من هو الذي يظهر في الصوفانية؟

[مارى]

ميرنا لم تظهر من 25 سنة، ميرنا لم تزل تظهر كل يوم،

عارفة ... اقصد ان الموضوع قديم و الكنيسة ملتزمة بالصمت أو الكلام القليل عنه ..... اساسا" القصة مش ميرنا بالتحديد .... الناس أصلا" لازم تتعلم أزاى تفرق بين الخرافة و المعجزة .... و حتى المعجزة نفسها لازم الناس تتعلم انها شىء طبيعى و ربنا قادر يصنع العجائب كل يوم ..... يتعلموا الأول الإعجاز اللى فى سر الإفخارستيا عشان يبطلوا ينبهروا بالزيت و السمنة دول ..... دا الواحد بيشوف الناس و هى بتتناول بيحزن .... اللى بيبص يمين و اللى شمال و اللى مش مركز أصلا" كأنهم رايحين ياخدوا لقمة بركة (على فكرة فى كل الكنايس و الطوائف دا بيحصل) .... شىء مؤسف .... أروح أدور على معجزة أصفق لها و هى قدامى و انا مش حاسة

[QUOTE]لا بأس من القول بأن الكنيسة صمتت كل هذه المدة لكن لربما لها ظروفها، وليس كل شيء يقال، [/
QUOTE]

ظروف ايه .... تاااااااانى ظروف ..... ظروف ايه اللى تخلينى اسمح ان ولادى يضحك عليهم السنين دى كلها.....لازم يكون فى توعية و بصفة مستمرة و دورية ..... مش كلمتين و خلاص .... الأجيال الصغيرة بتكبر و الناس بتتبدل كل يوم و الأحداث اللى من النوع دا مستمرة و هتستمر ..... إذن لازم مواجهتها

إذن ما العمل إن لم يتحرك أبناء الكنيسة للدفاع عن عقائد الإيمان من موقعهم الزمني في عالمهم الزمني الذي يعيشون فيه،

ابناء الكنيسة وحدهم مش كفاية .... فى حاجة اسمها كهنة و رعاة ليهم دور اكبر و كلمة مسموعة اكتر .... دورهم بقى دلوقت يتحركوا .... على الأقل فى نطاق الكنيسة الأرثوذكسية ..... من خلال القنوات الفضائية .... بلااااااااش يعملوا إجتماعات ، مؤتمرات ، نشرات و يفهموا الناس شوية ..... دا دورهم ..... على فكرة انا عن نفسى بتهته فى الكلام و مش هعرف أفهم حد كل اللى قريته دا ..... ههههههههههههههههههههههههه ههههههههههههههههه....ماشى

سلام و نعمة