في قصة كتير حلوة بس ما بذكر ازا قريتا او حدا حكالي ياها من زمان كتير بعرفا القصة بتحكي عن طاعة الابن الروحي للاب :

كان في راهب و عندو تلاميذ معو بالدير و مرة من المرات كان الراهب لوحدو بالدير قام شاف غريب بالطريق يلي بودي عالدير قام راح الراهب ليستقبل الغريب و يشوف ازا عطشان او جوعان لان الدير كان بعيد عن اقرب مدينة و اقرب قرية قام لما قرب من الغريب تفاجأ و ما صدق عيونو لان هالغريب كان الرب يسوع و شاف محل المسامير على ايديه قام دغري الراهب غسل رجلين المسيح و خلا المي بجرة و شرب الراهب من المي يلي غسل فيها رجلين المسيح و بعد وقت قصير رجع تلميذ كان كتير يحبو الراهب قام الراهب جاب الجرة يلي فيها المي المقدسة يلي غسل فيها رجلين المسيح و قال للتلميذ يشرب من هي المي قام التلميذ شاف المي من جوات الجرة و لقا فيها تراب و قال للراهب كيف بتقلي اشرب من مي فيها تراب ؟؟؟ قام زعل التلميذ و راح و بعد وقت قال الراهب للتلميذ شو صار معو و انو هي المي مقدسة من رجلين المسيح قام اتفاجأ التلميذ و ركض للجرة مشان يشرب منها المي المقدس بس للاسف لما اخد الجرة ما شاف فيها مي


ملاحظة: ازا انا غلطت بشي جملة بهي القصة و حدا بيعرفها اعذروني لاني من 6 سنين تقريبا بعرفها و المغزى من القصة هو طاعة الاب الروحي لانو مابريد الشر لاي حدا من ابناؤو صلواتكن