره جدا في العاصمه الكينيه نيروبي لعلاج مرضي الايدز مجانا,وقد حازت المستشفي القبطي لعلاج الايدز علي جائزة اول مستشفي في العالم لعلاج الايدز مجانا من البيت الولايت المتحده الامريكيه وتسلم الجائزه بالنيابه عن قداسة البابا شنوده الثالثل بابا الاسكندريه نيافة الانبا بولس مطران كينيا وتوابغعا في البيت الابيض بيد الرئيس جورج بوش الابن والقي كلمه بالنيابه عن قداسة البابا(وهذا لا يقل عن ما فعلته الام تريزا اكيد,ولا ايييييييه؟)

-غير ذلك من التوسع الكرازي الارثوذكسي للكنيسة القبطيه في اوروبا-انضمام الكنيسة البريطانيه الارثوذكسيه ومطرانها الانبا صيرافيم(بريطاني)وشعوبه وعدة كنائس ورعويات وهذا موقعهم:
http://www.britishorthodox.org/
-وايضا انضمام الكنيسة الفرننسيه الارثوذكسيه ومطرانها الاول مثلث الرحمات الانبا مرقس(هولندي الجنسيه)والان المطران الانبا اثناسيوس الفرنسي الجنسيه) وهذا موقعهم:
http://eocf.free.fr/
- غير انشاء كنائس قبطيه في بلاد اسيا بغرض التبشير في اليابان - الصين -الفلبين - هونج كونج - سنغافوره تايلاند -بنجلاديش - باكستان الخ....وكل شعوب هذه الكنائس ليسو من الاقباط بل اسيويين...
في امريكا اللاتينيه:انشاء كنائس في المكسيك - جزر الكاريبي - البرازيل - بوليفيا - كولومبيا -بارجواي - ارجواي وكل شعوب هذه الكنائس من الاتين والان عندنا لاتين ارثوذكس.
غير كنائس في امريكا وكندا واستراليا ونيوزلندا وجزر فيجي الخ....
- وكل شعب له ترجمة الليتروجيه القبطيه الارثوذكسيه بلغته وحتي بلهجته....الكنيسه الارثوذكسيه تنمو وتذدهر في كل انحاد المسكونه بقيادة ذهبي الفم والقلم البابا شنوده الثالث,(يعني مش من تبرع اقباط المهجر)
- ولا احد ينكر مجهوداته في عمل التقارب بين الكنائس,روم ارثوذكس - كاتوليك انجليكان مصلحيين الخ
- غير انه اديب وشاعر مخضرم وله كتاباته...ويحاول اخماد اي فتنه طائفيه بين الاقباط والمسلميين عملا بقةل الرب(غير مجازين عن شر بشر او عن شتيمة بشتيمه بل بالعسكس مباركيين)
- وحاصل علي اكثر من 10 دكتوره فخريه من جامعات اوروبا وامريكا وكندا .....
- وحصل علي جائزة القذافي العالميه لحقوق الانسان فالجوائز كما ترين ليسة جديده عليه....
ارجو ان تكوني قد عرفتي من هو قداسة البابا شنوده بابا الاسكندريه وبطريرك الكرازة المرقسيه في المسكونه الان... (طبعا في حاجه اسمها منطق يا اخت ماري وعشان كده كلنا بناييد قداسته لجايزة نوبل في السلام )
انطونيوس,