كيفك مررروووش ..

هالنقطة رجعتيلا أكتر من مرة ( الوضع هون ) .. مشان هيك حبيت أعطيكي لمحة عن الوضع هون :

و كلامي بالدرجة الأولى عن منطقة وادي النصـــارى اللي أنا ساكن فيها .. أما باقي المناطق : في أسوأ .. و بيجوز يلتقى مين وضعهم أحسن شويّ ..


1- نحنا هون ورثنا ورثة ( تقيلة دم ) و خصوصا ً الآباء الكهنة .. يعني - خصوصا ً فترة العثمانيين - كان الكهنة غير متعلمين .. و ما بيعرفو شي ينذكر عن ديننا .. لدرجة صارت إنو إذا الواحد صار خوري يقولو الناس إنو مشان المادة و المصاري .. و هيّ النقطة كتييييييييييييير عم يعاني منها آبائنا الكهنة مشان يصلـّحو هالصورة

2- أغلب الشعب عندو جهل فظيع بدينو .. لأنو من ناحية قلال كتير اللي بيروحو عالكنيسة ( ما عدا المناسبات ) .. و هدول اللي بيروحو قلييييييييييل منهم اللي ممكن يقرا كتاب .. و بدون قراية مو ممكن إنو يعرفو شي مقبول من ديننا ..

3- بعض الأحزاب و التنظيمات و اللي انتشرت الفترة الماضية بين صفوف المسيحيين ( و لا سيما الشيوعي و القومي السوري ) لعبت دور معادي للدين .. و كتير من المسيحيي انتسبولها بس لأنها علمانية .. و هادا الأمر كان ردة فعل طبيعية ( لأنها بتعملهم مواطنين مو ذميين ) و لكن غير واعية ( ما عرفو هالدرب لوين رح توصّلهم = البعد عن المسيحيو الحقة ) ...

4- اللي عاملين حالهم ( مفكرين و فهمانين و صفوة ) .. بيحاولو كل جهدهم إنو يتبرّؤو من الكنيسة .. بحجة سعة الأفق .. إنو على أساس الكنيسة صارت دقة قديمة .. و هللأ هنّي الفهمانين اللي تجاوزو هالمرحلة ع أساس ..
و ما بيقبلو واحد بيناتهم إلا ما يهجر الكنيسة .. مشان يكون ( فهمان ) متلهم ..

5- رجال الدين الكاثوليك و البروتستانت لعبو دور أكتر من قذر .. طبعا ً الشعب اللي تبعهم ما بيعرف شي من اللي بيعملوه هدول .. و أصلا ً هادا الشعب اللي تابعهم هنّي من الأساس أخوة إلنا تم إقتناصهم ..
هدول صارو يحاولو الظهور بمظهر الحملان و هنّي ذئاب خاطفة .. و بهيك حالة صار رجال الدين الأرثوذكس يظهرو ( بالمقارنة مع هالمظهر الكاذب ) كأنو مو أوادم أو مو على مستوى .. و طبعا ً مافي داعي إحكسي شو هيي التصرفات القذرة اللي عملوها هالذئاب الخاطفة .. لأنو الشغلة بدها مجلدات ..


حاجة ؟؟؟؟؟؟؟؟ وللا لسا بدّك ؟؟؟؟

أول كلمة بتقولها الناس على رجل الدين إذا إجا يخبرهم الحقائق إنو هادا مشان يحافظ على كرستو و يعمل حالو شغلة كبيرة أو فهمان .. لأنو هيك نشرت الذئاب الخاطفة بين الناس بمؤازرة كل الأصناف العاطلة اللي تم ذكرها فوق و غيرهم كمان ..

ما عم نقدر نواجه هالناس بالحقيقة بشكل علني ( على رؤوس الأشهاد ) .. لأنو ما في ضهر ( شعب مثقف دينيا ً ) يحمينا ..
و الناس اللي عم نحاول نساعدهم بيصيرو أول خنجر بيطعننا ..

أوووووووووووووووووووووووو ووووووووووووووووووووووووو وووووووف .. هيّ لمحة بسيطة عن الوضع ..



~~~~~~

~~~~~~

~~~~~~

~~~~~~

~~~~~~

~~~~~~

~~~~~~



أللــــــــــــــــــــــ ـــــــــه يرحمنا